القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
الصحابات او مالين طيماكس 🏍️💖 قصص مغربية 🎭✨ ------------------------------------------ --------في الصباح🌄--------------- فاقو الدريات هوما اللولين قادو الدار صاوبو الفطور ليهم و الواليدة قادو الكوزينة و طلعو لعند انور فيقوه بزز هبط هو يفطر هبة مشات تقلب ما تلبس هي و هناء قرروا يلبسو كاجوال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صافي بركو دارو الماكياج او نمو هابطين بقاو سيدي انور لابس ضارب و بارك نيشان مع الدروج و هاز في يدو كاس ديال القهوة و لكن الحاجة اللي نشهد ليها انه كاريزما
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سيدي انور
هبة صفرت: بشاااخ انا اللي عندي الأخ ناري على زين انور ناض بطولو و عرضو و جا عنقني او باس ليا راسي انا و هناء : و انا اللي عندي الخواتات ضحكنا مع بعضياتنا خرجنا بالحس هناء و انور طلعو في طومبيلة ديال انور الا انا طلبتو حتى عيت عاد باش خلاني نطلع فوق طيماكس ديالو صافي طلعت فيه حيدت المونطو و طلقت شعري او كسيريت و قلت لانور و هناء يتبعوني او داكشي اللي دارو تمينا غادين خالقينها و ناس يكلاكسونيو دراري على قبلي انا و هناء و بنات على قبل انور صافي وصلنا هبطت انا و قاديت الموطور في الباركينغ و انور حتى هو دار بحالي تمشينا واحد المسافة على رجلينا و صلنا عند مول داكشي ديال العبايات خدينا ليها ثلاثة و خديت لهناء وحدة و انا خديت راسي وحدة و خديت جوج ثلاثة ديال القريعات ديال الكحل جربتهم في عينين انور حتى هو ما متانعش و لكن ما زادو داك الكحل غير جمال شريت واحد لماما و تاني ليا و لاخر لهناء تخليه معاها في هولندا بقى المسك حتى هو شريت جوج قريعات و واحد ريحة ديال العود خلصت و خرجت المحل التاني اللي دخلنا ليه كان ديال الصبيبطات ديال الناس الكبار خدينا ليها ما تلبس في رجيلاتها صبيبطات بحال البليغة خلصت هناء و بقات الماكلة خدينا ليها حليوات و داكشي ديال الفواكه الجافة باش تخلع الجوع في الطيارة و حتى لا طاح ليها طونسيو تلقى باش تكابر هادشي خلصتو انا و هناء و الوجهة لما قبل الأخيرة اللي بقات هي بلاصة التكاشط و القمصان و داكشي دخلنا عند مولاهم خدا القياسات ديال هناء ختارينا التوب انا و هناء و ختارينا الشكل اللي بغينا التكشيطة تكون فيه و القميص و الجلابة درناهم ليها مخزانيين بلديين شان و همة صافي خرجنا من عندو بعدما خدينا الورقة ديال الحوايج بقات الوجهة الأخيرة هي مول الدهب ختار ليها انور هاد المرة واحد la game اللي فوق وااااو بمضمتها و شمارها و الشوكة ديالها عاد السنسلة و السرتلة و الخواتم و النبالة خداهم ليها دار عندنا شفت فيه انا و هناء و بتاسمنا ليه هبة و هناء : الله يرضي عليك اخويا من عندنا حنا راضيين عليك دنيا و اخره انور عنقنا : امين ازوينات ديال خوهم امين صافي خدينا داكشي اللي خاصنا و رجعنا كيفما جينا غير هو انا دخلت بالموطور حتى للدار شفت الناس كايطاالو و انا نبدا نجعوق هبة : وا دخلو باراكا عليكم و مي نعيمة وا دخلي لدارك و حيدي منك هاد القاعدة ما عاوداتهاش كلشي دخل لدارو هبة حتى هي دخلت هي و خوتها هبة : وااا الواليدة فاتيحة : ابنيتي جيتو فين كنتو انور : غير جبنا ليك شي حويجات على قبل الحج هناء و هبة : اه اماما جبنا ديك التقدية و حطيناها ليها قدمها حيدي غير الذهب بقى عند انور لبستها العباية و النقاب و درت ليها المسك و الكحل و لبستها الصباط دمعت عينيها و بديت نزغررت و نصلي على نبي انا وهناء هبة و هناء : صلللى و سلاااام علللى رسووول الله ايلا جاه لاااا جا سيييدنا محمممد الللله معاااك الجاااه العااالي لوووووولوووووولي الللله اكبر اللله اكبر عنقنا الواليدة و بسنا ليها على راسها و تصورنا معاها و مشينا بدلنا حوايجنا حليت تليفوني لقيت لييزابييل بزاااف من الدريات و ياااسر جاوبتو هو الاول ما عرفتش علاش و لكن عيطت عليه هو الاول دوزت الخط تسمعاات الو ياسر : وي هبة : الو ياسر لباس عليك ياسر معصب و مبرد : اش هاديك الحالة مدايرة بالموطور هبة : اءءء.لا والو غير كنت نلعب بيه زعما مشيت بيه ياسر : واخا حتى نجي و ندويو يلاه نخليك دابا هبة : بسلامة تهلا في راسك قطع الاتصال هبة بدات تسب فيه في خاطرها دوزات الاتصال لصحاباتها اللي بداو ينحطو و يتباكاو غير بوحديتهم و يفشو قلوبهم هبة بكات بالمزيان و قطعات التيليفون هبطت التحت كلاو سالاو و جمعو الميدة و طرفو او كملو نهارهم عادي غير في الدار -----------تسريع الأحداث-------------- هاهوا الاسبوع سالا و ها هما غادين انور هاز لافاليز ديالو و فتيحة لابسة جلابة اللي خيطنا ليها و الشربيل و هناء هازا فاليزتها حتى هي ناوية تغادر الدار و هبة واقفة قدام الباب و تبكي و تبوس في مها و تعاود و في ختها و انور خلاتو هو الاخر عنقاتو وباستو في حنكو حيت طويل بقاااو قدام البااااب حتى جاو صحاباتك فتيحة و بناتهم و ولادهم الدراري حتى هوما جامعين حوايجهم و فاليزاتهم ناويين يمشيو تمووو جايين جوج طومبيلات ميرسيديسات كبااار و طواال كان موضي عليهم عبيقة و انور هبة نطقت هي و البنات بصوت باكي هبة و البنات : الله يوصلكم على خير تهلاو في ريوسكم و ما تغبروش بيناتنا تيليفون فتيحة عنقاتني و تنطقت بشي كلام صدمني و هادشي دارتو كل ام مع بنتها تصدمنا و لينا نشوفو في بعضياتنا ما فاهمين والو صافي ركبوا هزيت انا و فاتي واحد جوج سطولا دياول الماء و كبيناهم من وراهم دخلت انا الدار و البنات من ورايا مصدومين ما بغاش يدخل هادشي لراسي
