Let's Not Fall In Love (SUAREZ SERIES III)

Chapter 45

Chapter 45

Didiretso na sana ako sa sasakyan ko pagkalabas ng mall ngunit natigilan lamang nang bumungad sa akin ang malaking screen sa tuktok ng kalapit na building.

Newsflash ang kasalukuyang palabas at hindi ko na sana papansinin iyon kung hindi ko lang namukhaan ang mga tao sa video clip.

At nang mabasa ko ang caption at cutline, tuluyan na akong naestatwa.

"Breaking news: Three senior employees were reported and arrested for sexual harassing junior employees."

The live video was taken outside the XYZ building, with the three old men being assisted by the police officers with their hands cuffed together. Blurred ang mga mukha nila pero alam kong sila nga iyon.

Matapos iyon ay ipinakita naman ang ilang kopya ng CCTV footage. Blurred din ang lahat ng iyon pero nahigit ko pa rin ang aking hininga nang ipakita ang huling video.

It was... the incident in the elevator.

Hindi ako makagalaw sa sobrang pamamanhid.

Narinig ko ang mga yabag palapit sa akin mula sa likuran. I heard Toper sigh, too. Pagkatapos ay maingat na hinawakan ako sa baywang. I felt him drop a kiss on the back of my head.

"I couldn't fucking let them get away with what they did to you, baby. You wouldn't want it if I murdered them, so..." He breathed in the scent of my hair as if that was enough to calm him down. "What do you want to do with your father?"

Ramdam ko ang tensiyon mula sa kanyang katawan. At nagsisimula na ring manikip ang dibdib ko kaya mas pinili kong manahimik. Hindi ko magawang sumagot.

Umiling na lamang ako nang paulit-ulit at nang hindi makayanan ay tuluyan ko na siyang hinarap.

Kasabay ng pagsubsob ko ng mukha ko sa kanyang dibdib ay ang pagtulo ng mga luha ko. Mas lalo akong sumiksik sa kanya para hindi niya makita iyon. I raised both of my hands and used them to cover my face and stop the tears.

Pero dahil sa dami ng mga nangyari sa nakalipas na mga araw at linggo, gupo na ako sa pagod at hindi ko na kayang balewalain pa ang mga iyon.

I had been hurting for so many years, and I kept ignoring the pain. And now it is finally taking its toll on me.

Nangyayari na ang mga gusto kong gawin noon. I've said hurtful things towards my father, and the last three men on my mom's hunt list were about to go live their lives behind bars.

Nakahinga ba ako nang maluwang? Hindi ko alam. I should've felt relieved. I waited so long for this. But instead, these tears just wouldn't stop.

Ipinulupot ni Toper ang kanyang mga braso sa aking katawan at binigyan ako ng marahang yakap. He kept rubbing my back, probably to console me, but it just made my tears flow more freely.

I am physically, mentally, and emotionally drained. Ni hindi ko na kayang maglakad pa papunta sa parking lot. Kaya hindi na ako nagreklamo nang maramdaman kong maingat na binuhat ako ni Toper at dinala sa kanyang sasakyan.

Sa sobrang pagod ko, nawalan na ako ng pakialam kung pagtinginan man kami ng mga tao sa paligid.

Toper reclined the shotgun seat so I could get comfortable. At paglapat pa lang ng likod ko sa upuan ay hinila na ako ng antok. Hindi ko na namalayan ang pag-alis namin.

Naalimpungatan lamang ako nang makaramdam ng lamig. I couldn't even open my eyes because of too much exhaustion. I just blindly looked for a blanket and when I felt something warm, nagsumiksik ako roon.