القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
الصحابات او مالين طيماكس 🏍️💖 قصص مغربية 🎭✨ ------------------------------------------ بعدما حلقنا على الوضعية مزيان شدينا طاكسي متوجهين لواحد البلاصة معروفة بقاعات الحفلات كايكونو فيها غير الناس ديال الكيكة او حليب الميكة من بعد واحد المدة وصلنا ضربنا الشوفة مزيااان بانت لينا منورة بالتيتيز شفت في البنات او قلت ليهم انا : شوفو اللي جات فيها عشرة غادي ندخلو ليها اميرة :صافي واخا يلاه غمضوا عينيكم او سبحان الله مني سالينا ما جات ايدينا غير فواحد القاعة يا سلام الحديد غير كايتشاير او هي منبع التوت انا : بشااااخ المغرب غادي في تطور ياسمين : وا تشوما انا معاكم في هادي إلهام : صافي البنات حيدو عليا هاد العبايات او نتوما بحالا غادين لعرس فطنة اللي فراس الضرب انا : بابابابابا تي حيدي عليا إلهام اين هو البريستيج انا لا أراه إلهام : او مالنا كانلعبو هنا وئام : ولكن بلاتي نعيطو الحنانات اميرة : ويلي نسيت فاتي : قولو ليهم بايتين عند إلهام في دارها إلهام : ايمتا انا كانت عندي دااار ؟؟!! انا : شتي نتي غير سكتي عندكم واحد الام حلوى صافي أجي تشوفي حنا عندنا ڤاندام في ياماتو وئام : aller خالتي فتيحة فارضة السيطرة انا : غير صبري لمك دابا تجيك شي لوسة فحالها وئام : اصلا انا ممزوجاش ما لقيتش اللي يعمر ليا عينيا فاتي : قولي شكون اللي يصبر عليك انا : ها علاش كانقول ليك افاتي غير سكتي حيت مني كدوي كاتحنتي بنادم اميرة : صافي سكتونا خليوني نتكلم -------------------------------------------- من بعد واحد المدة ديال حديث كل بنت مع امها سالاو البطلات ديالنا حديثهم او توجهوا نحو المقصود مع الدخلة بانو لينا شي دراوا عمالقة بحال هادوك اللي جات عندي في السبيتار بان ليا بنادم كايعطي شي كارطات مشى داك السيد او جات نوبتي يلاه غادي تبدا نشرح للدراوي او هو يحدر راسو خلعني الصراحة دويت معاه باللونجلي excuse me can I enter : انا هو : of course go ahead madam انا : الله يحفظك البنات تفضلو اميرة : ناري اميرة ضربت ليا السجادة الحمراء ياسمين : ناري القضية فيها السجادة الحمراء إلهام : قوادت فاتي : غير زيدو يا ربحة يا دبحة انا : زيدو قودو اصلا اش بغا يوقع كااع اميرة : عادي عادي يلاه انا : شدو في بعضياتكم شدينا في بعضياتنا او تمينا غاديين او ريوسنا مرفوعين او انا غادي او هيا تزبلها فاتي فاتي : هبة ضربي ليا على هاد الكوفرة اللي من هنا انا ما قدرتش نصبر او نتفرقع بالضحك او في هاد اللحظة بالضبط بداا الفلاش او انا و لا بغيت نسكت ما جروني غير بزز يلاه دخلنا مع باب القاعة او هو يتسمع واحد الصمت من غير الشفاه اللي كتهمس بكلام غير مفهوم شديت في البنات ما مسوقينش البشرية شدينا واحد الطبلة زوينة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انا حطيت صاكي او شفت فيهم انا : البنات بان ليا هاد الحفلة فيها غير صحاب الشركات حنا ايلا سولونا ختارعوا شي سمية من عندكم او لا انا اللي غادي ندوي نتوما غادي تقودوها البنات: صافي مشاات انا : ان شاء الله الشركة غادي تكون سميتها The princess palace للازياء او هي شركة في طور التقدم مي باقي ما دارتش بلاصتها في السوق ان شاء تنافس افضل الشركات اللي فنفس مجالها البنات بقاو غير يبيضو في عينيهم فاتي : واش هادي هبة ولا كدبت وئام : ناري هبة بلاصتك ماشي حدانا و الله انا : بحالا علمك الله لفاطمة الصغيورة ضحكنا بصوت مرتفع شويا ضار بنادم يشوف فينا يلاه غادي نوض البشار نعلمو يدخل سوق خرزتو او هو يتم جاي واحد الأخ سكران الروايد ما يدوروش جا قاصدني تخلعت واحد اللحظة مي درت ديك اللعيبة ديال راه غير دايز غا حتى سيد زعم او حط يدو على كتفي ناوي يزمل ضرت مخنزرة فيه واحد التخنزيرة طيح الزرزور من السور ناضو البنات وقفو انا : مالك اخويا هو بالفرنسي: اوووه مال الزين تقلقت انا بلغتو : سمعني اخويا جمع ايديك حسن ما نوليو في المشاكل هو : لا ما نقدرش نفوت عليا هاد الفرصة بلا ما نقضي غراضي انا : دويت معاك بشوية ما بغيتيش تدور مع الدورة ايوا الله يجعلها لمك هو : اش فيديك ما تعملي ݣاع طري او تنزلي غادي تبقاي مرأة بلاصتك تحت منا في هاد اللقطة بزاااف رجعو ليا بزاااف ديال الذكريات ديال المآسي ديال المواجيع هزيت فيه عينيا او هوما حمرين ما حسيتش براسي حتى غوتت انا : شكون نتا بصفتك باش تتكلم معايا بهاد الطريقة دوي اااه باشمن حق تكلم لو كون كان عندك ݣرام تاع الرجولة ما تبقاش تجابد معايا في الهضرة بحال الولية او تبغي تفرض عليا راسك سمعتيني و لا لا كنت مع كل كلمة كاننطقها كاندفعو في كتفو او ختمت كلامي بالغوات هو مع ساليت كلامي او هو يشدني من شعري ناوي يضربني او انا كانتسنا الضربة تنزل عليا لكن ما حسيت بوالو حليت عينيا بشوية و سرعان ما تصرفقت بواحد الصدمة يا سلام
يتبع 🥰💖
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
القصر من برااا فين كانت الحفلة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
