الـــوقــوع فــي ابــتـســامــتــك

part 39

الصحابات و مالين الطيماكس 🏍️💖
قصص مغربية 🎭✨
----------------------------------------
# من بعد يومين

فاقت هبة ضربها الضوء و رجعات سدات عينيها عاودات حلاتهم بدات كاتفحص فين هي بدات كاتوضاح ليها الرؤية لقات واحد الغرفة رجالية بامتياز و لكن عندو واحد الطابع مختلف



شدات راسها بين يديها و نطقت

هبة : يا ربي عيت فينما ننعس لقا راسي في بلاصة اخرى سمح ليا اربي و غفر ليا على هادشي اللي غادي ندير

ناضت من بلاصتها شداتها واحد الدوخة خفيفة و لكن تغلبات عليها و هزاات واحد الفاز كبير و تقيل تمشات حدى داك الباب توجهات باش نحلو و تفاجأت فاش ما خابش ظنها و لكن عرفات انها ما غاديش تبقى بلا حراسة شافت في الكارد و خنزرات فيهم

هبة معصبة : فين جبتوني عاود تاني يا الكفرة بالله دعيتكم الله

صدموما الكارد فاش ضربو ليها التحية و خواو ليها الطريق شافت فيهم و بقات كاتحلل بينها و بين راسها قررات تتمشى و لكن الفاز ما تحيدوش من جنبها بقات غاديا و كاتشوف موراها حتى تزادتها واحد الصدمة اخرى فاش شافت انها ماشي في الفيلا اللي كانت فيها لقات راسها في طيارة هنا الزغب ديال راسها وقف و نطقات

هبة مدشهرة : كيفاش بلاتي اش واقع ياكما يكون باغي يلوحني من السماء باش ما يلقاو ما يجمعو فيا بالحق و الله لا كانت ليه اليوم نقتلو يا بيا يا بيه

هزات راسها السماء و توجهات لبلاصة اللي كانت بحال صالون عصري ضحكات على هاد الناس و مشاات لاول شخص بان ليها واقف و عاطيها بضهرو كلما كاتقرب كلما قلبها كايزيد يضرب كثر كلما كاتقرب كلما كاتحس انها غادي تشوف شخص عزيز على قلبها و الغريب في الامر انها ما خيفاش بالعكس فرحانة و لكن كاتحيد داك الشعور بالزربة

تكلمات بنوع من البرود : شكون نتا

نطق بهدوء : أخيرا فاقت الأميرة النائمة