Against My Will (Naga Series #1)

Kabanata 3

"Sa wakas! Break time na!" bungad ni Learsi sa amin.

Magkasunod kaming lumabas ni Monday. Nauna siya habang tahimik lang akong nakasunod sa kanya. Kakadismiss lang kasi ng klase namin. May gusto sanang kumausap sa akin kanina—mukhang gustong makipagkaibigan—pero agad akong hinila palabas ni Monday.

Honestly, thankful naman ako roon.

"Really, Learsi? ''Yan lang ba talaga iniisip mo?" tanong ni Monday.

"Siyempre naman! 'Yan lang nasa utak ko buong oras." Umirap siya. "Wala namang discussion, introduction lang. Ang boring nga, pero may nasagap akong chismis."

"Nagmamarites ka na naman," sabi ni Monday. "Ano na naman 'yan?"

"Kunwari ka pa, makikinig ka rin naman."

Sinamaan siya ng tingin ni Monday, dahilan para umubo si Learsi bago ipagpatuloy ang kwento niya.

Tahimik lang akong nakikinig sa kanilang dalawa. Gusto ko sanang magsuot ng headset pero naiwan ko yata sa classroom. Mamaya ko na lang kukunin.

"Ito kasi 'yon," panimula ni Learsi. "May narinig akong magkakaklase. Tapos siyempre, maganda ako kaya sumali na rin ako sa usapan." Huminto siya sandali para ngumisi. "Sabi nila, laging may tension between sa department natin at engineering dahil daw sa breakup issue."

Napakunot ang noo ko.

Breakup issue? Naalala ko tuloy 'yung lalaking nabanggit ni Ate noon. Mukhang totoo ngang sikat siya rito.

"Really?" tanong ko.

Tumango si Learsi. 

"At sabi-sabi pa, trip daw ng lalaking 'yon paglaruan ang mga babae sa department natin. Certified chicksboy."

"You mean si Adam?" tanong ni Monday.

"Oo, 'yang si Laurence Adam Hart." Ngumisi si Learsi. "Alam ko namang kilala mo yung best friend niy—"

"Shut up."

Mas lalo akong napakunot-noo. Ang tanging tumatak sa isip ko ay 'yung sinabi niyang pinaglalaruan daw nito ang mga babae.

Is he really that kind of asshole? Well, hindi naman ako dapat agad manghusga. Wala naman akong alam tungkol sa buhay niya.

"Bakit daw?" curious kong tanong.

Biglang natahimik sina Monday at Learsi bago ngumisi nang mapang-asar si Learsi.

"Uy, si Zen. Nagbabagong-buhay na talaga." Umakbay siya sa akin. "Ayos 'yan para mabawasan ang kasalanan mo. Masaya rin naman sa impiyerno."