القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
الصحابات او مالين طيماكس 🏍️💖 قصص مغربية 🎭✨ ------------------------------- طلعت انا اللولة و دخلو من ورايا البنات لبيتي شفت فيهم مصدومة هبة : واش سمعتو داكشي اللي سمعت فاتي : ما نقدرش نمشي اختي وئام : واييه اختي طرف من النفخة يعيش اميرة : اصلا ما غانحسش براسي مرتاحة ---------------------------------- Flach back : عنقت فتيحة هبة و نطقت بالكلام اللي خلاها تصدم بالكلام فتيحة : سمعيني ابنتي قررت انك غادي تبقاي عند خالتك فخيتة حتى تجي و كوني هانية راه ماشي بوحدك حتى العصابة ديالك غايكونو تماك جيت هادشي علاش تافقنا يلاه بسلامة اكبيدتي
و هادشي اللي وقع مع البنات كاملات End Flach back . -------------------------------- هبة نطقت بعدما فكرات شوية : البنات دابا راه ما نقدروش نخسرو ليهم الحجة ديالهم و اصلا دابا الدار عند خالتي فخيتة كاين غير اسر و ريان و غالبا ما كايكونوش في الدار نهار كامل و ما جاتش نخويو بخالتي فخيتة غير غادي نتوكلو على الله و نمشيو البنات دقة وحدة : كلامك هو الكبير صافي نضنا هزينا حوايجنا مشينا للحمام كل وحدة مشات لدارهم هزات سطولتها و الماعن ديال الحمام دخلت انا اللولة الحمام ضاربت مع واحد ختنا بردت فيها كاع الأعصاب اللي فيا و طلع ليا المورال المهم شديت بلاصة ليا و بلاصة لدوك الهيشات ديال صحاباتي درت الحنة و الصابون البلدي و النيلة و الداد طليتهم للحمي كامل حتى بانو ليا الدريات غوتت عليهم شدو بلايصهم طلاو حتى هما التخليطة العالمية ديالنا و بقينا نغنيو نشطنا الحمام كانحاولو نساو صافي من بعد شي تلاتة ديال السوايع عاد خرجنا ما نقولش ليكم بلارات ياقوتات صافي قريت عليهم سورة الفلق و خرجنا مشينا لداري انا صافي حليت التيليفون لقيت ليزابيل من عند خالتي فخيتة و كلت امري الله و جاوبت هبة : الوو خالتي لالة فخيتة : الو بنيتي عيت ما نعيط عليك لا نتي لا البنات ما كاتجاوبوش خلعتوني عليكم هبة ابتاسمات بلا ما تشعر او شافت في البنات اللي كانو حتى هوما فرحانين بهضرة خالتهم فخيتة هبة : لا ما تخلعيش اخالتي راه كنا في الحمام داكشي علاش ما جاوبناكش لالة فخيتة ضحكت : ايوا شهيتوني فشي تحمحيمة فاعلة تاركة حتى نعودها معاكم هاد المرة المهم ابنياتي جمعو حويجاتكم راه غادي يجي الشيفور يجيبكم للدار هبة حشمت شويا : ربي يخليك اخالتي غادي نتقلو عليك غير سمحي لينا و صافي لالة فخيتة : ما تقولشي بحال هاكدا الدار كبيرة الخير موجود ابنياتي انا بغيتكم غير تعمرو عليا راني غير بوحدي هبة : واخا اخالتي ها حنا غادي نجمعو حوايجنا دابا خليتك على خير تهلاي في راسك لالة فخيتة : الله يرضي عليك ابنيتي قطعت هبة و دارت عند البنات قالت ليهم يمشيو يجمعو حوايجهم و يلبسو داكشي اللي دارو كل وحدة مشات لدراها جمعو لي فاليز ديالهم او لبسو جليلباتهم اللي كانو همة و شان و خرجو قدام باب دارهم سدوه او وقفو كل وحدة تسنا في الشيفور
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
