ما عندي كلام اضيفه ولا عندي شروط ، كل الي اتمناه وانتظره منكم ان التفاعل يكون بقد الإلحاح والضغط الي انفرض علي ... بقد ما اعطي حب عطوني حب ومابي أكثر
استمتعوا 🌷
. .
رُبما في حياة أخرى أو على حافة أخرى أراك ، و أُشبعُ عيناي ..
؛
قبل الحدث الأخير بدقايق
كان الوقت ليل قريب الفجر ، ابعد الشرشف من فوقه واخذ جواله مع بكت الدخان وولاعته ومشى نازل لتحت ، مر المطبخ اخذ له مويه بارده من الثلاجه وطلع جلس بالحديقه يدخن باستكنان
المنامات والأصوات الي يسمعها والي تتكلم عن الماضي صارت تتداخل ببعض وما عاد يدري لو كانت خيوط تدله لأشياء حقيقه او انها مجرد اضغاث احلام .. كل الي يعرفه ان الوضع بدء يسوء وثقته بنفسه وبالناس الي حوله بدت تهتز خاصه بعد الكلام الي سمعه من لؤي ..
فتح جواله وشاف مجموعة اتصالات وكانت كلها تندرج تحت اسم "خالد مسؤل العلاقات" ، طنش المكالمات ودخل للمسجات وشاف مسج منه مكتوب فيه : ساميانااسفعالإزعاجوأدريانماليحقاتصلعليكلأنيتركتكفيعزاحتياجك،مدريتذكرنياولابسانامررهقلقانارجوكردعلياوطمنيبكلمه !!
عقد جبينه وهو يعيد قراءة المسجات باستغراب وبعدها قفل الجوال وهو يهمس بينه وبين نفسه باستنكار : وش هالميانه ؟ هذا الي ناقصني بعد .. دفن طرف سيجارته بالطفايه وقام وهو ينفث الباقي من الدخان من فمه ورجع دخل وصعد لفوق متجه لغرفته بس وهو ماشي استوقفه صوت ضحكات بغرفة تيم
وقف للحظات وبعدها غير وجهته ومشى عند الباب وكان بيفتحه لولا انه سمع صوت ضحكة رائد وهنا وقفت يده واكتفى انه يستمع للحوار الي صاير بداخل الغرفه ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
