الـــوقــوع فــي ابــتـســامــتــك

part 53 _ معاناة من نوع اخر

الصحابات و مالين الطيماكس 🏍️💖
قصص مغربية 🎭✨
________________________________

طبطبات سافانا على هبة و بتاسمات ليها في وجهها : اذا تقدري تبداي من غدا انا غادي نقاد ليك الامور هنا ما عندكش مناش تخافي

هبة نفات براسها : عنداك تديريها اسافانا ديريني بحالي بحالهم ماشي حيت نتي عندك مرتبة هنا هادشي كايعني انك توسطي ليا ... الله يخليك ما بغيتش اللي هنا يكرهوني على شي سبب اخر من غير المجهودات ديالي

تبشرات ملامح هاد الأخيرة و عنقات صاحبتها الجديدة

سافانا: صافي ما يكون غير خاطرك ... شنو الوقت اللي قررتي تبداي تتدربي

هبة : غدا غادي نجي نبدا التدريب ... غانمشيو نجمع حوايجي و نتوادع مع خالتي

سافانا : يله نمشيو من هاد المعسكر راه كايجيب ليا الخنقة ... كانتفكر ما داز عليا كانبغي نحرقو باللي فيه

ضحكات هي و هبة تمو خارجين من ديك البلاصة اللي ماتنكرش هبة انها حسات بشعور الرهبة تسلل لداخل ديالها على إثر مجرد نظرة اما منين غادي تعيش فيه يعلم الله من اينا معاناة غادي تدوز سرعان ما رجع ليها المنظر المشؤوم اللي شهدت عليه و تحولات النظرة ديالها من خوف لتعطش تمات  غادة هي و سافانا ركبو في السيارة و رجعو للقصر بكل هدوء و سكينة

نمشيو من روسيا المغرب و بالضبط للدار البيضاء عاصمة المملكة الاقتصادية

قدام باب دار البطلة ديالنا ... كل من هناء و انور مجهزين الشانطات ديالهم و واقفين قدام باب دارهم و معاهم الدراري و البنات

هناء : البنات تهلاو في راسكم و تهلاو في الدراري ... الله يرضي عليكم

اميرة : كون غير بقيتي اهناء ما تخليوش الدار خاوية

هناء : ما غنقدروش اميرة انا شحال من شهر و انا ناسية خدمتي و داري ... و انور حتى هو خدمتو ما مساعداهش ... ما عندنا كي غادي نديرو كون غير بقات ه...

وقفات في اخر كلام و حسات بدموعها هبطو بلا ما تحس

انور : داكشي علاش قررت انا و هناء ... السوارت ديال الدار غادي يبقاو عند البنات او فينما تكون شي موت و لا شي عرس حلوها ... خليوها رحمة على الواليدة

فاتي : كون هاني اخويا

هناء و انور : يله بسلامة تهلاو في راسكم و ردو بالكم الأمانة

البنات: كونو هانيين ... بسلامة عليكم الله يوصلكم بالف خير و سلامة

__________________________________