الـــوقــوع فــي ابــتـســامــتــك

part 40

الصحابات و مالين الطيماكس 🏍️💖
قصص مغربية 🎭✨
---------------------------------
ضارت عند ياسر و عينيها مغرغرين حتى هو ماشي من العاݣزين جاء عندها و همس في ودنيها

ياسر : كيجاتك المفاجأة ابنت قلبي

ضحكات و مسجات دموعها بالزربة : احسن مفاجأة

شافت فيه : ياسر نطلبك

ياسر بتاسم و نطق بهدوء: قبل ما تطلبي غادي نكون نفذت

شدات ليه في يديه و بتاسمات : عفااك ديني عند ماما و خالاتي توحشتهم

ضحك و ضربها لراسها: فيناهوا الذكاء ديالك فنظرك لاش غادي نجي المغرب كون ما توحشتهمش

شافت فيه واحد الشوفة فهمها من الدقة الأولى ضار نضاضرو و نبس ببرود : داكشي اللي كايدور في بالك غادي تتاكدي منو

حركات ليه راسها بمعنى واخا و مشات طلعات في لوطو

هبة : ياسر عفااك حل الشرجم راه جاني الصهد

ياسر هز فيها عينيها و نبس ببرود : اش لابسة بعدا باش يجيك الصهد

ضارت عندو بالعرض البطيئ و شافت فيه مطولة

هبة ببرود : ما عاجبكش لباسي اسي ياسر

ياسر حتى هو ما كدبش عليها جاوبها

ياسر : اه

هبة بنفس النبرة : باغيني نتحجب

هز فيها حاجبو و نطق : علاش لا

بتاسمات بسخرية و نطقت : باش من سلطة كاتقول ليا هادشي

ياسر ضحك و حك ذقنو و طول فيها الشوفة : امم سؤال في محلو و لكن الخطا الوحيد هو الصياغة ديال الجملة

شافت فيه مبردة : يعني ؟؟

ياسر بابتسامة جانبية : مصيرنا محتوم ابنت قلبي نتي ليا و انا ليك

هبة بتاسمات بجانبية : نتا عارف بلي بلا حتى شي وثيقة قانونية ما عندكش الحق تتدخل فيا و شكون قال ليك بلي انا وياك صافي شرينا الخيمة و باقي خاصنا غير ندقوا الوتاد

ياسر هز تيليفونو و هضر مبرد: انا اللي قلتها لراسي

هبة : باقي الحال على هاد الهضرة نقدر نعرف على سيادتكم حاجة وحدة ما تعجبنيش نزيد خلفة وحدة ما تبقاش تشوفني

في هاد اللحظة ياسر هز فيها عينيه و عرف بلي ناقوس الخطر بدا كايضرب حاول يجمع افكارو و يبدل الموضوع