الـــوقــوع فــي ابــتـســامــتــك

part 64 _ صدمة متبوعة بسقوطي !!

الصحابات و مالين الطيماكس 🏍️💗
قصص مغربية 🎭✨

---------------------------------------

هبة شافت فيهم ضربات التحية ليث واخا ضرها الطالون في رجلها جمعت حواجبها و كرزات على شفايفها

هبة : اهلا بعودتكم ميستر اند نيس

ليث همهم ليها و قال ليها تبعهم للمكتب هبة حركات ليه راسها خلاتهم مشاو و ضارت شافت في ادريان لقاتو كايشوف فيها بواحد النظرة فيها بعض الخوف من انها تكون هي السبب في الكدمات اللي في وجه ماريا ويفس

كتافات غير بالنفي و تحركات خارجة من الكافيتيريا و رجليها كايضربها فيها الضوء

مشات للمكتب ديالو دقات و دخلات ظهرات ليها ماريا كاتبكي و ليث جالس كايكمي و حاضي الباب

هبة بحاجبين معقودين: طلبتيني اميستر

ليث همهم بالايجاب : ريل عتاذري لميس ماريا

هبة هزات فيه عينيها شاعلة : سمحليا اميستر و لكن علاش غادي نعتاذر منها

ماريا : على هاديك قلة الترابي اللي درتيها الصباح

هبة القرودة بداو كايلعبو ليها في راسها كيفاش تعتاذر هادي باغاها تسيفطها تلاقى مع اللي خلقها حطات سلكها فوق الطبلة و شافت فيهم ناطقة بنبرة جدية

هبة : انا اميستر ما نعتاذرش على شي حاجة ما مدايراهاش الوحيدة اللي خاصها تعتاذر هي ميس ماريا ويفس و لا حضرتكم و لا هي تقدروا ترغموني نعتاذر

ليث هز عينيه شاف فيها واحد النظرة اول مرة تشوفها في عينيه ما تنكرش انها تخلعت كانت نظرة مظلمة و لكن هي فنظرها ما دارت والو علاش غادي تخلع ما حساتش براسها حتى تلقات صفعة من المدعوة ماريا ويفس

ضورات عينيها كاتشوف كيفاش تجرأت ترفع عليها يديها ما عمر شي حد رفع عليها يدو و لا صرفقها و اللي تجرأ كانت كاتسيفطو فين يتربى حتى ليث اللي مدرب ديالها ما عمرو من ما رفع عليها يدو كايرفع عليها فوهة المسدس فقط و لكن هادي ضسرات او ضسرات بلا قياس ما عمرها ما توقعاتها غادي توصل لهاد المواصل كاملين واخدة انطباع من النهار الاول اللي طلاقاو فيه و لكن هبة ما عرفاش ان ماريا ما كنت على علم بالمنصب ديال هبة ديك الساعة اما فاش شافت المسدس ديك النهار تقلبت كيف الزمان

ماريا نطقات بغل : انا ماريا ويفس ما عمر شي حد نقص مني تجي وحدة بحالك موسخة مسيفطينها والديها تقاتل مع الرجال حيت عارفينها ما ساوية والو تغوت عليا انا و تعاتبني عتابري هادا درس ليك باش تعرفي تفرقي بين سيادك و اللي بحالك