Chapter 94- မတရားသဖြင့် ပိုက်ဆံရှာသူများ
( ငါ့ပိုက်ဆံတွေ ကုန်ခါနီးပြီ )
GuHai ဒီလိုပြောလာတော့ BaiLuoYin မအံ့သမြိပါ။
( မင်း ပိုက်ဆံသုံးပုံလည်း ကြည့်ဦးလေ၊ ပိုက်ဆံ ဘယ်လောက်ရှိရှိ၊ လောက်မှာမဟုတ်ဘူး)
( ငါ ဘယ်တုန်းက အသုံးကြမ်းလို့တုန်း?) GuHaiရဲ့လေသံက မကျနေပ်သံထွက်နေတယ်။ ( ဒီအိမ်မှာ ပရိဘောဂတွေ မရှိလို့မှ မဖြစ်တာ။ ဟုတ်တယ်မလား? ပရိဘောဂ အဆောင်အယောင်ဆင်ဖို့ဆို ငါတို့ ငွေလိုတယ်လေ။ ငါ့ နေ့စဉ်သုံး ကုန်ကျစရိတ်ကလည်း ရှိသေးတယ်မလား? အခု ငါ့မှာ ဝင်ငွေ ရပေါက်ရလမ်းလည်း မရှိတော့ဘူး။ ဒါပေမယ့် စရိတ်တွေကတော့ ကုန်နေသေးတော့ မရှိမဲ့ ရှိမဲ့ ပိုက်ဆံလေးလည်း ကုန်ပြီပေါ့ဟ!)
BaiLuoYinက GuHaiကို ကြည့်ရင်းမေးတာက ( မင်းအဖေက မင်းကိုပိုက်ဆံ ပေးမထားဘူးလား?)
( သူကတော့ ပေးတာပေါ့။ ငါက မယူတာ)
( မင်းက ဘာကိစ္စမယူရတာလဲ?) BaiLuoYin သိချင်ပါတယ်။ ( သူက မင်းအဖေပဲဥစ္စာ။ သူ့ပိုက်ဆံဟာ မင်းသုံးပိုင်ခွင့်ရှိတာပဲ)
( ဒီကိစ္စနဲ့ပတ်သတ်ပြီး ပြောရရင်၊ ငါ အိမ်ကထွက်လာတုန်းက နောင်ကျရင် သူ့ပိုက်ဆံ ငါမယူဘူးလို့ အဖေ့ကို ငါ့သဘောထားတွေ ရှင်းရှင်းလင်းလင်း ပြောခဲ့ပြီးသား။ အခုကျ ငါတို့ဆက်ဆံရေးက ပိုကောင်းလာတယ်ဆိုရပေမယ့်၊ ပြောပြီးသားစကားက ပြောပြီးသားပဲလေ။ ပြီးတော့ ငါလည်း သူ့ဆီက ပိုက်ဆံမတောင်းတာ ၂လရှိပြီ။ အခုလို ဘဝနဲ့လည်း ငါအသားကျနေပါပြီ။ အခုမှ အဖေ့ဆီက ပိုက်ဆံတောင်းရင်ကျ နဲနဲလေး တမျိုးဖြစ်နေလို့ )
( မင်းကလည်း ကိုယ့်အဖေပေါ် မာနထားနေရသလား?)
GuHai ဘာမှမပြောတော့။
BaiLuoYin ကိုယ်ကို လှည့်လာပြီး GuHaiကို ကြည့်ရင်း ( မင်းစိတ်ထဲ မင်းအဖေအပေါ် စိတ်နာနေတုန်းပဲလား?)
GuHaiရဲ့မျက်လုံးတွေဟာ အေးစက်စက်နဲ့။ ( ငါ သူ့ကို တသက်လုံး စိတ်နာနေဦးမှာပဲ)
( ဒါတွေအားလုံးဟာ အထင်လွဲမှားမှုတွေ ဖြစ်နိုင်တယ်လို့ မင်းမတွေးမိဘူးလား။ မင်းအမေရဲ့သေဆုံးခြင်းဟာ မတော်တဆဖြစ်ရပ်လည်း ဖြစ်ချင်ဖြစ်နေမှာပေါ့ မဟုတ်ဘူးလား? ငါက ဘယ်သူ့အတွက်မှ ဆင်ခေဝြင်ပေးနေတာ မဟုတ်ဘူး။ ငါက ကိစ္စတွေကို ရှင်းရှင်းလင်းလင်း ဖြစ်သွားစေချင်လို့ပါ။ အဓိပ္ပာယ်မရှိဘဲ အာဃာဒတွေထားခြင်းဟာ ကို်ယ့်ကိုယ်ကို ညှင်းပန်းခြင်းတမျိုးပဲကွ။ ဆုံးတဲ့သူက ဆုံးသွားပြီပဲ၊ မင်းမှာ မိသားစုရယ်လို့ ကျန်ခဲ့တာဆိုလို့ ဒီအဖေတစ်ယောက်တည်း မဟုတ်လား)
YOU ARE READING
Are you addicted?Book-1 (Myanmar Translation )
Romanceထူထောင်ကာစ အိမ်ထောင်သစ်တခုရဲ့ လင်ပါသား GuHaiနဲ့ မယားပါသား BaiLuoYinတို့ဟာ တော်စပ်မှုအရဆို ဆုံမှတ်မရှိတဲ့ ရန်ဖက်တွေဖြစ်ပေမယ့်၊ အဖြစ်မှန်ကို မသိပါဘဲ သူငယ်ချင်းတွေ ဖြစ်သွားရာက သံယောဇဉ် တွယ်မိကာမှ အမှန်တရားဟာ ပေါ်ပေါက်လာခဲ့တယ်။ သူ့တို့ကိုယ်သူတို့ မိသားစ...
