القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
عند ياسر خرجت من الدار او انا خاسر ما راشقةليا على والو شديت طريق الشركة دخلت بهدوء مشيت المكتب ديالي او جلست طلبت من السيكريتيرة واحد الكاس ديال القهوة كحلة بلا سكر او بديت كنراجع في الصفقات اللي الشركة مقبلة عليها بهدوء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المكتب
------------------------------------ عند البنات حطينا واحد الغذاء المغربي بامتياز موجد من يدين لالة فخيتة الزينة ( مامات ياسر او إلهام او مولات الدار ) تجمعنا على الطلبة او طلبنا من خالتي فخيتة ما ناكلوشبالفورشيطة او الموس حيت ما كانشبعوش شبعت علينا ضحك عاد باش ذكرنا اسم الله او بدينا كاناكلو او كانتحتو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انا ساليت او شفت في خالتي فخيتة انا : سيري يا خالتي الله يعطيك الصحة على هاد الشهيوات كون قلت الواليدة تصاوب ليا هادشي كون راني دابا كاينة في السبيتار كانعاني من كسور مؤلمة الى شديدة الألم في منطقة المؤخرة خالتي فخيتة كاتضحك : ناري فكرتيني غير الام ديالي الله يرحمها كانت معايا فحال هاكدا ايوا شوفوا ابنياتي اعتابرو هاد الدار داركم او عتابروني ماماكم التانية اي حاجة بغيتوها جيو عندي حنايا في دقة وحدة : الله يكبر بيك اخالتي انا : البنات نوضو نجمعو الطبلة خالتي فخيتة : و الله يا بنتي ما تحطي يدك في هادشي انا : لاواه اخالتي ايلا ما جمعناش شكون غادي يجمع هادشي خالتي فخيتة : لا ابنياتي كاينين شي بنات في الكوزينة كايعاونوني ( كاتعيط بسمية شي بنت ) نجية بنتي أجي جمعي الله يرضي نجية : ايه نعااام الالة بدات كاتجمعنضنا حنايا البنات نطقت أميرة اميرة: ايوا اخالتي خلينا ليك الراحة يلاه نمشيو دابا غدا صابحينقاريين او راك عارفة الوقت خيابت هاد الايام خالتي : اه ابنتي عارفة اللي كاين زيدي زيدي نوصلكم لباب صافي وصلتنا بست ليها على راسها او سلمت عليها يلاه غادي ندور نمشي او انا نقشع داك الأخ هو او واحد القشلة ديال الدراري عاد باش رجعت ليا السينتة اللور لداك النهار اللي طلاقينا فيه مع مالين طيماكس صدقو هوما هادو انا صافي جمعتها بواحد التخنزيرة يا سلام حيت ديك الشمتة الي تشمتت ما بغاتش تدوز ليا يلاه غادي ندوي حتى نطقات خالتي فخيتة بواحد الكلام خلاتني ندور عندها مصدومة خالتي فخيتة : جابكم الله اوليداتي الله يرضي عليكم كل واحد يوصل وحدة من الدريات لدارهم حنايا دقة وحدة : لا اخالتي بلا ما تعدبيهم راه كاينة طوموبيل ديال أميرة خالتي فخيتة : لاواه ابنيتي نتوما غير بنات ما عندكم كيديرو تسوقو في الليل صافي الله يرضي على بنياتي طلعو مع الدراري باش يبقا خاطري مرتاح من جيهتكم صافي انا هاد المرأة جابت ليا التمام عنقتها او تميت غادة الطوموبيل تاع داك الساط ما عرفت كيندير تانحل هاد العجب درت شفت فيه بشوية او زوقت واحد الضحيكة قدام مو أما انا ما كرهتش نتلاح عليه نشبع فيه غير عضان نطقت بشوية انا : خويا عفاك يمكن ليك تحل ليا الباب اللوراني هو دوا بشوية او بواحد الصوت مدعدع ياسر : عطاوك خباري الشيفور ديالك أجي جلسي حدايا نوصلك لدارك او نجي نرتاح ناري انا ما رضيتش او بغيت نغوت عليه و لكن ما صبت كيندير جلست في الكوسان ردخت الباب مزيان ضيمارا او انا ندور فيه مخنزرة انا : سمع اسيدي مزيان ايسحاب ليك راسك قطعتي الواد او نشفو رجليك عطاوك خباري ق*بة دوي اه بارك تغمز او تكسكس عليا في ديك الخرشاشة ديك النهار بربي ايلا دوزتها ليك او عقل على هاد الوجه مزيان هو دار مخنزر فيا او ضرب الفولون او يسحاب ليكم سكت او حشمت لا بقيت مخرجة عينيا ياسر : مال اصل مك هاد النهار اش كاتخوري عليا