الـــوقــوع فــي ابــتـســامــتــك

part 34

الصحابات او مالين الطيماكس 🏍️💖
قصص مغربية 🎭✨
-------------------------------------
مع الصباح 🌄

نايضين البنات معطلين مطحطحين بالجهد ناضت اميرة فيقات فاتي او وئام هبة بغاو ينوضوها و لكن والو ختكم ميتة
ناضو البنات من غير هبة غسلو وجوههم و سنيناتهم و هبطوا الكوزينة لقاو الفطور فوق المائدة و الغذاء كايطيب نطقات اميرة
اميرة : اااي البنات تعطلنا اليوم في الفياق اخر مرة شغل الدار كامل دارتو خالتي فخيتة
وئام : اه عندك الصح
فاتي : ما غانفيقوش هبة
اميرة : لا فاش هبة تبان ليكم بقات ناعسة بزاف عرفوها موحشة شي بني ادم و لا مشينا حتى نوضناها نقدرو نموتو فيها
البنات : الي هبة فارضة السيطرة
فطرو البنات ناضو غسلو الماعن تمات نازلة هبة عينيها مقلوبين بالنعاس هابطة في دوك الدروج و ممكن انها باقا كاتحلم ما غادي تساطح غير مع ياسر جاي من الخدمة
هبة : الله يا ربي الله كترو الحيوط في هاد الدار الله راسي عوااج
ياسر كاينزلها و كايهبطها بعينيه : باقا يلاه فقتي
هبة باقا مقلوبة : و حق رب اعبيقة ايلا راني دايخة فيا الموت تاع النعاس ما عندي خاطر لوالو
ياسر بإستغراب : عبيقة ؟؟!
هبة عاد باش سراات هزات عينيها بان ليها ياسر واقف عاقد حجبانو ما فكرتش جوج المرات جراات الكوزينة بالزربة لقات البنات كايدويو مع فتيحة و صحاباتها حتى هي شدات التيليفون و دوات مع خالاتها و قالت ليهم يعطيوها ماماها هبة كي شافت مها توسعو عينيها و تخلطت ليها الضحكة مع البكية
هبة : واا مي وااتااك الحج تبارك الله عليك الله يحجبك ليا وا مي راك خليتي بلاصتك في قلبي
فتيحة كاتبكي : وا كبدتي راني كانطبق ديني بكلشي ليه و انا ساهلة عليا نمشي و نخلي لحيمتي بوحديتها هاا راه حتى انا توحشتك
في هاد اللحظة دخلو الدراري بانو في الكاميرا شافو البنات كايتباكاو و سمعو الصوت عرفوهم واليديهم
فتيحة : السلام عليكم اوليداتي
الولاد : سلام خالتي
فتيحة: كيدايرين مع الصحيحة و مع شي خدمة لباس عليكم او كاتهلاو ليا فبناتي و لا لا
نقزات وئام الله يستر فيها هاديك اللي ما كاتقالش
وئام : وا مهليين فينا اخالتي عرفتي البارح لعبنا عروسة و عريس فالاول هبة ما بغاتش و لكن مني جاء ياسر بزز منها لعبتها معاه
هبة كانت كاتشرب في اتاي ولات تكحب تجيفت طلعتها مع وئام بواحد القرصة دايزها الكلام و فتيحة غير كاتضحك
فتيحة : هاكداك اولدي ياسر تهلا ليا في هبة راك عارف اش وقع
ياسر : ما توصينيش عليها راها بحال الهام و ياسمين بلاصتهم بوحديتها
كلشي هز فيه عينيه على اثر هاد الكلمة
هبة : يلاه اماما خليتك على خير خاصني نمشي عند خالتي فخيتة
فتيحة : سيري الله يرضي عليك ابنيتي
هبة هزات داك الكاس ديال اتاي شرباتو دقة وحدة و شافت ياسر شوفة فهمها غير هو و هي
هبة دارت عند البنات
