الـــوقــوع فــي ابــتـســامــتــك

part 11

الصحابات او مالين طيماكس 🏍️💖
قصص مغربية 🎭✨
------------------------------------
تذكير:
هو يجمع النوضة باش يمشي غير حتى وقفاتو مو بواحد الهضرة خلاتو يعقد حجبانو مزيان كونو ما تقبلهاش بالمرة
---------------------------------------
فخيتة : ياسر
ياسر ضار عندها بشوية بنفس نضراتو : نعام الواليدة
فخيتة : الله يرضي على ولدي بقى نتا و الدراري مع البنات
انا مسكينة واحد الكاس ديال العصير الليمون في يديا ولا كايشطح او واحد الجغمة في فمي ولات تبخ بقيت نكحب حتى بردت ما حسيتش براسي حتى دويت بواحد الطريقة لا رسمية بامتياز
انا : تشي لا اخالتشي انا او ولدك في حطة وحدة حتى لهادي لا اخالتشي نخاف نقلبوها صباط ا...
يلاه غادي نكمل الهضرة حتى حسيت بواحد القرصة من عند فاتي ضرت عندها لقيتها كاتعض في فمها او تغمز او تندب عاد باش دخلت معايا بلي راني قودتها درت ديك الضحكة الصفراء او ضرت عند السيدة لقيتها مصدومة او ياسمين حابسة الضحكة بزز او واحد سيد الرجال سي ياسر عاقد حجبانو مسكين ما فهم والو
انا : بغيت نقصد زعما راه مسكين عيان مع الخدمة غير خليه يرتاح
السيدة عاد تبشرت: حشومة ابنتي تقولي هاد الهضرة راه حنا عائلة وحدة
انا خرجت فيها عينيا او كانغمز فاتي باش تدوي
فاتي : خالتي فخيتة غير خليهم يمشيو ها حنا مع هبة حتى العشية او ندويها معانا للدار
انا كانحرك راسي بآه مع كل كلمة كاتقولها فاتي
ضحكت فخيتة : ناري يا بنيتي غير فوطوكوبي ديال مليكة شي حلاوة لسان عندك تبارك الله عليك غير الله يحجبك او خلاص
انا درت في فخيتة ديك الشوفة ديال اودي يا ودي راك مقلوبة عليك القفة كتر مني انا واحد فاتي غير كاتفرنس هزيت فيها عينيا او جمعتها معاها بواحد القرصة داكشي غير من التحت ما خرجني من هاد الدوامة غير صوت خالتي فخيتة اللي صدماتني بهضرتها
----------------------------------------
فخيتة : ايوا يا بنياتي انا خديت قراري ها هما الدراري معاكم حتى نجي غذا عند ختي فتيحة نتكلم معاها شوية او نتطمن عليك بالشفاء ان شاء الله
باست ليا راسي او مشات هي او ياسمين او إلهام
انا بقيت مصدومة كانحاول نقنع راسي باللي ما غانبقاش مع هاد المخلوقات العجيبة هزيت عينيا في ياسر بان ليا بارد ما عليه حتى ردة فعل خرج من الغرفة ما كاملاش شي قسمين او هما يتمو جايين واحد سبعة العمالقة مكدرين او لابسين الكحل
ما حسيت براسي حتى دويت : تشوما مال هاد دراوا واقفين علينا كي قباض الرواح
فاتي : ناري هادو جايين يتناوبو واقيلا
اميرة : ناري المساخيط قوادت
وئام : تشوما اروا الساروت نشرمل الغاشي
هبة : حيدو ليا هاد ال*لاوي اللي ملصقين ليا في كراوعي خليوني نفرجكم في البشر
يلاه غادي نوض او هو يتم جاي واحد اللوبيا يعوج عليا في خرزتو
هو بواحد الصوت نعم من ديالي : لا الالة عفاااك ما تحركيش راك باقا مريضة
انا : او شكون نتا بصفتك
هو : انا سميتي ريڤين
او باش سالا معايا بديك الضحكة في الآخر
انا غوت على أميرة : جري الفردة جيبي واحد العكاز نوريه ريڤين كيدايرة هاي هاي ولا عندنا قوم لوط
اميرة : تشي لا غادي نمشي نجيب واحد الخيارة تكون على مزيناتها يلاه يلاه
فاتي : لا البنات حشومة خليوه على راحتو دري ميولو ماشي بحالنا ما تدخلوش فيهضرنا عندها بالجملة أو حنا نطقو في دقة وحدة
البنات : لا تبارك الله على الطبيبة النفسية المستقبلية ديالنا
-----------------------------------------
