الـــوقــوع فــي ابــتـســامــتــك

part 18

الصحابات او مالين الطيماكس 🏍️💖
قصص مغربية 🎭✨
-------------------------------------------
تذكير :
هي الا دقائق معدودة او تم شي واحد جاي فوق من واحد الطيماكس دهبي سيري 530 او مداير الكاسك مع الوقفة مع تصدم من داكشي اللي شاف كانو البنات هازين الهراوة او هبة طاتنضع في المسكة او هازا واحد البرودورو ديال الحديد او معنقة حداها اميرة اللي مخلوعة مسكينة السيد حيد الكاسك او بان سيد الحسن و الجمال شافو فيه البنات مصدومات شويا ضارو عند أميرة اللي غير كانضور في عينيها
------------------------------------------
شفت في السيد او نطقت : اش كاتدير هنا اريان
هاد الاخير اللي جر شعرو هادي حركت المعهود مني كايتوتر
ريان بهدوء : سمعوني البنات يلاه معايا لشي قهوة لا نشرح ليكم انا او اميرة الموضوع من الأول
اميرة : عفاكم البنات
شفنا في بعضياتنا حطينا الهراوة او تمينا غادين لواحد القهوة كلاس و لكن ما تسوقناش حيت راسنا فيه بزااف تاع المطارق خصوصا انا كانخافو على أميرة بزاااف من العلاقات اللي كاتدخل فيهم او بالأخص ايلا صدقت كاتبغي السيد اللي معاها جلسنا في واحد الطاولة كبيرة او شفنا فيهم كانتسناو تفسير
فاتي : يلاه تفضلو ها حنا كانسمعو
اميرة بتوتر : فاتي هبة وئام سمعوني او ما تسرعوش انا او ريان في علاقة
انا ما درت حتى ردة فعل على عكس وئام اللي غوتت عليها او حتى حد ما يلزمها حيت مني كاتكاسي كاتوحل فينا غير حنا ضربت على الطبلة عاد باش سكتو نطقت بهدوء
انا : البنات ما نبغيش نسمع الدبانة كاتزنزن
قلبت ناضري اريان
انا : ريان يلاه بغيت ندويو على انفراد
ريان : اوكي يلاه
خرجنا لواحد لازون ساكتة شويا ما فيهاش الضجيج جلست فواحد الكرسي او درت ليه بيدي جلس
انا : سمعني اريان ما تفكرش او ما يجيش في بالك ان البنات ما باغينش اميرة ترتابط بيك او لا شي حاجة
ريان بتاسم بسخرية : او باش كاتفسري هاد المهزلة
انا شفت فيه واحد الشوفة يا سلام او نطقت
انا : اميرة مراات من بزااف العلاقات كلشي كايبغيها من أول نظرة  مقبولة بزااف كما ان الخطاب جاوها او هي في سن 15 سنة و لكن قلبها مال لواحد الشماتة سميتو أسامة من بعد ما دوزو بزااف تاع الأحداث الزوينة صدق السيد باغي غير حاجتو بلا موجب بلا شرع الشيء اللي خلا فيها واحد العقدة تجاه الرجال حيت فنظرها دابا كلهم غايتهم واحدة
او ما فتحات ليك قلبها ايلا و ثاقت فيك يعني ازين ما تغرش براسك راه اقل غلط تقدر تديرو إلا او غادي تسيف عليك او بطبيعة الحال غادي تلقانا في جنبها
ريان بقى غير كايشوف او بتاسم بصدق
ريان بنبرة صادقة : سمعيني اهبة ختي انا ماشي بحال سائر دراري لو كان بغيت حاجتي راه معروف فين غادي نلقاها عطى الله الكبريات او لي بار انا ما شفت في صاحبتك ايلا او بغيتها حلالي او كوني متأكدة ما غاديش نخيب ظنها فيا
هزيت عينيا فيه او ابتاسمت ليه : كانتمنى من قلبي توفي بكلامك ايوا يلاه كون راه وئام ريشات اميرة مسكينة
ريان ضحك : يلاه يلاه
البنات ضربو فينا ديك الشوفة ديال امضرا ضحكت او شفت فيهم
انا : البنات ما تخافوش على أميرة راها في ايدي امينة
اميرة ضحكت او نقزات عليا : لهلا يخطيك عليا الحب
انا قرصت حنيكاتها : كبرتي يا الخانزة دوي وليتي باغا تحابي
اميرة حشمت او البنات ضحكو بالجهد اللي عندهم
انا شفت في البنات او نطقت
انا : فاتي وئام يلاه تحركو خليو العشاق ديالنا بوحدهم (غمزة)
فاتي او وئام : يلاه يلاه
وئام: تهلا ليا في الجوهرة
ريان بتاسم : كوني هانيا ما توصينيش على قلبي
اميرة حشمت او مرݣت أو حنا ضحكنا عليها من قلبنا او توجهنا خارج الكافي
---------------------------------------------------
(دابا غادي نعطيو الكلمة الأميرة ديالنا 😂😂)
من بعد ما خرجوا البنات بقيت غير انا او وياه الراس في الراس هبطت عينيا حيت حشمت
ريان ضحك : يخلي ليا الخدود اللي يحمارو ناكلهم انا
انا ابتاسمت : شوف اه ما تبقاش تحشمني
ريان : راه ما نقدرش ما نقدرش
بدا كايهرني او انا مفرشخة بالضحك طلبنا ما ناكلو