Against My Will (Naga Series #1)

Kabanata 2

Isang linggo na ang lumipas, at ngayon na ang labasan ng resulta para sa scholarship examination sa CIT. Hindi naman ako kinakabahan. Kapag bumagsak, eh di sa ibang paaralan na lang ako mag-e-enroll. Kaso halos sarado na rin ang enrollment sa karamihan ng schools, lalo na para sa scholarship applicants.

And it's been a week since that "bet" thing happened. Hindi ko pa rin maintindihan kung ano ang pumasok sa isip ni Laurence noon.

Yes, I called that weird guy Laurence.

Nalaman ko kasi ang pangalan niya kay Ate. Halos mapatili siya sa excitement sa pag-uwi namin noon dahil nasaksihan niya ang nangyaring 'bet' issue na iyon. Idol na idol niya si Laurence, kahit minsan nawe-weirdihan din siya rito. Narinig ko rin kay Ate na iba-iba raw ang nagiging babae nito.

He is like his friend, Jake.

He is like him.

Mga baliw.

Sinong matinong lalaki ang pupusta ng gano'ng kalaking halaga para lang sa atensyon ko?

"Zen! Hindi ka na naman sasama sa akin sa CIT?"

Napaigtad ako nang biglang magsalita si Ate sa likod ko. Nasa kwarto kasi ako ngayon, nakaupo sa maliit naming study table habang may binabasa. Hindi naman maliit ang kwarto namin ni Ate, pero hindi rin gano'n kalaki—sakto lang para sa aming dalawa. May medium-sized kaming cabinet at double-deck bed na pinaghirapan ipagawa ni Papa. Pati na rin ang study table na gamit namin ngayon.

Kanina, nasa labas lang si Ate at nakikipagkuwentuhan kina Mama. Hindi talaga nauubusan ng chika si Ate Zeya. Parang araw-araw may bagong kuwento.

Sa aming dalawa, mas siya ang gumagamit ng study table kaysa sa akin. Hindi ko naman kasi hilig magbasa nang matagal. Madalas nasa kama lang ako, nakahiga. Si Ate sa itaas ng double deck natutulog, habang ako naman sa ibaba.

Masama ko siyang tiningnan habang nakataas ang isang kilay niya sa akin. Alam na alam niya talaga kung paano ako asarin.

"Hindi," tipid kong sagot.

Binalik ko ulit ang atensyon ko sa binabasa ko.

"Hindi na naman? Isang linggo na 'yan ah. Miss ka na ni Jake. Lagi ka niyang hinahanap sa akin. Ayaw mo ba siyang bigyan ng chance? Mukha naman siyang mabait."

"Mukha lang mabait, pero hindi ugali."

"Harsh mo naman, lil sis. Hindi mo naman sila gaanong kilala para i-judge mo agad." Natatawang saad niya. "At least, pogi ang magiging ex mo kung sakali. Mukha namang aalagaan ka no'n eh."

"Ayaw ko ngang magka-jowa. Dagdag problema lang 'yan sa buhay."

"Naku, Zendall. Huwag mong tapusin ang ganyang linya."

Napabaling ulit ako sa kanya at napakunot-noo sa sinabi niya.