الـــوقــوع فــي ابــتـســامــتــك

part 6

دخلت القسم مبتاسمة غير حتى تحولت ملامحي للصدمة شفت واحد البنت متميزة عندي بزاااف تميت غاداا بشوية خايفة نكون غالطة في التخمين ديالي
انا غادا او قلبي كايدق بالزربة وصلت او انا راسي كايضربو فيه بزااف تاع الافكار مي سرعان ما دارت البنت او هنا وقف بالنسبة ليا الوقت او طاحت ليا واحد الدمعة حارة من عينيا دمعة كاتعبر على مدى الاشتياق او الحسرة اللي كانحس بيه
ما شعرت حتى لقيت راسي معنقاها او كنبكي جوج دموع من العين
انا بألم :ياسمين ؛ ياك هادي نتي قولي ليا بلي هادي نتي عافاك
ياسمين كتبكي : اه انا انا
تعانقنا بواحد القوة او كل وحدة كاتحاول تفرغ ما في قلبها بلا ما تتكلم
أنا : ياسمين توحشتك بزااف اصاحبتي من ورا الحادثة ما بقيت شفتك فين كنتي بقيت مخلوعة لدرجة أنني ظنيتك متي
ياسمين : ما تخافيش اتسالي الحصة نعاود ليك من الأول حتى الآخر

دازت واحد المدة او وصل وقت الخروج شديت فيها او خرجنا
#####################
عند البنات
أميرة : واش هاديك ماشي لا
فاتي : اه هي و لكن شكون هاديك اللي معاها
وئام بصدمة : لا ميمكنش هادشي الي كانشوف
أميرة : مالكي شرحي لينا
وئام كاتبكي : ياسمين ا أميرة يااسمين
---------------------------
جاو البنات كايجريو عنقوها في دقة وحدة او انا كانضحك او شي دميعات ديال الفرحة هابطين من عينيا
ياسمين : واش الكلبات توحشتوني
أميرة : فين غبرتي أياسمين حرام عليك و الله خلعتينا عليك
ياسمين : لا امبوسي هادشي اللي كانشوف فيه أميرة ولات كاتخاف تقدم هذا
فاتي : غير سكتي الكلبة او شرحي لينا سبب هاد الغبرة
ياسمين : واخا الالة تسناو غير نمشيو القهوة او نعاود ليكم من طق طق حتى السلام عليكم
----------------------------------
وصلنا القهوة طلبنا

كلينا مزيان عاد بركنا كتتسنطو ليها
ياسمين: عقلتو البنات من ورا عملية الاختطاف اللي تعرضنا ليها فاش كنا صغار فاش خرجتوا نتوما او بقيت انا صراحة داز عليا جميع انواع العذاب شربت الدم كليت اللحم خضر اي حاجة تطيح ليكم على البال خاصكم تعرفو بلي داك الكلب دوزها عليا و لكن الحمد الله بعد شي سبع أيام جا واحد الراجل كبير هو و البوليس الله يرحمو هو اللي عاونني او تبنناني او حسبني بحالي بحال ولادو هاد الأعوام كاملة كنا عايشين في بلجيكا او فاش عرفت بلي غادي نرجعو جابوني لهاد المدرسة حيت المدير كايعرفهم ايوا حتى تصدمت مني لقيت سميتكم في اللائحة
-----------------------------
بقينا حالين فمنا او كانشوفو شحال الحياة قصيرة
انا عنقتها او بست حنكها
انا : ما كايهمناش هادشي المهم نتي رجعتي
ياسمين : تنبغيكم انا
شفت في البنات او خنزرت
أنا : يلاه نوضو نتوما تهزو نوصلكم لداركم
وئام : او ياسمين
ياسمين : لا انا راه الشيفور جاي فالطريق
فاتي : الشيفور تيتيز و لا والو
بقينا كانشوفو فيها واحد المدة غير حتى تفرشخنا كلنا بالضحك
أميرة : لا نتي بزااف السطاج الآخر
انا : ايوا المهيم اسوسو اري النميرة باش ندير شي حركة
ياسمين : بغلات
عطاتني النمرة او تحركنا لخيمتنا

ياسمين

يتبع 🥰💖