القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
هزات القطيط و شبعاتو بوسان حطاتو فوق رجليها و بدات تحك ليه
هبة بمزااح : ايوا شفتك غلاضيتي كون راه فتيحة شبعاتك مرقة
حتى القطيط موك ليها ضحكات و ناضت الماريو شافت حوايجها باقين في بلاصتهم و فلوسها حتى هوما فلتات ليها ابتسامة من شفتيها هزاات جلابيتها و لبستاها و هزات الفلوس معاها و ضارت عند القطيط هزاتو في يديها و نزلات طلاقات مع ماماها
فتيحة : فين غادة بالسلامة
هبة ضحكات : والو الحاجة غير غادي نمشي نشري القطيط ماكلتو مسكين شبعتيه مرقة
فتيحة كاتخنزر : و مال المرقة على مزيناتها
هبة : وا تعاندي مع القط
فتيحة عوجات فمها : غير سيري و لكن دي معاك انور
هبة : لا والو إماما انا حدي حد مول الحانوت و زايدون ولاد الدرب كاملين حاضيين معايا
فتيحة : واخا سيري انا نطل عليك من الشرجم
هبة ضحكت و فتحات الباب و خرجات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
القط --------------------------------------
عند ياسر
جالس في المكتب ديالو فاتح الصدافي اللولين نتاع القاميجة و مداير النظاظر و عينيه في الخدمة اللي قدامو حيت ياسر من الطبع ديالو الالتزام في العمل واخا يكون اللي كان خدمتو هيا اللولة سالا و رجع راسو اللور طرطق عنقو كايفكر سمع صوت التيلي جاوب بنبرتو المعتادة
