الـــوقــوع فــي ابــتـســامــتــك

part 59 _ من اكون !!؟

الصحابات و مالين الطيماكس 🏍💗
قصص مغربية 🎭✨

___________________________
حلات هبة عويناتها و هاد المرة عاوتاني في غرفتها و غير هي و ليث الرأس في الرأس

هبة تنهدات تنهيدة من اعماق قلبها ويلها أو ويل شي حد يكون سبب في غضب الله عليها و جاء هو ضرب ليها كلشي في الزيرو باغا تبكي و لكن ما ناسياش الوعد اللي قطعاتو على راسها

نطقات بصوت مقهور

هبة : أش باغي مزال

ليث حس بشعور مختالف هاد المرة تزيرات عليه نفسو و حس بشعور اول مرة يحس بيه هو " تأنيب الضمير " دغيا محا الفكرة من راسو

ليث : ما كاتسنايش تفسير علاش دعيت الوشام أو شنو داكشي اللي وشم ليك أو شنو معناه

هبة ضحكت بسخرية : ما كايهمش ما كاينش شي تفسير كايشفع لهاد الويل اللي فجسمي

ليث قلب عينيه و ناض تقابل مع الشرجم جبد السيجار كايكمي و عاطيها بالظهر

ليث نفث السم اللي كان مدخل لريتو و نطق بنبرتو المعتادة

ليث : بما انك وافقتي تنضمي لعملية البحث إلا و ان المعلومات الشخصية ديالك كاملة غادي تبدل و بما فيهم اسمك و النسب ديالك و هادشي اللي درنااه

هبة ناضت وقفات و جات قدامو

هبة : شرح ليا بالتفصيل و ما تخلينيش نبقى كيف داك المطروش في الزفة

ليث طفى السيجار و ربع يديه متكي بجنبو على الشرجم

ليث : باختصار طلعات ليك بطاقة هوية روسية و اسمك تغير فيها بل و تبناتك عائلة تهزي النسب ديالهم اما بالنسبة الوشام فكان ضروري باش حتى لا وقعات عملية اختطاف يعرفو انك عضو في الاستخبارات الدولية

هبة هزات حاجب و حطات الآخر

هبة : و نفتارضو ان هضرتك صحيحة اميستر ليث ... هزات صبعها شيرات بيه للساحة ... كيفاش غادي نقنع هاد الناس اللي التحت ان اسمي تغير