الـــوقــوع فــي ابــتـســامــتــك

part 56 _ لماذا!!!

الصحابات و مالين الطيماكس 🏍💖
قصص مغربية 🎭✨
_________________________________

ضار ليث شاف في هاداك خونا اللي ضربات هبة و نطق بنبرة باردة

ليث : حسابي معاك من بعد

و مشى دايز من حدا اوريل هاد الأخير اللي بقى معصب من ردة فعل ليث

_______________________________

مشى ليث بخطوات متزنة في اتجاه اللوطو ديالو لقى هبة ناعسة في الكوسان الكبير و كلها كاتقطر بالعرق شاف في فيليب

ليث : سير حضي تحركات الرولرز و انا غادي نديها للسبيتار

ضرب ليه فيليب التحية و مشى دخل المعسكر و ليث كسيرا للسبيتار مخلي من وراه العجاج

______________________________

بعد نصف ساعة

نزل ليث و هي بين يديه اللي شافها غادي يقول هادي راه ميتة وجها شاحب و فقدات بزااف ديال الدم

الأطباء غير سمعو انه جاي تستفو كاملين كايتسناو الأوامر حتى ليث ما خيبش آمالهم و نطق بجملة وحدة كانت كافية باش تخليهم يطيرو بيها للبلوك

ليث : نبغيها من هنا لساعة صحة سلام

رجع اللوطو ديالو جلس كايتكيف ليه واحد السيجار مهدن فحالا ما مخليش واحد الروح بين الحياة و الموت للداخل

دازت ساعة داز فيها العداب على ديك المسكينة حيدو ليها القرطاسة قبل ما يشد فيها البنج كاتحس بلحمها كايتخيط و ما قادراش تغوت ما عندهاش جهدو غير كاتنين و كاتدعي الله ينصرها و صافي
  
خرجوها من البلوك قبل الوقت ب 10 دقايق حاطينها في غرفة خاصة

حلات هبة عينيها و نطقات بنبرة مبحوحة و غالبة عليها الحسرة

هبة : يمااا وااا مي الحبيبة توحشتك كون غير ديتيني معاك و ما تخلينش مع الذياب ينهشو فيا كيف بغاو

تنهدات تنهيدة تهز جسدها معها غافلة على الشخص اللي كان يله داخل مع الباب

حولات عينيها الباب بان ليها داخل كايشوف فيها بكل هدوء ما كاينش حس الندم فعينيه

هبة نطقات بسخرية : سمحليا اميستر ليث ما نقدرش نوض نضرب ليك التحية

ليث فهم المعنى ديال هضرتها و لكن ما باغيش يعطبها من شي قنت آخر

نطق ببرود : تبعيني اللوطو

شافت فيه هبة بمعنى واش منيتك ... و حيدات الغطاء من يدها زعما شوف حالتي كيدايرة