الـــوقــوع فــي ابــتـســامــتــك

part 23

الصحابات او مالين الطيماكس 🏍️💖
قصص مغربية 🎭✨
-------------------------------------
خرجات هبة هي اللولة معصبة او تبعتها وئام كاتلعب ما ناقصها حتى خير درت عند سيد الحصن و الجمال و دويت بعصبية : خويا ياسر يمكن ليا علاش خرجتيني من وسط الحصة ديالي
ياسر نطق ببرود : شكون كدب عليك او قال ليك انا خوك او بعدا نتي اللي مأزمة حيت خرجتك من الحصة اش فهمتي منها بعدا دوي
بديت غير كانضور في عينيا او حاولت نبدل الموضوع : احم دابا جيني نيشان قولي اش جابك الليسي
ياسر دار ايديه في جيبو او تنهد او دوا : سمعيني ا هبة انا جيت لهنا حيت المدرسة نتاع بابا الله يرحمو فكان ضروري نجي نشوف كيغادا الأمور او بغيت نقول ليك بلي راه غادي نسافر لإيطاليا او ممكن نطول شويا و لكن راه غادي يبقاو الكارد معاك ما تخافيش
ما نكدبش عليكم تصدمت او حسيت بواحد الشعور خايب بزااف شفت في عينيه بحزن تقدمت عندو او عنقتو كانت ردة فعل عفوية مني
هبة : غادي تبقى بلاصتك كبيرة و الله تهلى في راسك راه داك القوم تبقى تاكل عندهم غير المعجنات ما كاين غير بيتزا او سباكيتي و الله يا وليدي حتى يشدك القبط
ياسر ضحك ايه اسيادنا ياسر ضحك بروجولية او بادلني الحضن او نطق : اي عليك اشنيولة لسانك طويل المهم ايلا حتاجيتي شي حاجة نتي او لالة فتيحة قولوها الكارد غايجيبوها ليكم حتى لباب الدار
هبة : و اللهيلا هاد الكارد اطيب خلق الله اللي قلت ليهم ما يقولوش عليها شي حاجة
ياسر : المهم راه تعطل الوقت غادي يوصلك الشيفور للدار او انا غادي نقاد وراقيا ديال السفر تهلاي فراسك Bella
هبة ما فهمت والو و لكن ضحكت او نطقت : درج هاالعار لماا درج
ياسر حرك راسو بلا حول او مشى في طريقو
------------------------------------------
نمشيو عند لالة وئام
من بعد ما خرجت انا او هبة من القسم هبة مشات معصبة عند هاداك ابو عضلات ديالها او انا بقيت غادا من ورا زكرياء ما مسوقاش العالم ضار او شاف فيا او نطق
زكرياء : أنسة وئام
قاطعاتو وئام : ناري ناري كيخارجة سيمتي من فمك اااح كي العسل
زكرياء حرك راسو بلا حول : المهم سمعيني اوئام عرفتي علاش جيت الليسي
وئام بقات كاتفكر : جيتي توكلني سكيمو
زكرياء ضحك مسكين منيتو : واخا و لكن مشي دابا انا راه غادي نسافر مع ياسر لإيطاليا عندنا شي خدمة او جيت نتوادع معاك
وئام شدتها البكية : وا لا ازكيكو ديني معاااك راه ولفتك
زكرياء بقات فيه : وئام شوفي ما تبكيش هانتي انا غادي و لكن غادي تبقى ندوي معك فاش نكون مسالي
وئام تمسح في خناينها: حلف ياك ما غاتنسانيش
زكرياء ابتاسم بحنان : لا متخافيش ما غاديش ننساك 
وئام باست حنكها : يلاه تهلا في راسك ازين
دار ليها باي باي او تم غادي هو الاول تسناتو حتى مشى او دارت عند هبة
وئام : هبة اش هاد الزين اللي عايش معانا في المغرب
هبة خنزرت فيها : جمعي ريوݣك او تي مدايرة كي البهيمة
وئام : زيدي زيدي انا اللي ق*بة كاندوي معاك
هبة : زيدي تقودي قدامي للقسم ندويو مع البنات او نمشيو للدار نبدلو حوايجنا او نمشيو لشي قهيوة
وئام : وااا بلان هادا يلاه نمشيو
شدات في يدين هبة او دخلو القسم دواو مع الاستاذة او مشاو عند الدريات
فاتي : فين كنتو الكلبات
اميرة : امممممم بانية كانو كايديرو سيكو سيكو
هبة : تشي مال حبك كاين شي سيكو سيكو في النهار المهم راه غادين نمشيو للدار حتى تبعونا جيو لدار وئام بدلو حوايجكم او يلاه لشي قهيوة صافي متافقين
فاتي : صافي ناضا مشات
اميرة : يلاه قودوا دابا
هبة : يلاه بيزوات البنات
شدات في وئام او مشاو للسيارة ديال ياسر او توجهوا نحو الدار ديال وئام ينعسوا شويا بينما وصل الوقت ديال خروج البنات

يتبع 🥰💖