الـــوقــوع فــي ابــتـســامــتــك

part 14

الصحابات او مالين الطيماكس 🏍️💖
قصص مغربية 🎭✨
------------------------------------------------
تذكير :
هو مع ساليت كلامي او هو يشدني من شعري ناوي يضربني او انا كانتسنا الضربة تنزل عليا لكن ما حسيت بوالو حليت عينيا بشوية و سرعان ما تصرفقت بواحد الصدمة يا سلام
--------------------------------------------------
رجعة الى الوراء
في الصباح 🌄
فاق ياسر على اثر صوت الخادمة اللي علماتو انه خاصو يستيقظ فاق ياسر بنشاطو المعهود دار روتينو اليومي لبس لباس رسمي على قبل الشركة

سالا هبط فطر مع العائلة باس راس لالة فخيتة او نطق بصباح الخير
فخيتة : صباح النور يا نوارة الدار
اسر: او انا ثريا مثلا
فخيتة كاتضحك: فحالا علمك الله
فخيتة : ايوا كانشوفكم دابا بحال هاكدا مجموعين كانتفكر هبة او البنات خاصني نمشي اليوم
اسر : اوااه الواليدة غاتمشي
فخيتة : اه ضروري
ياسر بهدوء: دي معاك الكارد
فخيتة ولات غير تبيض في عينيها
ياسر : او علاش لا
فخيتة : راه كايبرزطوني اولدي اااو لاسقين فيا كي لحم الرأس
ياسر : الواليدة اخر مرة راك عارفة صحتك عندي اولى من بنادم كامل
فخيتة : صافي اولدي المرة الجاية نديك معايا نتا
دراري ضارو شافو فيه او هو حرك ليها راسو بموافقة كونو ما يقدرش يخصر ليها كمل كاسو ديال القهوة ناض جمع الوقفة او مشا باس راس الام ديالو او تم خارج فديك اللحظة تبعوه الدراري اللي حتى هما لابسين لباس رسمي كل ركب في سيارتو او توجهو نحو الشركة كلشي كايلقو عليهم التحية او ياسر كايكتافي غير بتحريك راسو او الدراري كذلك حيد غير آسر اللي فيه شوية التنقاز
دخل ياسر المكتب ديالو عيط على السيكريتيرة الي جات كاتبعكك او تمضغ في المسكة او تعيوج غير بوحديتها لابسة واحد اللبس لا حول و لا قوة إلا بالله
السيكريتيرة : مسيو محتاجني فشي حاجة
ياسر : غادي تجيبي ليا الملفات ديال لي سطاجير اللي دافعين لينا او كاس تاع القهوة كحلة بلا سكر
السيكريتيرة : واخا امسيو
او تمشات غادا غير حتى وقفها ياسر بكلامو اللي برد ليها الماء في الركابي
ياسر ببرود :كنت غادي ننسى اخر مرة نلقاك كاتدوري في الشركة بهاد المنضر حيت هادا مكان عمل ماشي بار او في حالة ما عصيتي الاوامر فالباب وسع من كتافك تقدري تخرجي دابا
مشااات كاتجري كل خطوة كادير فيها ثلاتة خرجات صفرة من المكتب
بعد وقت ماشي طويل جات محملة هاد الأخيرة بالملفات او القهوة ديال مسيو ياسر عطاتو داك شي اللي هازة او نطقات
السيكريتيرة باحترام ( سبحان مبدل الاحوال 😂😂) : مسيو راه وصلتنا دعوة من شركة bidro للحضور لحفل افتتاح فرع جديد في المغرب او حث على حضور سيادتكم او المدراء ( ولاد عمو او خوه )
ياسر رفع راسو السقف كايسمع بتمعن او نطق في الأخير ببحة رجولية : قبلي الدعوة او علمي المدراء
السيكريتيرة : واخا امسيو
خرجات او تحنى هو على خدمتو خدام بيخير
---------------------------------------------
من بعدما غبرات الشميشة او بان القمر مضوي الليل بنورو
خرج سي ياسر او خوتو من الشركة جا زكرياء عند ياسر او نطق بهدوء : واش بصح داكشي اللي قالت السيكريتيرة
ريان تكلم بجدية : ياسر راك عارف انه داك bidro علاقتنا متوترة معااه خصوصا بعد الصفقة الا كانت غادي تتسبب في موتنا
ياسر تتكلم ببرود : او هادشي علاش بغيت نمشي باش نعرفوا حدو في جا او نعلمو كيفاش يتطاول على سيادو
زكرياء بهدوء : ok و لكن خاصك ابسط تصرف يقدر يديرو راسو نفرقو ليه على كسدتو
ياسر تبسم بجانبية او طبطب على ظهرو : ما نخافش عليك
ريان بهدوء : يلاه نمشيو للدار او عاد باش ندوزو لهاد الحفل
كل واحد ركب في طومبيلتو او مشاو لبسو لباس فخم كايليق بمكانتهم الراقية