الـــوقــوع فــي ابــتـســامــتــك

part 42

الصحابات و مالين الطيماكس 🏍️💖
قصص مغربية 🎭✨

---------------------------------------

كلشي ضار المصدر الصوت بما فيهم هبة ابتسامات ليه ابتاسم خفيفة حتى هو رجع ابتسامتها بوحدة شبه ظاهرة

غوتات فخيتة و تحنات على رجليها و بداات تضرب في صدرها : ارسووووول الله نحمدك يا ربي و نشكرك كبدتي قدامي الله يا ربي الله

ياسر مشى عندها و باس ليها يديها و راسها : نوضي اميمتي نوضي ما تديريش فراسك هاد الحالة

فخيتة كاتبكي : الله يا ولدي الله و شحال توحشت نسمع كلمة ميمتي من فمك ما حشوماش عليك تمشي و تخلي ميمتك من وراك

شدها ياسر من كتافها و نوضها و عنقها : الواليدة نوضي ما نبغيش نشوف دموعك راك عارفة قداش غالية عليا

فخيتة كاتبكي: سير الله يرضي عليك دنيا و اخرة

باس ليها ياسر يديها و ضار شاف في هبة هاد الأخيرة اللي كتاشفات المستور و عرفات انه كان غايب حتى هو هاد الفترة و لكن السبب علاش ما عرفتش شافت في ياسر و توجهات عند لالة فخيتة

هبة جالسة على ركابيها : الخويلة الحنينة ما توحشتينيش و لا نساوك فيا هاد الكلبات

جرتها فخيتة و عنقتها بالجهد : الله يا بنيتي الله كيف ندير ننساك كيف ندير كل يوم كان يدوز كنت كانتحسر علاش ديتك معايا لداك العرس ندمت حتى شاب راسي

هبة قاطعتها: ويااك اخالتي تعاوديها هادشي كان قضاء و قدر مكتوب عليا ما عندي ما ندير و لكن هانا رجعت و حسن من الاول عاود تاني و حيدي عليا هاد الدموع بغيتي تخسري ليا الايلاينر ساعة و انا كانصاوب فيه ما بقيتش فيك

ضحكات لالة فخيتة حتى بانت تقبة الزين و في هاد اللحظة كاع اللي كانو في القاعة تبشرو وجوههم و اخيرا بعد سنة رجعت ليهم فرحتهم

هبة هزات عينيها في البنات : بلاتي عليكم الكلوشارات تخطبو و ما تعرضوش عليا ايلا ما خرجتهاش منكم راه الحاجة فتيحة ما ولدت فيا غير الخلا و لكن انا غادي ندير الفال

زغرتااااات هبة تزغريتة حرة و ختمتها بدمعة خفيفة جاو البنات كايجريو عندها يعنقو و يبوسو و يبكيو و حتى هي معاهم

هضرت بلوم : هادوك المخننات باراكا من البكاء

تجمعو كاملين في حضن واحد و مشاو جلسو حدى بعضياتهم كايتكلمو و الدراري كذلك مع ياسر اما لالة فتيحة و لالة فخيتة راهم في الكوزينة كايقادو في الشهيوات تحط الكاسكخوت اللي كان نصف غربي و نصف مغربي و تجمعنا المائدة كانضحكو و كاناكلو و في هاد اللحظة رجعو ليا ذكريات هاد السنة كاملة خصوصا في اليوم الأخير اللي كان مع بيدرو فوق الطبلة شافت الاجواء اللي عايشاهم دابا و اللي كانت كاتعذب فيهم السنة الماضية ابتاسمات باستهزاء مع الهزة ديال العين بان ليها ياسر مربع يديه و جامع حداش شافت فيه حسات بحالا فهم اش كان كايضور ليها فراسها جمعت حجبانها حيت هي بنفسها ما كاتحملش راسها فاش كاتفكر داك خونا كملات ماكلتها غير بزز  تحطات القهوة يله غادي تشرب اول جغمة و هو يوحلها ليها صاحب دعوتها