الصحابات و مالين الطيماكس 🏍️💖
قصص مغربية 🎭✨
--------------------------------------------
من بعد ما كملو ماكلتهم ناضو خلصو و مشا ياسر وصل هبة حتى لباب دارهم يله بغات تنزل و هي تدور عندو بالشوية و تبسمات ببراءة
هبة : شكرا على هاد الخرجة كنت محتاجة معامن نهضر و نخوي قلبي و جابك ليا الله بحال درهم الحلال و زيد عليها الستريس ديال الامتحان كنت نديباسيه شكرا ليك بزااف
قرب ليها ياسر و خربق ليها شعرها : ما نبقاش نسمع منك شكرا مرة أخرى متافقين
حركات ليه راسها بواخا و حلات الباب نازلة من اللوطو واقفة قدام باب الدار كاتسنى في فتيحة تنزل و بالفعل نزلات باغا تمشي عند ياسر و هاد الأخير اللي نزل من اللوطو بكامل فخامتو خلى جيران هبة غير كايشوفو فيه تمشى عند فتيحة باس ليها على راسها و كتافها كنوع من الاحترام الشيء اللي فرح فتيحة سولاتو على حوالو و طلبات منو يدخل يتغدى لكن رفض بحجة العمل سلم عليها و طلع للوطو مديماري متوجه لوجهتو غير مشى و هي تجعر هبة على الجيران
هبة بعصبية : وااا حليمة قولي لبنتك تجمع عينيها دابا نتخارا انا وياها راكم عارفيني كيدايرة يله اللي عندها شي خيمة تخشى فيه من التبرهيش يللله خويو
و بالفعل داكشي اللي كاين ما كايقدروش على هبة كاتجيهم صعيبة في الكاركتير ديالها واحد جوج ترعفك ما كاتفكرش في العواقب
ما علينا دخلات لدارهم حيدات صباطها و تلاحت فوق السداري كيف البطانة
فتيحة داخلة عليها بمدلك : يا هاد الكلبة السداري هرستي ليه الفرشي ديالو
هبة ناضت و الضحكة على فمها و عنقت ماماها من الجنب : هانيا اتفيفيحتي انور يصاوبو
غا قالتها و هي تمشي كاتجري هربانة من مها و لكن معامن مع هتلر لا حتى لهادي لا شداتها من تركيو و هي تصيفط ليها ضربة بالمدلك للمؤخرة خلاك الله حتى غوتت هبة حتى مشى ليها الصوت
هبة بحسرة: ايواا الحاصول اليوم تزراق ليا المؤخرة اهتلر
فتيحة : سر مك يا الحمارة
ضحكت هبة و ركنت في السداري و جات بركت حداها ماماها
فتيحة : كي دوزتي الامتحان ابنتي
هبة تنهدات : درت اللي عليا الواليدة و اللي باقي على الله وجهة نظر استاذ
فتيحة : الله يكون معاك ابنتي انا متأكدة ربي ما غيخيبكش و انا عارفة بنتي قراية و تجيبها من ناب السبع
ضحكت هبة بالشوية و هي تنطق بحنان كاتبينو غير لماماها
هبة : ايوا يا لواليدة غادي تحطي ليكم الغداء الحلوه و تمشي و تكاي ليك شوية باش نفيقو نصليو العصر و نمشي انا وياك عند خلود على قبل الكساوي و هناء راه كسوتها على حسابي راه مصاوبة و عند المصبنة دابا
أنت تقرأ
الـــوقــوع فــي ابــتـســامــتــك
Cerita Pendekالقصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
