الصحابات و مالين الطيماكس 🏍💗
قصص مغربية 🎭✨
_______________________________
بقات مترقبة حتى بان ليها هنري و ادريان جايين رجعاات جلسات في بلاصتها مغمضة عينيها شويا تفكرات انها خاص تنوض تضرب ليهم التحية
ناضت هازة جلايلها ضربت ليهم التحية بانو ليها كايطلعوها من الفوق التحت رجعات لبلاصتها بانو ليها كايقربو
هنري : خاصك تنوضي من هنا هادي راه جلسة ديالنا حنايا الرولرز كانتجمعو هنايا
هبة حسبنت في خاطرها و جمعات الكلام في فمها خنزرت فيهم و ناضت جامعة جلايلها ناوية تمشي ما وقفها غير صوت اوريل اللي كان جاي هو و ليث من اللور
اوريل : هبة اش كاتديري هنا
مع الضورة اللي غاتضور بقاو غير كايشوفو فيها ضربات ليهم التحية واخا كاتعكلها اللبسة و لكن اش غادي تدير
هبة : سمحو ليا ما كنتش عارفة هادي بلاصتكم انا غاديا دابا
ليث طلعها و نزلها
ليث: اش خرجك في هاد الوقت
هبة جاتها الضحكة حسات برأسها فحال مشات الصويرة راه باقا غير المعسكر جمعاتها و هزات عينيه فيه
هبة : غير ما زارنيش النعاس و جيت لهنا نشم الهواء
نقز اوريل كايهضر و عينيه عليها
اوريل : بقااي هنا حتى يطيب نعاسك
هبة هزات حاجب و طلعات الآخر كاتشوف فيه و فنفس الوقت كاتشوف ردة فعل الرولرز اللي صفارو ليث اللي بقى كايخبط في صباطو مع الأرض و كايشوف ببرود
هبة ضحكات و نطقات بهدوء : سمحليا واقيلا غادي نرفض الدعوة ديالك هاد المرة حضرة المدرب غدا عندي التدريب ما نقدرش نبقى
اوريل : خودي راحتك
هبة استأذنت و ضارت غادة هازة اللبسة و رأسها مرفوع كيف عادتها
______________________
طلعات للشومبر ديالها تلاحت فوق النموسية و كاتدعي ربي يعاونها في خطتها و بينما كاتدعي و كاتذكر الله ما حساتش براسها غير حتى نعست
فاقت مع الصباح على إثر الدقان ديال الجنود
ناضت على وعدها و سعدها حلات الباب
هبة : ياك لباس
الجندي منزل راسو: ميستر ليث طالبك في المكتب ديالو
أنت تقرأ
الـــوقــوع فــي ابــتـســامــتــك
القصة القصيرةالقصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
