الـــوقــوع فــي ابــتـســامــتــك

part 20

الصحابات او مالين الطيماكس 🏍️💖
قصص مغربية 🎭✨
----------------------------------------------
شافت فيها هبة مصدومة من داكشي اللي سمعت نطقت
هبة : ماما عفاك قولي ليا كاتضحكي قولي ليا بابا ماماتش علاش اسيدي ربي انا من دون الناس علاش
فتيحة كاتبكي : عفاا بنتي الله يرضي عليك لما سكتي عفاا بنتي
هبة شافت فيها او بدات كاتحرك رأسها بلا او خرجت كاتجري بلا ما تلبس بلا ما تهز صاكها خارجة حالتها حالة او كاتلبكي او كاتجري وصلات الواحد البلاصة حدا الفيلات جلسات القرفصاء او بدات كاتبكي او كاتحاول ما أمكن تحكم في راسها و لكن ما قدراتش ما حست براسها الا و هي كاتغوت ربي اللي خلقها
هبة : علااااااااااااش اسيدي ياااا ربي علاش علاااش حرمتيني من باااابااااا علاش اسيدي يا ربي هرستي ليا جناحي علاااش بقاات كاتغوت او تضرب في فخاضها او مع هيي اصلا لابسة بيجامة قصيرة ديال الدار ولات كاملة حمرة من رجليها او بقات هكاااااك واحد الوقيتة طويلة حتى فقدات الوعي
-------------------------------------------------
Pov Fatiha :
من بعد ما قلت ليها الحقيقة تخلعت او تخلعت بزاااف خصوصا فاش ناضت ديك النوضة عيت ما نحبسها والو لبست جلابيتي باش نقلب عليها خرجت لقيت كانقلب او ما لقيت والو دابا بقاا عندي حل واحد هو ختي فخيتة عيطت عليها او اللي ليها
فتيحة بغصة : الو فخيتة
فخيتة : مالكي افتيحة ياك لباس
فتيحة كاتبكي : عتقيني اختي انا مزاوكة بنتي كبدتي كاتضيع
فخيتة تخلعت : مال هبة ياك لباس وقعات ليها شي حاجة
عاودت ليها كولشي حتى تخلعت عليها او قطعت او مشات كاتجري تقلب على حل
End pov
------------------------------------------------
مشات فخيتة كاتجري المكتب اللي كانو الدراري مجتمعين فيه كايناقشو شي أمور بخصوص الشركة او اسر بارك حداهم كايشوف غير حتى دخلات عليهم بلا سلام بلا دقان دخلات كاتنهج او وجهها صفر الولاد تخلعوا ناضو عندها بالزربة
نطقت او هي كاتبكي : انا مزاوكة اوليداتي انا مزاوكة لما عاونوني
ياسر شد ليها يديها : مالك الواليدة
شافت فيه و هي تبدا تشهق : هبة اولدي
ياسر قلبو نبض بخوف او يسولها : مال هبة الواليدة واش بيها
فخيتة شدات ليه يديه : انا بغيت رضاتي عليك نور لما قلب عليها راه درية خرجت حالتها حالة مها عيات ما تقلب ما لقات والو انا مزاوكة اوليدي
ياسر شاف فيها : كوني هانيا الواليدة انت غانقلب
شاف زكرياء هاد الاخير اللي فهمو او بداو هابطين في الدروج كايجريو
ياسر طلع في الطومويبل ديالو عفط عفطة وحدة او هو مخلوع عليها اما زكرياء فمشا جاب الكارد او توزعو يقلبو
ياسر : ما تهوريش اهبة الله يخليك
ضرب في الفولون ما وقفو غير واحد الجسد بان ليه مرمي او واحد الأخ سكران فوقو ما عرفت اش باغي يدير هبط من الطومبيل حيت ضميرو ما سمحش ليه يمشي او يخليها شد الراجل من عنقرتو او هبط عينيه البنت تصدم فاش لقاها هبة فاقدة الوعي ضار عند الراجل او عينيه فيهم واحد شرارة حمرة تخلع الواحد ضربو براس او بقا عليه هاك بلاك حتى سيد ولا طالب غير السلاك حتى الشراب ما بقا شاد فيه اما سيدي ياسر فهبط عند هبة حيد ليها الشعر على وجهها او باس ليها جبهتها هزها بوضعية العروس او حطها في الطوموبيل او كسيرا نحو السبيطار اللي فاش سمعوه جاي كلشي ولا غادي جاي زعما باش يبانو بابهى حلة دخل او هاز هبة دخل بيها البلوك او خرج بقا كايضور او خايف عليها او حس بواحد الشعور مفشكل المهم خرج الطبيب شرح ليه الحالة او قال ليه ممكن تدخل عندها
