معاك أنا أقوى

٥ - بداية أخرى

مرحبا ..
كيفكم ان شاءالله تمام ؟

ابتداء من هالبارت راح تقل القفزات الزمنيه لأننا وصلنا عند المرحله الحاسمه والانتقاليه في الروايه بعلاقة سامي ورائد ، فراح نصير نركز بالبارتات القادمه عالتفاصيل بشكل اكبر

استمتعوا 🌷

.
.

لقد حاولت ..
حتى عندما كانت محاولاتي تؤذيني !

؛

بعد الأحداث السابقه مشى سامي وترك الأربعه مصدومين وراه ، ضغط فيصل على شفته ومشى مباشره جهة رائد الي كانت عينه تتبع خطوات سامي الغاضبه وقال له وهو ماسك اعصابه وبشيء من البرود : انا ماشي بس كرتي عندك وتقدر توصل لي اذا بغيت عن طريق فراس ومنيف
رفع رائد نظرته الي ما بعد تفيق من خوفها وصدمتها لفيصل وسكت لما شاف خده الي ورم بشكل طفيف : ..

فيصل الي لمح هالشيء قال باختصار : لا تفكر انها غلطتك .. عموماً انا ما راح اتدخل زياده لكن لو احتجت اي شيء لا تتردد تكلمني
رائد راحت عينه لكل من فراس ومنيف وكيف ملامحهم متوتره وتعمق شعور الذنب بداخله بشكل اكبر ، تراجع خطوتين وهو ينزل عينه ويقول بصوت صغير محرج ومغبون : انا اسف

تنهد فيصل بصوت مسموع لأنه شايف ان رائد ما عنده الشجاعه الكافيه وما زال يحتاج وقت طويل عشان ياخذ خطوه حاسمه وبطبيعة شخصيته الدفاعيه كان بوده يسوي اكثر عشانه لكنه لسبب ما مسك نفسه واكتفى بهالحد .. رغم انه اصلاً وصل لأبعد حد ممكن وكسب عداوة سامي الي ما كانت عالبال ابد ، التفت للجهه المعاكسه وهو يقول له باختصار : لا تخلي ضعفك يأسرك .. خلك قوي

طلع فيصل وهو يأشر لمنيف يلحقه بينما رائد قبض على يده والتفت للجهه الثانيه ومشى جهة الفيلا وهو يتبع خطوات سامي ببطء شديد ، مشى مثل المسير وهو يحس بأنه ضايع ومشتت اكثر من اي وقت ..

*رائد pov*

ايش الي صار من شوي ؟
ايش الي صار ؟! ليش يا سامي ضربته ؟
مو من طبعك تهين ضيفك ولا من طبعك تمد يدك من شيء تافه ..
معقول ..؟
معقول حسيت بشيء تجاهي ؟ ... ذ ذكرت شيء يخصني ؟
مابي اعلق نفسي بس .. هل حسيت بشيء ومو قادر تعبر ؟
حسيت بشيء حبيبي .. ؟

*نهاية رائد pov*

وقف بنص الصاله يدور على اثر لسامي بعيون متعبه بس ما لقى له اي اثر فيها ، مسح على شعره ورجع طالع جهة الباب وهو يتذكر منيف وفراس وكلام سامي لهم ، غورقت دموعه وهو يقول بندم كبير : ماي قاد ايش الي سويته انا ؟!