الـــوقــوع فــي ابــتـســامــتــك

part 57 : الخضوع الخادع

الصحابات و مالين الطيماكس 🏍💗
قصص مغربية 🎭✨
______________________________

حلات هبة عينيها في الشومبر ديالها ضورات عينيها بان ليها ليث أو واحد قاع الكاس واقيلا هو الطبيب نظف ليها الجرح جالسين حاضييني في واحد القنيتة غير بنت ليهم فقت الطبيب تنفس الصعداء هبة ما كانش صعيب عليها تعرف انه كان مهدد ما تحلف غير على انها بتاسمات ليه كطريقة للشكر و هو نزل راسو و مشى بقات غير هي وياه

هزات فيه عينيها لقاتو حتى هو كايشوف بدوك العينين اللي يركبو فيك الرعب

هبة ناضت من بلاصتها بشويا عليها مشات الخزانة ديالها هزات مستحضرات الاستحمام و شي حوايج ديال العيالات و و حوايجها ما تلبس

ضارت شافت فيه و نطقات ببرود : شكرا اميستر و انا كانستأذن منك بغيت نمشي للحمام

طلعها و نزلها مزيان و نطق بنبرة مستغربة : غادي تمشي تدوشي في حمام ديال الرجال

هبة بتاسمات بسخرية و استرسلت بهدوء : راني كانعس معاهم في نفس البيت و مع ذلك  فارضة عليهم احترامي و على كاع اللي في المعسكر ما عاد الريوس الكبار

ليث سكت واحد المدة و ناض وقف قدامها غطاها بعرضو و طولو ولات كاتبان بحال الكميشة ما بقات كاتفرق بيناتهم غير انشات قليلة

هبة خنزرات فيه و لكن سرعان ما استغربات من الأمر ديالو

ليث : تبعيني

سبقها هو الاول و هي من وراه منزلة رأسها التحت كاتفكر في هاد المخلوق اللي قدامها أو علاش ناوي هو داك الشيبة العاصية ديال خوه بقات كاتخيط و كاتفصل غير رأسها ما حسات برأسها حتى خبطات في شيء حاجة قاصحة

هزات رأسها و شعرها مليوح على وجهها شافت صاحب دعوتها دغيا تسوخرات باللورانيا و نطقت

هبة بصوت خافت : سمحليا ميستر

ليث همهم بشويا و نطق بنبرتو

ليث : هادي هي غرفتك بما انك طلعتي لصف النخبة و نوغمالمون هادشي اللي خاصو يكون منذ دخولك لهاد المعسكر

هبة هزات فيه عينيها و نفات براسها بالزربة : انا ما كنتش بغيت بنت خوك تتوسط ليا بغيت نظهر قدراتي و نوصل اللي وصلت بكامل جهودي ماشي بمنصب حتى أحد أو توسطو

ليث شاف ليها في عينيها و نطق بنبرة مختالفة هاد المرة

ليث : نتي الوحيدة اللي كاتشوف فيا بحال هاكدا و باقا كاتنفس