الصحابات او مالين الطيماكس 🏍️💖
قصص مغربية 🎭✨
__________________________
تذكير:
يلاه غادي يضورو يمشيو و هي تبان ليهم السفيطة جايا تزغرت هبطو منها البوليس هبة تخلعت على ياسر و على الدراري هاد الاخرين اللي ما مسوقينش و لا على بالهم جا عندهم واحد البوليسي اللي صدم هبة بداك الي اللي قال ولات غير تضور عينيها
____________________________________
هبة جات قدام ياسر و المشكلة كاع البنات دارو بحال هاكدا الدراري شافو فيهم بإستغراب و تبعوهم في هبالهم
هبة بغات تزرب على الضابط
هبة : سمع اسي الكوميسير هادا اللي من ورايا راه راجلي بالشرع و القانون و هاداك اللي في الارض قلل عليا الحياء و راجلي ما قدرش يتحمل و صحابو كذلك كلهم بحال خوتي اللي يرحم ليك بيها الواليدين اسي الكوميسير ايلا ما سمح لينا
الكوميسير كايشوف فيها مصدوم و ياسر باقا كاتضور في بالو غير راجلي بالشرع و القانون و دماغو كايخطط و فاللخر دار يدو في جيوبتو و رسم واحد الابتسامة جانبية على شفايفو ما زادتو غير وسامة داز من قدام هبة هاد الأخيرة اللي فاش شافتو تحرك شداتو من يديه و شافت فيه بلا عفاك غمزها و حيد يديه دار عند الكوميسير اللي عنقو بحرارة و الدراري كاملين دارو معاه نفس الشيء
الكوميسير بمرح: سي ياسر تزوجتي و معرضتيش علينا و لكن الصراحة ضبرتي على بياسة نيت
ياسر عقدهم بالزربة و خنزر فيه
الكوميسير ضحك : ويلي اساط غير ضاحكين مبروك عليكم
الدراري : الله يبارك فيك اناصر
اسر : ناصر حتى تسالي و عطيني نيم ديالك راه مشى ليا
ناصر عطاه التيليفون : قيد عندك اصاحبي قيد
ناصر ضار عند الضباط و قال ليهم يعتاقلو هداك شكيب يديوه فين يتربا و رجع عند الدراري
ناصر : ياسر شحال غادي تبقى في المغرب
ياسر هز عينيه في هبة اللي كانت مهبطة راسها و كتلعب بصباعها : غادي نطول هاد المرة
الدراري بداو يتناغزو
ناصر ابتاسم : بان ليا هاد البنت دارت اللي بزااف البنات ما قدروش يديروه المهم الدراري راه نقدر ندوز عندكم راه الطاهرة بغات تشوف الحاجة فخيتة
( تحية لناصر و الطاهرة قليل اللي يعرف الرواية اللي ما قراهاش يمشي يقراها راه طوب 🥰💖)
ياسر ابتاسم بطرف شفايفو : مرحبا بيها الدار داركم وقتما بغيتو جيو
ناصر : الله يكبر بيك اساط يلاه الخوت خليتكم دابا الدراري: رولي اساط بسلامة
مشى ناصر و الدراري دارو عند الدريات ياسر مشى عند هبة و كل واحد مشى عند وحدة هبة كانت كاتحك يديها و مهبطة راسها كاتشوف غير صباط ياسر و عينيها كايدمعو و وجها حمار
ياسر شاف جسمها كايتهز هز حاجبو بسرعة و شد صبعو هز بيها راسها و شاف دموعها هنا قلبو تهز شد ليها وجها و عينو في عينيها
ياسر عاقد ححبانو : هبة مالك
هبة كاتبكي : سمحليا اياسر منين تلاقيتي معايا و نتا في المشاكل و دابا كنت غادي تمشي الحبس بسبابي و كدبت على الكوميسير قلت بلي راك راجلي سمحلي ياسر
ياسر شاف فيها و هو باقي بنفس نضرتو المعهودة شدها عنقها و ربت ليها على شعرها ( يا ودي طلق من درية خليها تمشي ندوز فرض الماط 😂😂)
و نطق بهدوء : هبة اهبة واش انا تذمرت من كوني معاك تكلمي معايا و انا متقبل كلامك داكشي درتيه باش تغطي عليا و هادشي كايفرح
هبة هزات فيه عويناتها : شكرا ليك ياسر سمحليا حينت عطلتك على خدمتك
ياسر : ما كايهمش يلاه دخلي دابا
هبة دارت ليه اه براسها و شافت في البنات لقاتهم مدايرين يديهم في جنابهم كايشوفو فيها حتى هي دغيا جمعت البكا وشمرت على كتافها
هبة بالغوات: و الله يا مكم و ما تحركو قدامي يلا شي وحدة شافت الماط
البنات دغيا جاو شدو فيها و دخلو الدراري مشاو الخدمة و البنات مشاو يقراو و شحال هبة ندمت علاش جابت معاها ياسر كلشي كايهضر عليها و عليه و ضاربت مع وحدة على قبل هادشي دوزو الفرض ديال الماط اللي داز كامل نقلة بيناتهم و خرجو كايضحكو
اميرة : و ناري الاستاذ ما فهم والو مسكين
فاتي : هبة تبارك الله عليك ما عليكش
وئام : راه الذكاء ديالي هداك
هبة : قولي و الله احبينو
وئام تخلعت : ويلي غير كنضحك
هبة : المهم البنات بغيت نمشيو نلبسو حوايجنا و نخرجو حنا و خالتي فخيتة راكم عارفين بناتها ياسمين مشات هي و الهام لفرنسا و هي بقات راسها يعني من الاحسن نخرجوها حنايا
البنات : يلاه حنا متافقين معاك
هبة : يلاه مع الشيفور
طلعو البنات غمقو على الشيفور و خدمو ايمن السرحاني
![](https://img.wattpad.com/cover/300415335-288-k869725.jpg)
أنت تقرأ
الـــوقــوع فــي ابــتـســامــتــك
Short Storyالقصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...