معاك أنا أقوى

١٧ - أقدَار ؛

مساء الخير ..
كيفكم يا حلوين ، ما وحشتكم ؟ 🙈
حبيت ادلعكم هالاسبوع بتحديث للروايتين .. من زمان ما سويتها
وهالبارت يعتبر اطول بارت نزل لحد الآن ..
اهم محتوياته : ردة فعل سامي بعد ما عرف سبب مرضه + هوية الشخص الي يهدد رائد بالرسايل + ايش علاقة سند برائد ؟

لا تنسون الكومنت بين السطور + فوت

استمتعوا 🌷

.
.
.

بعد الصدمه الي استقبلها سامي صارت الأفكار تعصف براسه وتاخذه وتجيبه وكأنها النهايه المحتمه لحياته ..
فكر بألف شي وشي وكأن شريط حياته يمر قدامه .. فكر بمستقبله بنهايته بعايلته واهم اشخاص بحياته عياله ورائد .. فكر بالنهايه .. بالموت .. ظل يفكر ساعات طويله لين غلبه النوم وهو في مكانه ..

نيويورك - ٧:٠٠ ص

رفع راسه ولقى نفسه عالكنب ، يحس بجسمه متكسر والصداع باقي اثره .. جلس وفرك باصابعه المنطقه الي بين حواجبه ورص عليها لين طاحت عيونه على علبة العلاج واخذ حبه ورجع سند راسه على ظهر الكنب وهو ينظر للفراغ ..
اول ما غمض عينه تذكر رائد لأنه كان واعده يكلمه امس ونسى مع هالفاجعه .. جلس بسرعه وفتح جواله ولقى مكالمات ومسجات كثيره من رائد ....

الأولى
Mycupcake : وينك ؟
الثانيه
Mycupcake : حبيبي رجعت ؟ كلمني
الثالثه
Mycupcake : زعلان مني
انا اسف ما كنت اقصد ازعلك .. رد علي بليز
الرابعه
Mycupcake : اسف لو ضايقتك بأسئلتي
اوعدك ما اسألك مره ثانيه .. تصبح على خير 💔

حن قلب سامي ونفخ بقوه وهو يهدي نفسه .. ااستجمع قوته ورفع الجوال واتصل عليه ..
رائد الي كان منسدح بالصاله وسهران سمع جلس ورد بسرعه : ه هلا حبيبي ..
سامي الي كان صوته ناشف من النوم تكلم وهو يتنحنح : هلا .. اححم .. هلا هلا عمري
رائد عض اصبعه : صباح الخير .. توك قايم ؟
سامي : ايه توني صاحي ، كنت سهران امس

رائد نغزه قلبه .. ظن ان خالد له علاقه بالموضوع وكان يبي يسأله ليه سهران بس قرر يمرر السالفه عشان ما يضايقه : نوم العافيه حبيبي ..
سامي باختصار : الله يعافيك
سكتوا وحس رائد بشيء غريب ورا سكوت سامي ، ما تغزل فيه كالعاده وصاير هادي عكس طبعه ، لذلك حط في باله انه ممكن يكون زعلان عليه لأنه قفل بوجهه امس بينما سامي كان سرحان في عالم ثاني ....

رائد وهو يبي يجيب اي سالفه عشان يتكلمون فيها : ح حبيبي حجزت تذكرة السفر ؟
سامي : ...
رائد : بيبي ؟
سامي طلع من شروده : هلا
رائد نفخ خده : سألتك اذا حجزت التذاكر ..
سامي جاء في باله انه ما يقدر يسافر بهالحاله : اي ايه حجزت .. ب بس لا تقول للعيال ...
رائد باستغراب : ليه ؟
سامي : اخاف يصير شيء طاريء وتتكنسل ويتحطمون اكثر .. انا قلت لك من بدري بس لأني حبيت افرحك شوي ..