الـــوقــوع فــي ابــتـســامــتــك

part 21

الصحابات او مالين طيماكس 🏍️💖
قصص مغربية 🎭✨
-----------------------------------------
تذكير :
مشيت دويت مع البنات او عاودت ليهم على اللي وقع تخلعو.و لكن ما كاين اللي صدمني قد الغوتة اللي سمعت
--------------------------------------------
كانت وئام منذامجة معانا في الهضرة حتى غوتت واحد الغوتة يا سلام خلعتني سولناها كلنا دقة وحدة مخنزرين
انا : مال مك جهلتي
وئام : راه قربات تجيني هاديك اللعيبة او المشاعر ديالي كايهربو فهمتيني
اميرة : هاي هاي على العقص وا قد قد اسعدية
فاتي : انا حتى لبعد غذا
انا نطقت او كانحسب في الايام في صباعي : انا بنسبة 99٪غادي تجيني غذا او ناري راكم عارفين القضية عندي حامضة
وئام بدات كاتفرقع : سيري نتي وياهم تق**و و نتوما لاسقين ليا في ك*ي
انا دويت بواحد الصوت رائع جدا : و سمعيني مزيان اوئام وا بربي ياو ما تلزمي حدك يا تنخرج في ختي طول او عرض وا قولي هبة ما ديرهاش ها ودني منك هاي هاي وا زعامة هادي راه شوفي نعيط على خالتي فاطمة تسودي ليك ديك الترمة ايوا يله الله يرضي على بنتي ضوري مع الضورة
وئام كاتجعوق من التيليفون : وا تشي ليوم ندفن ختي وااااا العماااالة و الشكواااا الرب العالي هاد الناس باغين يعفطو عليا أميرة شديني نقتل المنكر من حدو يله بادئ
اميرة شدات شعرها جمعاتو بحال مرت عبد المولى او بدات كاتدير راسها كاتجر او انا مناتفة زعما او هازا واحد المزود ديال السداري نشالي بيه فاتي ضربات واحد السكرين عالمي او لاحتو في الواتس آب
جلست انا و البنات من بعد ديك الشوهة كانضحكو او درنا غدا نطرقو بعضياتنا باش نمشيو المدرسة
---------------------------------------------
Pov aser :
او انا جالس مع العائلة على السفرة ديال الماكلة وصلني اشعار في الواتس دخلت ليه حتى حليت عينيا على وسعهم او بديت كانضحك على باب جهدي
ريان : مالك اصاحبي نفاجرتي
انا باقي كانضحك ما مسوقش : و ناري الهربة مع هاد المخلوقات
ريان خطف ليا التيليفون او حتى هو بدى كايضحك من بعد دوزو لزكرياء اللي كتافى غير بابتسامة جانبية او ملامحو تبشرو اما سيدي خويا ياسر فوصل ليه التيليفون ما دار حتى ردة فعل كاتفة بالنطق في استغراب
ياسر : مالهم مدايرين هاد الحالة
تقاديت في الجلسة : حيت تضاربو على الموعد ديال ليغيكل
واحد لقطة صدمة حتى نفاجرو بالضحك منيتهم دابا
كملنا عشانا بالزربة او كل مشى لبيتو يرتاح حيت غدا كاين شلة ما يتعمل بالنسبة للابطال ديالنا

يتبع 🥰💖