عند الدراري
حضرو الفيلم من اولو حتى الآخر حيدو غير ياسر ما عرفتش فاينا جايحة مليوح سي آسر تفرشخ بالضحك او نطق
آسر : ناري هاد البنات عالم the next level
ريان : عندهم واحد العقلية هاربة بزااف او طبيعيات
زكرياء : ضروني في راسي بان ليا غادي نمشي بحالي
آسر بجدية : ما تحاولش اصاحبي راك عارف خالتي فخيتة دوات معانا او مني قبل ياسر يعني حنا من الأحسن نبركو الارض
زكرياء او ريان : بصااح
--------------------------------------
البنات كانو باركات مجمعات مع ريڤين لاحظوا بلي ظريف بزااف غير ديال الجماعة أو التحتات صونا تيليفون ديال هبة كولشي سكت هزاتو شافت النمرة غير معروفة جاوبات
انا : الو السلام عليكم
المجهول : السلام هبة
انا : شكون معايا اخويا
المجهول : انا شكيب
تذكير : شكيب هو صاحب هبة القديم
انا بالسرعة تبدلات النظرة او النبرة ديالي للبرود
انا : ياك لباس اسي شكيب فاش نقدر نعاونك عاد الساعة
شكيب : شوفي هبة عفاك سمحيليا عرفت بلي ديك الكلبة اللي كنت مصاحب معاها ما تسواش ولو الظفر اللي فرجليك
انا ضحكت بسخرية : ايوا على السلامة ازين بلاتي نزغرت ليك لولولولي ما لقيتي عندي جهد هاد الساعة بدلت النبرة ديال صوتي او دويت
انا : سمعني نقول ليك واحد جوج كلمات عنداك يسحاب ليك انا جفاف تمسح فيا رجليك او تجي عندي وقتما بغيتي دابا هاد النمرة آخر مرة تدور بيها او اخر مرة نسمع صوتك او لا نشوف كمارتك فيها حيت ما نضمنش ليك ايمتا نقدر نقلب الفيستا عليك ايوا ضور تقود دابا تشاو تشاو ازين
قطعت او انا كانشوف في نقطة وحدة ساهية ما كانسمعش داكشي اللي داير بيا
-----------------------------------------
البنات سمعوا الحديث من الأول حتى الآخر او كلشي كايبان ليك عقدهم
اميرة ناضت هزات صاكها تبعوها البنات كاملين يلاه غايخرجو او هوما يوقفوهم الدراري
الدراري في دقة وحدة : فين غاديين
البنات : عندنا واحد الحساب خاصنا نفاريوه مع واحد الزامل
زكرياء او هو كايكمي : واش هادا اللي كان مايدوي مع المريضة
وئام بعصبية : اه اسيدي خليناكم على خير دابا خاصنا نمشيو
ريان : حتى واحد ما غيزيد الخطوة كلشي يبرك
أميرة خنزرات حيت كاتكره اللي يدخل فيها : او بصفتك شكون ؟؟
ريان شاف فيها بواحد النظرة كاتخلع : سيري تبركي مع صاحبتك او شوفو مالها او هاد الأخ حنا اللي غانتعاملو معاااه
ما قاطع حديثهم غير صوتها
-------------------------------------
هبة ببرود: حتى حد ما غادي يضرب الضربة او نقطة فاصلة
اميرة : و لكن ر..
انا شفت فيها : دويت او لا لا
اميرة تأفأفت
انا ابتسمت واحد الابتسامة مخالفة بزاااف على اللي قبلها
فاتي حركت رأسها بلا : هبة علاش راك ناوية
انا بنفس الابتسامة : كل خير ان شاء الله
ضرت عند الدراري او دويت
انا : العشران عفاكم عيطو على صاحبكم علموه باللي راني غادي نخرج دابا باش نحيد اللومة عليا
زكرياء ابتاسم باحترام : واخا تسناي عفاك واحد الدقيقة
------------------------------------------
بعدما سالا زكرياء المكالمة من بعدها بشي 10 دقائق تم جاي ياسر بتمختر برك بشوية ضور عينيه ما بان ليه حد هز عينيه في زكرياء بمعنى فين هما
زكرياء : راهما في غرفة التغيير
حرك ليه راسو بخفة او هز تيليفونو بشغل بيه راسو بينما خرجو
---------------------------------------------
لبسات هبة واحد الكسيوة مريحة على قبل انها يلاه خارجة من السبيتار خاصها ترتاح في لباسها