“ខ្ញុំប្រាប់បងហើយតែបងមិនស្តាប់” រាងតូចអោនមុខចុះមិនមែនគេខ្លាចជុងហ្គុកនិងស្តីបន្ទោសឲ្យគេទៀតនោះទេដោយសារតែគេឈឺជើងខ្លួនឯងទៅវិញទេនៅ ពេលដែលគេដោះច្រវ៉ាក់ចេញមិនមានការថ្នមសូម្បី បន្តិចជើងកំពុងតែឈឺស្រាប់ផង។
“ហើយខ្លាំងណាស់ ឈឺខ្លងទេ?”
“មិនអីទេតិចតួច” ឃើញជុងហ្គុកធ្វើកាយវិការស្លូតៗ
មិនរករឿងនិយាយផ្អែមថែមទាំងចេញអាការ:ដូចជាកំពុងតែបារម្ភពីខ្លួនបែបនេះថេយ៉ុងស្រាប់តែមានអារម្មណ៍ថាបេះដូងរបស់គេដូចជាទន់ជ្រាយលោតញាប់រកប្រាប់មិនត្រូវ ធ្វើដូចជាមនុស្សកំពុងតែជួបស្នេហ៍អញ្ចឹង។
“នៅឲ្យស្ងៀមទៅ យើងទៅយកថ្នាំមកលាបឲ្យ”
រាងតូចងក់ក្បាលម្តងទៀត រង់ចាំមើលកាយវិការជុងហ្គុកធ្វើអ្វីមកលើខ្លួនបន្តទៀត បាននាយមិនធ្វើ បាបមិនវាយដំដូចពីមុនទៀតជាសំណាងហើយ ជុងហ្គុកក៏សង្ហារអាចឆក់បេះដូងគេឲ្យលោតកន្រ្តាក់ ញាប់ញ័របានដែរន៎ សមហើយដែលនាយជាប់ឈ្មោះជាបុរសសង្ហារប្រចាំសកលវិទ្យាល័យដូចជាគេនិយាយ។
“ឈឺបន្តិចហើយទ្រាំលឺទេ?” បន្ទាប់ពីបានថ្នាំមកហើយជុងហ្គុកក៏ប្រាប់ទៅរាងតូចម្តងទៀតនាយមិនធ្លាប់ធ្វើបែបនិងពីមុនមកទើបខ្លាចថាថេយ៉ុងត្រូវឈឺដោយសារតែទង្វើរបស់នាយតែនាយនិងព្យាយាមឲ្យអស់ពីសមត្ថភាព។
“អាក៎....អូយ..” ថេយ៉ុងស្រែកដោយការឈឺចាប់នៅ ពេលដែលជុងហ្គុកដាក់ប្រេងលាបនៅលើដៃរបស់គេមកច្របាច់និងឈ្លីថ្នមៗនៅលើជើងស្រឡូនស្អាតរបស់គេ ដោយសារវាហើយខ្លាំងពេកគ្រាន់តែប៉ះបន្តិចក៏មានអារម្មណ៍ឈឺចាប់ដែរ។
“ជិតរួចហើយទ្រាំឈឺបន្តិចទៅ” ជុងហ្គុក បញ្ចេញអាការ:ដូចជាឈឺចាប់ជំនួសថេយ៉ុងខ្លាំងអញ្ចឹង នាយក៏មិនដឹងដែរថាហេតុអ្វីបានក្លាយជាបែបនិង? ឃើញ ថេយ៉ុងឈឺនាយបែរជាឈឺជំនួសទៅវិញនេះបារម្ភពីថេយ៉ុងខ្លាំងពេកភ្លេចគិតថាអ្នកដែលធ្វើឲ្យថេយ៉ុងឈឺ គឺជានរណាហើយទេដឹង?
“អរគុណហើយបងជុង” រាងតូចញញឹមយ៉ាងស្រស់ ដែលមិនធ្លាប់ឲ្យអ្នកណាបានឃើញពីមុនមកអាចថា ជុងហ្គុកនេះហើយគឺជាមនុស្សទីមួយដែលទទួលបានស្នាមញញឹមនេះ
រូបភាពបែបនេះមិនអាចឲ្យជុងហ្គុកដកក្រសែភ្នែកចេញរឹតតែចង់សម្លឹងមើលវង់ភក្តដ៏ស្រស់ ស្អាតបើសិនជាសង្កេតមើលឲ្យកាន់តែច្បាស់ នាយមិនដែលចាប់អារម្មណ៍នោះទេថាថេយ៉ុងមានរូបរាងយ៉ាងណា ស្រស់ស្អាតបែបណានៅពេលដែលសម្លឹង មើលកាន់តែជិត ទើបដឹងថាងេយ៉ុងគឺជាមនុស្សប្រុស ម្នាក់ដែលមានរូបរាងស្រស់ស្អាត កែវភ្នែកស្រទន់
ទម្រង់មុខវី បបូរមាត់តូចស្តើងពណ៌ក្រហមមិនចាំបាច់លាបក្រេមផ្ទៃមុខសរលោងលើសស្រីៗមួយ ចំនួនដែលមានទៅទៀត ថ្ងៃនេះពេលនេះហើយទើបជុងហ្គុកដឹងថាអ្នកដែលគេនិយាយថាស្អប់អ្នកដែលគេនិយាយថាអាក្រក់កន្លងមកតាមពិតបុរសតូច ម្នាក់ដែលមានវង់ភក្តដូចជាទេវបុត្រដើរដី ស្រស់ស្អាតលើសពីការរំពឹងទុកទៅទៀត។
