الـــوقــوع فــي ابــتـســامــتــك

part 65 _ رحبا بي للمرة الثانية بين الشياطين

الصحابات و مالين الطيماكس 🏍💗
قصص مغربية 🎭✨
_______________________________
وصلو القصر دخل ليث و في يديه هبة من الباب الخلفي و جامع حجبانو و من وراه فيليب كاين شي زربان اما هبة فكانت شبه ميتة النقطة ديال الدم ما كايناش في وجهها صفارت و بردات بشكل كايخلع

مشى حطها في بيت زوين في الطابق الثاني من القصر أو وقف عند رأسها كايتسنى في الطبيبة تجي و داكشي اللي كان ماشي بزااف ديال الوقت حتى جات طبيبة بالحق ماشي اللي وصى عليها كانت خطيبتو اللي تبعاتو حتى لهنا

ماريا : ليث واش عارف العواقب ديال هادشي اللي كاتدير

ليث خنزر فيها و لأول مرة ترسم هاد التعبير على محياه و هادشي كلو بسباب هبة : خرجي عليا من هنا و آخر مرة تملي عليا الرأي ديالك فشي حاجة كاتخصني يله ق*دي عليا دابا

ماريا نزلات رأسها ما دواتش حيت كاتخاف منو و اصلا ضسرات عليه هاد الأيام

دخل فيليب و معاه الطبيبة و فديك اللحظة ليث هضر مع فيليب غير بعينيه فهمو هاد الأخير و رافق ماريا للخارج بكل هدوء

اما الطبيبة فبدأت بفحص هبة و دقات ليها واحد الشوكة فيها مسكن عاد لصقات ليها السيروم

خداتو الطبيبة واحد العينة ديال الدم المختبر باش تشوف السبب اللي خلاها توصل لهادشي كامل
______________________________________

بعد ساعتين

سالا السيروم ديال هبة وبدات كاتستعد باش تفيق مكنسة ملامحها بألم

حلات عويناتها ظهر ليها ظهر ياسر واقف حدا واحد الشرجم عرفات رأسها ماشي في المعسكر غير من الشكل ديال البيت يله نوات باش تنوض من بلاصتها حتى غوتت من الألم اللي حسات تحت الرحم ديالها شدات على كرشها لعل بعض الآلام تخف ما حسات غير لواحد الكأس ديال الماء مخلط بواحد الفيتامين قدامها عرفاتو ليث غير من الاسوارة ديالو

هبة : ميستر ليث ؟؟! اش كاندير و فين انا واش وصلني لهاد الحالة

ليث حمحم و عطاها الكأس: هادا قصر روكليفر جبتك هنا حيت كنتي في حالة حرجة

هبة بشوية: فاش قصر معاه السبيتار

ليث نطق ببرود : نتي دابا عرضة لأي هجوم من العائلات أو المافيات المعادية.... شربي دواك في وقت و انا عادي نسيفط اللي يحضيك لا تعملي شي مشكل

هبة بلا ما تحس : و بقى نتا نيت مالك اش تابعك

ليث رفع فيها حاجبو باستغراب: اش قلتي ؟؟!