جالس بمكتبه الصغير ينظم اوراقه ويحطها على جنب ويمسح شوية غبار شافه على طرف شاشة الكمبيوتر .. زاد المويه في حوض الورد الصغير الي مزين فيها سطح المكتب كان يهتم بالترتيب كثير ويعتني بأدق التفاصيل وهذا جزء من شخصيته الي يفسرها البعض انها اهتمام مبالغ فيه ، محد عارف ان هالطبع تعمق فيه بسبب الوحدة الي خلته يحاول يشغل نفسه بأي شي عشان يمشي الوقت بدون ما يفكر بشيء ثاني ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خلص روتينه اليومي الصباحي في مكتبه وجلس عالكمبيوتر يكمل شغله عالبرنامج الترفيهي الي كان مسويه للأطفال وكان شغال عليه من اسبوع استعداد لليوم المفتوح ( كان يشتغل بمدرسة خاصه حضانه ومرحلة ابتدائية)
ابو ايمن طق الباب الي كان اصلا مفتوح ومعه كوب قهوه من ستار بكس : صباح الخير استاذ رائد رائد وهو يرفع راسه ويبتسم بلطافه : صباح النور ابو ايمن ابو ايمن : كيف اصبحت اليوم ان شاءالله بخير رائد وهو ياخذ القهوه من يد ابو ايمن : بخير الحمدلله ، تسلم عالقهوه دايم متعبك معاي ابو ايمن : لا يا ولدي ما فيها تعب ما دام هالشي ما يأثر على صحتك عكس القهوه الي اسويها .. اصلا من عقب ذاك اليوم الي تعبت علينا وانا اخاف يجيك شي من هالقهاوي اتركها عنك واشرب لك عصير طازج احسن لك واصح لك رائد وهو يضحك بخفه : لااا يطول لي في عمرك مو كذاا !قهوتك احلى قهوه بس القهوه الثقيله تتعب عالصبح خاصه اذا كانت بلاك وشربتها بدون فطور عشان كذا بطلت ، اما ذي اطلبها خفيفه مثل ما ابي ويسوونها لي ويروح سواق المدرسه يجيبها لي كل يوم نفس الوقت ايش احلى من كذا ؟ ابو ايمن : اللي يريحك يا ولدي اهم شي انتبه لنفسك ولا تنسى تفطر بعد شوي رائد وهو باقي مبتسم : اكيد (ابو ايمن هو الفراش اكثر شخص رائد ياخذ ويعطي معه في المدرسه يحسه حنون عليه ودايم كلماته مريحه بالنسبه له ..)
طلع ابو ايمن من المكتب ورجع رائد يكمل مشروعه عالكمبيوتر وهو يرتشف شوي من قهوته واندمج مع الشغل ومر الوقت وهو لا افطر ولا شي رفع راسه وشاف الساعه ١٠ ونص ، عقد حواجبه لما مسك قهوته ولقاها ثلج فصخ نظارته (يلبسها لما يشتغل عالكمبيوتر) وحطها عالمكتب وتنهد هذي مشكلته كل يوم لما يشتغل ينسى الوقت وينسى صحته وكل يوم على هالحال ..
