القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
--------------------------- قصص مغربية الصحابات او مالين طيماكس 🏍️💖 كتابات هبة --------------------------- فقت الصباح كالعادة صاوبت قهوتي او واحد شوية الخبز او زيت العود ساليت نضت لبست واحد توب كحل او سروال باج او واحد لافيست كحلة او واحد سبرديلة فيها الباج او الكحل
شديت طريق دار اميرة من بعد ما سلمت على الحنانة او العائلة كاملة ------------------------------- عند أميرة فقت معطلة او عينيا منفوخين حيت لبارح نعست معطلة بقيت مقابلة الانستغرام نضت غسلت وجهي درت ليه شوية الماكياج باش ترجع فيا الروح لبست واحد التريكو بيض ديال الصوف ميني او واحد السروال لا ديليفون او واحد كونفيرصة بيضة فيها الكحل من اللور او صاك كحل زوين او سنيسلة سامبل طلعت بومبة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مشيت الكوزينة عنقت الواليدة وسيمة :فقتي النعاسة اميرة:اه الفنون ديالي ما نلقاش عندك باش نعالج المعدة وسيمة : للاسف ما كاين والو نتي بقيتي ناعسة حتى لينا وقت تحملي مسؤوليتك اميرة : وسيمة نسولك وسيمة : نعااام الكلبة اميرة : واش انا بنتك و لاقيني فشي باكية تاع التيد وسيمة : نوضي تهزي قبل ما نشير على مك بصندالة خارجة لتريكة بوك جنس ييخ اميرة : هاهي غادة ----------------------------------------- وصلت عند أميرة صونيت كنتسنى فيها هبطت او هي كاتنكر انا : مالك على الصبيح أميرة : اودي انا واقيلا محال واش بنتهم غير جابوني من الخيرية او دارو فيا خير انا : شربتي دواك ؟؟؟ اميرة : تفو عليك الكلبة انا : زيدي قدامي نشريو من عند بااا الحسن ما تجغدري اميرة : يلاه زيدي راه أصلا غادين معطلين للمدرسة -------------------------------------------- من بعد واحد المدة وصلنا عند مول الحوينيتة شرينا ما ناكلو او شدينا طريق المدرسة أو حنا هازين واحد درهم زريعة نقرقبو بيها الناب او شادين النميمة في عبد ربي غير الله يسمح لينا او صافي ----------------------------------------------- فاتي او وئام باركين قدام الباب المدرسة كايتسناو فينا وئام:فاتي عرفتي شناهي اكثر حاجة ندمت عليها فاتي : شناهي وئام:تصاحبت مع دوك البغلات فاتي : ماشي غير بوحديتك الزين وقفنا عليهم على غفلة أو حنا مخنزرين انا : ياك اختي شيباس ما كاين اميرة : بان ليا هاد جوج سلوكيات بدا يسخن عليهم راسهم انا : وا قولي ليهم سخونية الرأس كاترجع بالبرودة فاتي : وا على سلامتنا نورتونا حبايبي انا : صبغيني صبغيني اميرة : ما تديش عليها هاديك اللي ضاربها على ديك الخليجية فاتي : يضربك جن ان شاء الله وئام : وا تدردبو المدرسة راه صونااات انا : ها حنا داخلين ------------------------------------------ دخلت بان ليا شكيب او صحابو جايين قاصدينا شفت في البنات او قلت ليهم بعينيا سكتو ما تدويوش حتى هوما فهموني الله يرضي عليهم
جا عندي كيضحك او عنقني شكيب : اهلا الزين ديالي صافا انا : لباس الحمد الله او نتا شكيب : لباس و لكن مالك كاتدوي معايا بحال هاكدا انا درت عندو بشوية او شديت لي في عنقو او همست ليه في ودنو بصوت قاصح او بارد انا : خاصك تعرف بلي اللي واقفة قدامك هبة بنت فتيحة ماشي بنت الشيخة السعدية او مني تبغي تلعب معايا عرف راسك معامن كاتحاول تراوغ ضربت على كتفو بالشوية او لحت ليه بوسة في الهوا او مشيت عند الدريات -------------------------------- دارو بيا البنات او بداو مساكن كايسولو فيا يسحاب ليهم دار ليا شي حاجة انا : ما تخافوش البنات ما وقع والو غير علمتو كيفاش يضحك على بنات الناس البنات : عاودي لينا انا : حتى نخرجو او نعاود ليكم ------------------------------- دخلت الحصة ديالي او انا مرتاحة بركت في الطاولة حتى تصدمت