دابا فين كانعرفك انا اصلا انا تصدمت : من الطبيعي جدا ما تعقلش على كثرة البنات اللي تفليتو عليهم يا الز**ل ما قدرتش نصبر او نفاجرت بالبكا حبس الدري الطوموبيل او هوا مصدوم ياسر : مالك هادي تاني تفو على ݣنس نهار زين هادا انا : قوليا عفاك علاش كاتحݣرو علينا البنات علاش كاتشكو لينا في شرفنا علاش كاتحطمونا ياسر شد راسو في حيرة او خدا قرار انه يديها للسبيتار ---------------------------------- عند أميرة دخلت الطوموبيل عادي شفت في الدري اللي غادي يسوق نطقت بالسلام عليكم هو : و عليكم السلام اختي اش سماك الله انا : أميرة او نتا هو : سميتي ريان شحال من عام عندك انا : 18 عام او نصف ونتا هو : 21 عام انا : الله يبارك اخويا هو : نتي كاتقراي في ثانوية **** انا : لا انا كانقرا في مدرسة عمومية فحالي فحال بنات الشعب هو : و لكن اش كنتي كاتديري حدا ثانوية *** انا : ايمتا اخويا واش كاتعرفني ضحك واحد الضحيكة زوينة او بانو سنيناتو مستفين هو : عقلتي على واحد النهار كنتو نتوما جماعة ديال البنات او طلاقينا معاكم كونا فوق الطيماكس بقيت كانرجع في الذاكرة بشوية بشوية حتى ضحكت بلا ما نحس او شفت فيه انا : اه عقلت عليك ناري كانخمم لداك صاحبكم مع هبة اش غادي تدير ليه باز ليه و الله هو : علاش مالها انا : هبة كاتكره شي حاجة سميتها التحرش او الكراكتير ديالها صعيب بزااف او هادشي راجع لواحد الحادثة قديمة هو : شناهيا هاد الحادثة انا : قصة طويلة بزاف عاود وصلنا بعد واحد المدة قليلة خرجت او درت شكرتو او طلبت منو يرد بالو في الطريق عطاني الرقم ديالو تسناني حتى طلعت او مشى --------------------------------- عند وئام دخلت ضاحكة وعلاش ما نضحكش او انا راكبة فهاد خير ربي كامل شاف فيا الأخ مخنزر درت عندو او نطقت انا : مالك اخويا عاقدهم طلقها تسرح طلقها شوف بالروجولة ديني ناكل واحد الݣلاص راه تشهيتو الله يحفظك هو حك راسو بعصبية او دوا تحت شنايفو هو : فين كان عقلي مني تعنبت عليها ديك المرة كلشي بسابك اريان الله ياخذ الحق تحديات ديال ال**ب مزيان بعدا مني ما عاقلة على والو انا : وا اش راك ساير تݣمݣم تما هو : والو غير زيدي نديك تاكلي او نوصلك الخيمتك بعد واحد المدة وصلنا خديت واحد الݣلاص هو الله يرضي عليه شراه ليا قلت ليه بغيتي تاكل قال ليا لا خليتو على راحتو بقينا كاندويو عرفت بلي هو حدودي كل كلمة كايعطي ليها حقها سميتو زكرياء قدو قد ريان ساليت الماكلة او وصلني لدارنا سلمت عليه او شكرتو او طلعت لدارنا لقيت الام ديالي في الاستقبال الله يحفظها ليا كمدات ليا عظيماتي او عاد خلاتني ننعس -------------------------------------- عند فاتي دخلت شفت فيه شاف نطقت بسم الله او جلست قلت السلام عليكم رد عليا ب عليكم السلام تبسم ليا او تبسمت ليه هو : شنو سميتك انا : سميتي فاطمة الزهراء و لكن البنات كايعيطو عليا فاتي او نتينا هو : انا سميتي آسر بعدا الالة من ديك نتينا عرفتك شمالية حشومية ضحكت مزيان او درت عندو انا : لا تبارك الله عليك العايل معندي ما نسالك هو : وا هيا ناري شحال كيوت لا اختي باراكا تصدقي مقطعة ليا شي فيزيبل فراسي انا : لاواه الله ينجيك تبسم او ضيمارا نيشان للدار خدا نمرة التيليفون ديالي تسناني حتى دخلت الدار او مشا ------------------------------------------ عندي انا و ياسر كسيرا ياسر للسبيتار هزني كنت سخفانة بقوة البكاء دخلني لعند واحد الطبيبة نعساتني فحصاتني دارت ليا داك السيروم ناري شحال كانكرهو خرجو بجوج او بقيت انا واخا كانسمع ولكن ما قادراش نتحرك و لا ندوي --------------------------------------------- عند ياسر دخلت سولاتني الطبيبة واحد السؤال خلاني غير كانشوف فيها
