القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
الصحابات و مالين الطيماكس 🏍️💖 قصص مغربية 🎭✨ --------------------------------------- Pov aser: من بعدما ما دخلت و شفت البنات جالسين في الصالون و ناشرين زينهم تصدمت و حليت عيني في رزقي اللي اتاني بيه الله اه الشمالية ديالي و شحال واتاتها الجلابة و جاني الصفر على الكانة بقيت واقف و كنتبسم حتى هي طلعت فيا عينيها بحشمة و كون غير ما دارتهاش قلبي بدا يضرب تقول هشام الكروج كايجري تميت غادي جلست حداها حيث كانت في الآخر ديال السداري بست ليها على يديها حيت حتى واحد ما كان كايشوف هي دغيا جمعت يديها و بدات تدور في عينيها بتاسمت لبراءة ديالها و درت كانسمع الحديث ديال الواليدة و خويا End pov . ------------------------------------ لالة فخيتة عطات لريان التيليفون و دوات مع البنات اللي كان الجو مكهرب عندهم دوات مع اميرة لالة فخيتة : وا بنيتي و بنية خيتي وسيمة شفتك كعما سمعتينا صوتك اميرة ضحكات و دوات حشمانة : غير كانحشم و صافي ريان بلا ما يحس: ما تحشميش الدار دارك لالة فخيتة ضحكت : و الله ما كدبتي اولدي اميرة حمرت عينيها في ريان هاد الاخير اللي غمزها و ضحك لالة فخيتة عيطت على الخدامة : الله يرضي عليك ابنتي وري البنات كل وحدة بيتها نقزت فاتي ووئام : لا اخالتي ما نتفرقوش على بعضياتنا هبة و اميرة ضحكو و عنقتهم هبة و باست رأسهم وحدة وحدة هبة : يلاه طلعو سبقوني انا ندوي مع خالتي و نتبعكم حركو رأسهم و ناضو مع الخدامة اللي داتهم الواحد البيت كبير و زوين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دخلو جلسو كايتسناو في هبة هاد الأخيرة جلست و شدات في يدين خالتها فخيتة و جلست على ركابيها هبة شاداها البكية : خالتي فخيتة نتي عارفة انا الغيبة ديال ماما الحج جاتني على غفلة ما عرفت ما ندير و ما يمكنش نخسر ليها حجتها و لقيناك غير نتي في جنبنا لا انا لا البنات دابا اللي بغيت نطلب منك قدام ريان و اسر غير سمحي لينا ايلا تقلنا عليك راه كون كانو بواتنا باقين حيين كون فخيتة شدات ليها من كتافها و جلستها حداها اسر و ريان تأثرو : بنتي نتي راك طرف من ختي و صاحبتي كبرتي على عينيا انا اللولة هزيتك بين يديا نتي راك بنتي حتى انا و حاولي ابنت قلبي ترحمي على باباك ما تعذبيهش في قبرو هبة مسحت دموعها و عنقتها بحب : الله يرحمو اخالتي اللي يرحمو و الله يخليك ليا لالة فخيتة مسحت دموعها و طلعت مع هبة بقرصة : نوضي نوضي و نتي قدك قد الجغلة و باقا كاتبكي ريان و اسر ناضو عنقوني : لا الواليدة بعدي لينا من الخوادرية لالة فخيتة بدات كاتحيد في الشربيل هبة و الدراري خرجو عينيهم هبة غوتت : وا فرتتح احمااااادي جري ما تشوفش وراك بقاااو يجريو يجريو حتى هبة طلعت لبيتهم لقات البنات باقين بجلالبهم و لكن مجموعين على واحد الفيلم هبة مشات لفاليزتها كتاقلب على على شي بيجامة طويلة ما لقاتش دارت عند البنات هبة : البنات شكون اللي عندها شي بيجامة طويلة راه ما لقيتش البنات : ما لقيتي من تسولي على الطويل غير حنا شفت حتى عيت فيهم وانا نوض لبست واحد البيجامة قصيرة و لكن زدت عليها بينوار