دخل ياسر عند هبة شد ليها يديها او جلس كايتسناها تفيق بدات كاتحل عينيها بشوية عاد ضارت حيت حسات بيدها تقيلة شافت ياسر او شاف فيها شويا او هي يطلقو ليها دموعها الشيء اللي خلع ياسر ما حس براسو الا و هو وسط واحد الحضن تصدم و لكن بادلها حيت عارف حالتها ماشي طبيعية نطقات او هي كاتبكي الشلال
هبة : ياسر اهئ اهئ علاش انا من دون الناس علاش انا بوحديتي اللي كتاب عليا نعيش بلا أب علاش اهئ اهئ اهئ
ياسر زير عليها او نطق : هبة سمعيني مزيان حنا عباد من خلق الله تخلقنا باش نعبدوه ما من حقنا ندخلو فشنو دار حيت هو اللي عارف شنو اللي زوين اللي عبادو هو اللي عارف مصلحتك او مصلحتنا او نتي دابا بحالا شركتي بيه اهبة قوي ايمانك بالله الله يرضي عليك
باس على راسها
هبة هزات عينيها فيه او نطقات : عندك الحق اياسر الحمد على كل حال او كانتمنى من الرحمان يغفر ليا
بتاسم ليها ياسر او شاف فيها زعما ما غاتقولي ليا والو
هبة شافت فيه : مالك اش باغي
ياسر خنزر فيها : عاودي ازيين؟
هبة خلعها ضحكت بتوتر : انا قلت شي حاجة اللقوة ان شاء الله بغيتي نعاود ليك ياك
ياسر باقي مخنزر :الى حشمتي زعما
هبة بدات كاتعاود ليه او كاتشرح بيديها برجليها مرة تبكي مرة تضحك مرة تضرب رجليها البنت مفروحة صافي سالات او هي تعض فمها او هاد الحركة بالضبط كاتجهل خونا شد ليها شنايفها او فرقهم بصبعو او نطق
ياسر مزير شويا : اخر مرة تديري هاد الحركة راه ما مزياناش
هبة مرݣت بقات غير كاتضور في عينيها شويا او هي تنقز عليه جراتو النموسية كاتهرو او تضحك السيد تصدم اويلي هادشي واش بعقلها و لكن سايرها شويا طلعت فوق من ضهرو او قالت ليه هزني او هادشي كامل او العائلة واقفة مصدومة فمهم واصل الارض اصلا كان حاضرين من الأول نزلات هبة كاتسوس في حوايجها او تدوي شافت العائلة او هي تنقز على لالة فخيتة او فتيحة
هبة : اهلا بالملكات ديالنا تفضلو مرحبا بيكم
فخيتة تحنات بحال داكشي ديال الأفلام : شكرا جلالتكي
فتيحة ضربت فخيتة او كاتضحك على فعايل بنتها او صاحبتها هبة شدات يديهم بحال داكشي ديال الاميرات او بركاتهم في الفوتواي شويا ضارت عند الدراري او هي تنطق ببلاهة
هبة : اهلا بنسابي مرحبا مرحبا دخلو ما تحشموش
شويا شافت في زكرياء او نطقت
هبة : او نتا ما ناويش بغيتي درية تبور حدا خالتي فاطمة
كلشي مات بالضحك حتى من زكرياء او ياسر مشات عند زكرياء عنقاتو من عنقو او تمو جايين بركو شافت فيه او نطقت
هبة بجدية مصطنعة : سمعني اسي زكرياء صاحبتي وئام هي كبش الفدية في دار لالة فاطمة ما كاتعرف تطيب و لكن كاتعرف تسيق او نزيدك واحد النهار طيبات لينا بيتزا او مسكينة تحركت فيها فاش جينا ندوقوها تهرسو لينا ضراسنا لذلك اسيدي كانطالب بمنزل خاص بيها او لا تعيش بجانب لالة فخيتة او عنداك شي نهار تجي سكران تبغي تخدم على ولادك حيت كيشتي هي كاتسكر بالهوا فأي لحظة تنوض تشير عليك بطبسيل او الأهم الصداق تحطو ليها قدام لالة فاطمة حيث بغات تبيع بنتها بالغالي او لا ما عرفت كيكايقولو ليها المهم راك فهمتيني
دارت كاتشوف في بنادم شافت كلشي كايشوف شويا او هو يبدا زكرياء يضحك او انا ندير بلاي او اجاب ما يطفيني صافي بقينا عاطيينها غير الضحك او التقشاب شويا ياسر هزيني فوق كتفو ترمتي على وجهو او ترمتو على وجهي مرݣت قدام الواليدة اللي ما قالت والو وصلني حتى لباب الدار عنقتو او بادلني او مشيت دويت مع البنات او عاودت ليهم على اللي وقع تخلعو.و لكن ما كاين اللي صدمني قد الغوتة اللي سمعت

يتبع 🥰💖