الـــوقــوع فــي ابــتـســامــتــك

part 66_ إنذار بالجديد

الصحابات و مالين الطيماكس 🏍💗
قصص مغربية 🎭✨

_______________________________

نزلات هبة هي و داك الكليب الجردة و كل مرة تنزل عندو تبوسو و حتى كايتمخشش فيها

جلسات هبة فوق الربيع و الكلب فوق رجيلاتها ناعس و هي كاتغني بصوتها الهادئ كيف العادة اللي شافها يقول هادي حورية حتى من الكلب مسكين نعس على صوتها ما فيقها من سهوتها غير صوت الخدامة

الخادمة: ميس ريل ميستر ليث كايطلب الالتحاق ديالك بالمائدة

هبة بتاسمات ليها : واخا هاني جاية شكرا ليك

الخادمة بتاسمات ليها و ضارت غاديا لخدمتها و بذلك هبة ضارت عند الكلب باستو و حيدات رجيلاتها بالشوية مخلياه غارق في سبات

و ناضت كاتسوس في كسوتها تنفسات الصعداء و تمات غادية وسط داك القصر كاتقلب على قاعة الطعام و تماك كانت الصدمة

الطبلة كانت شاملة لأكثر من 50 خلق و كل راجل مجلس حداه ثلاثة العيالات عاد باش ولادهم حتى من ارسلان كانت جالسة حداه خالتي غزل هي الاولى عاد باش الزوجة الثانية عاد باش الثالثة و في الأخير جالسة سافانا هبة كحلات بالعمى من داك المنظر كاتشوف هاد البشر الأسطوري

حمحمات و دخلات ناطقة بالسلام عليكم و رادة عليها غزل بالمماثل

يله فاتت العتبة ديال المدخل سمعات صوت بنيتة كايعيط ريبانزل

ضارت هبة كاتشوف مصدر الصوت لقاتها صوفيا جاية عندها كاتجري و فاتحة يديها حتى هبة حلات يديها و خشاتها في حضنها واخا ضرها تحت الرحم ديالها و لكن ضغطات على رأسها و باست ليها على راسه

هبة : الغزالة ديالي اش خبارك... فين كنتي قبيلة فاش كنت كانعيط عليك

البنيتة سكتات أو في ديك اللحظة هزات هبة عينيها لمت صوفيا باغا تقتلها غير بعينيها

مشات غادة هي و صوفيا لواحد الكرسي خاوي كان في المقدمة حدا ليث بما انه مترأس الطبلة فهي جلسات حداه من اليمين أو ارسلان قدامها خلات كل اللي في القاعة حالين فمهم فيها خصوصا انه ديك البلاصة خاصة غير بزوجة ليث الموالية و يدو اليمنى

هزات هبة صوفيا فوق رجليها ضاغطة على رأسها و بدأت تاكل و توكل فيها و الابتسامة على محياها و لكن اللي خلاها تنهد بعدم راحة هو قول مامات صوفيا

كاميليا: من ايمتا ولى الحق كايتعطى الوسخ باش يجلس في طاولة عائلة روكليفر