معاك أنا أقوى

٣٣ - رنيمْ ؛

صباح/ مساء الخير
كيفكم ؟
بارت جديد بتفاصيل واحداث جديده ..

حسب اقتراح البعض راح اجرب احط شرط واذا اكتمل ننزل البارت الي بعده ، ما راح احط شيء تعجيزي وبالبارت الي بعده نتفق اذا نكمل بنفس الطريقه او لا ، ماشي ؟

الكومنت ٥٥٠ ، الفوت ٣٠٠

استمتعوا 🌷

.
.

سند وهو منسدح وسرحان عالأخير قدام هارون الي يجهز الاغراض عشان يبدأ يغير له تصميم التاتو

-فلاش باك-

بيت جد منيف

بذاك اليوم كان جمعان متهاوش مع فاتن كالعاده وجاي يبي يرجعها ، دخل مع الجد يتفاهمون بوحده من الغرف وتركوا سند جالس بلحاله بالصاله ومن لقافته قام يمشي ويتفرج على ديكور البيت بانبهار ، وبدون ما ينتبه لقى نفسه تعدى على خصوصية البيت ولف بسرعه بيرجع بس وقف لما نادته وحده من الخدم بعد ما لمحته
الخادمه الفلبينيه : اوه بوي! انت ايش تسوي هنا ؟
قلب سند عيونه : مابي شيء برجع
قربت الخادمه منه وتكتفت وبلهجتها المكسره : مافيه تتمشى بالبيت على كيفك يلا ارجع ، فين اخوك الصغير ؟
سند بتجهم : لا تخافين ما جاء معنا امي ما رضت ..
جت الخادمه الثانيه وكانت حبشيه ودايم تهاوش سند : زين حست على نفسها والمفروض حتى انت ما تجي بعد
سند دينه ودين الي يتكلم عن أهله : انقلعي انتي الثانيه امي عندها ذوق احسن من ذوقك يالمخيسه
دفته مع كتفه : انت اصلاً قليل ادب ولسانك طويل !
ما عبرها سند ولف بيمشي : وانتي كريهه ويبغى لك طرد !
طلعت عيونها وقربت تبي تضربه بس سند طلع لسانه وركض عنها لداخل وهو يتلفت وراه لين قدر يتوها وقعد يضحك : تستاهلين يا غبيه
كمل طريقه بيرجع للصاله بس شده صوت عزف بيانو طالع من وحده من الغرف ومشى ووقف عند الباب وطل وشاف فيصل يعزف عالبيانو ، ارتسمت ابتسامه بالتدريج على وجهه وظل واقف يتأمله بإعجاب ..

* سند بوف

يا الله مثل الأمراء
كل شيء يسويه حلو ، سواء شكله او لبسه او كلامه
اففف يا حظ الي بيتزوجها والله .. بس مين يحب هو ؟
ذيك المره لو ابوي ما نادى علي كان .. كان
حط يده على شفته وحمرت اذانيه وسكت

وقف فيصل العزف وابتسم لما حس بيدين تغطي عيونه ونطق : شايفك يا سند ..
بعد يده وطل بوجهه بفضول : شلون عرفت انه انا ؟
التفت فيصل : شفتك انت وابوك وانتوا تدخلون البيت
رفع سند راسه : وليه ما جيت تسلم ؟
فيصل : تعرف اني ما اواطن ابوك
قرب سند وتكى عالبيانو : طيب وانا ؟
رفع فيصل حاجبه : مين الأكبر ؟
سند بذكاء : ومين الي جاي بيت الثاني ؟
سكت فيصل وبعدها ابتسم وطالع فيه : اوكي والي يجي بيت الثاني يقعد يتسحب فيه كذا زي الحرامي؟
انفتح فم سند باحراج وبرطم : ب برجع
مسك فيصل يده بسرعه ووقف : تعال يالزعول
سند : اتركني برجع عند ابوي
فيصل : شفيك لا يكون زعلت ؟
سند : ايه زعلت!
فيصل عارف انه له تأثير على سند لذلك خلخل اصابعه بيده وطل بوجهه : توبه خلاص ما امزح معك كذا وان عدتها سو الي تبيه
بعد سند عينه وتوردت خدوده : ط طيب
سحبه فيصل معه وجلس قدام البيانو وزحف له شوي : اجلس جنبي
سند وهو يشوف المكان الصغير جنبه : ليش جنبك؟ اعزف وانا بظل واقف
فيصل : ابي اعزف وياك
لف سند وجهه : ما اعرف اعزف
سحبه فيصل : ادري انا بعلمك