معاك أنا أقوى

٣٥ - عتـبْ ؛

صباح /مساء الخير
كيفكم ؟

ادري طولت عليكم ووعدتكم انزل البارت قبل بس باللحظه الأخيره اكتشفت غلطه عفست ام الدنيا واضطريت ارجع اصلح الحوارات ، المعذره ..
ان شاءالله بهالبارت راح ننهي مرحله وندخل مرحله جديده نحو النهايه فأتمنى استمرار الدعم الي عودتوني عليه

٥٥٠ كومنت + ٣٠٠ فوت

استمتعوا 🌷

••••

مُتمرد ويعلم ما أريد
قبلني وجعل الأهات تهيج بِ داخلي

.
.
.

ظل جالس عالكنب ومغمض عيونه يستشعر لذة بوستهم ، مسح شفته من الدم وصعد لفوق ومشى لغرفة سالم وطق الباب ودخل ،
قرب وشافه منسدح على بطنه ودافن راسه بالمخده وجلس جنبه وحط يده على ظهره : سالم قوم بكلمك
سالم الي كان يبكي رد : مابي اتكلم ..
فيصل باصرار : لا بتتكلم ، يالله قوم اجلس اشوف
لف سالم وجهه للجهه الثانيه وسكت بدون ما يرد او يتحرك من مكانه
بعد فيصل يده عن ظهره : اوكي لا تجلس بس جاوبني ليه قلت لأخوك كذا ؟
رد سالم بغصه : بتصير مثلهم انت بعد ؟

فيصل : مثلهم ؟
سالم بقهر : ايه مثل أمي ومنيف .. في كل مره أبوي يضربني فيها لازم يطلعوني انا الغلطان ويبررون فعله فيني ! والحين انت قاعد تدافع عن سند وجاي تلومني مثلهم بالضبط!
فيصل : ما ادافع عنه بس انت غلطت بحقه والا انا غطان ؟
سالم وهو يمسح دموعه : طيب ليش كلكم واقفين معه؟!! هو الي استفزني بتعليقاته دايم يقط علي كلام ويشبهني بالبنات وانا ساكت له !
فيصل بعتاب : عاد تقوم ترد عليه برد زي كذا ؟ انت شفت شلون جرحته بكلمتك ؟
حاجج سالم رغم انه كان يحس بندم : م ما قصدت اقول هالكلام هو الي ضربني وخلاني ما احيد الصح من الغلط
فيصل : ولو كلمتك كانت قويه ، يعني منت شايف قد ايش هو ضاغط على نفسه عشانكم ، هذا بدال ما تقول له كثر الله خيرك ياخوي تقول له سارق ومدري ايش ؟
سالم وهو يمسح دموعه : قلت لك والله مو قصدي ، اصلاً مو لازم تصدقني لأني م مهما اقول لك ما راح تسمعني ، دايم توقف ضدي وتدافع عنه!

تنهد فيصل لأنه عارف ان سالم غيران من سند بس ما يبي ينبهه ويعزز هالشعور بداخله لذلك مد يده وحاس شعره : ااه منك انت ولسانك صدق انك جحود .. كل هالي اسويه عشانك وتقول اني واقف ضدك ؟
سالم : وش سويت يعني ؟ اكيد قلت له انك بتجيبني له على منكس قروني عشان اعتذر له !
فيصل : طيب ارفع راسك وتعرف وش سويت ..
لف سالم راسه يطالع فيصل بفضول واول ما انتبه لشفته المجروحه جلس بسرعه وتوسعت عيونه : وش .. ت تضاربت معه؟!!!

هز فيصل راسه : لا ما تضاربت ..
سالم : اجل وش فيها شفتك كذا ؟!
مسح فيصل على شفته وابتسم : لا يهمك هذي طريقة تفاهمنا ، انا بس ابي اوريك وش اكلت بسبتك ..
نزل سالم عينه ونطق خفيف : اسف
رفع فيصل وجهه وطالع بعينه بعمق وتكلم : ما سويت لي شيء عشان تعتذر مني انا ، هالكلمه ابيك تقولها للشخص اللي يستاهلها
ميل سالم شفته وطالع بعيد وهز راسه : ...