هبة : من هنا لنص الساعة نلقاكم في البيت مجموعين باش نهبطو للحمام التحت نتفركو مزيان عاد نلبسو التكاشط و نصاوبو الماكياج مشاات
البنات : صافي مشات
ضحكات معاهم و مشات عند لالة فخيتة
دق دق دق
حلات لالة فخيتة الباب ضحكات مع هبة و عنقاتها
فخيتة : هاي هاي على النعاسة خمرتي
هبة : غير سمحي ليا اخالتي و الله حتى جاني واحد النعاس ما يمكنش
فخيتة : عادي ابنيتي دخلي دخلي
هبة دخلات البيت فخيتة اللي كان زوين و مرتب بشكل امريكي عصري جلسو فوق الناموسية مشات جابت فخيتة الهبة التكشيطة ديالها بالحق مقدرتش تشوفها حيت مغلفة بواحد الغلاف كحل
هبة : اش هادا اخالتي
فخيتة ضحكت : تكشيطة الهبيلة بالحق ما تشوفيهاش حتى تبغي تلبسيها
هبة : اه صافي كوني هانيا
هبة ضورات عينيها في البيت لقات واحد التكشيطة حمرة كاتبري و زوينة زااز
هبة توسعو عينيها باعجاب : خالتي تكشيطتك هادي
فخيتة : اه ديالي عجباتك
هبة : اه انا غادي تواتيك ما شاء الله عليك
فخيتة : عويناتك زوينين
ناضت فخيتة الماريو ديالها جبدات واحد المضمة ديال الذهب تقيلة و زوينة و جات حطاتها حدى هبة
فخيتة : شدي هادي لبسيها مع التكشيطة
هبة : اوييلي اخالتي لا راه تقدر تطيح ليا لا
فخيتة شافت فيها ديك الشوفة ديال منيتك ابنيتي
فخيتة : ما نبغي حتى شي اعتراض يلاه
هبة شافت فيها باستسلام: صافي اخالتي اللي بغيتيها هي اللي تكون
فخيتة ابتاسمات
هبة : يلاه اخالتي جيت عندك على قبل الحمام اللي التحت بان ليا سخون او ديال الفريك هانتي شي نص ساعة و نمشيو ليه نتفركو
فخيتة ضحكات و باست خدود هبة مزيان : ها سعدي ها فرحي ببنياتي ايه نهبطو ليه على انا شحال عندي من بنياتي
ناضت هبة جمعات المضمة و التكشيطة و ضارت خارجة من بيت لالة فخيتة لبيتها مع الضورة مع غادي تلاقا مع ياسر شافت فيه شوفة ناقصة و مشات ما حسات غير بواحد اليد جراتها على الجهد ضارت بالزربة
هبة : طلق مني واش حماقيتي
ياسر : اه حماقيت عندك شي مشكل
هبة : وا سير تعالج اخويا
ضغطات على ديك خويا مزيان شاف فيها مزيان و شاف في داكشي اللي هازا
ياسر : اش داكشي اللي هازة
هبة : سوقك اسيدي قيلني عليك
ياسر خنزر فيها : راه غادي نهرس ليك دام الفم اللي عاجبك
هبة : شناهوا لهلا يحييك و لا يطول الزمان عليك حتى تهز عليا يديك باشمن صفة اخويا
ياسر ابتاسم بجانبية و قرب ليها من ودنيها هبة هاد الأخيرة اللي تلبكت ولات غير تضور عينيها
ياسر مبتاسم بشر : نتي راك عارفة و انا عارف
هبة توترت : ايوا مزيان طلق مني دابا خاصني نمشي
ياسر باسها في حنكها و نطق : سيري اختي
هبة مشات بواحد المشية غريبة ما بقاتش عارفة تمشي مسكينة 😂😂😂
---------------------------------------
نمشيو التحت عند الدراري و الدريات باركين كايترومانساو مع بعضياتهم ما كاين غير الحب يتشاير حتى تمات هابطة هبة و شوية تبعها ياسر ربعو يديهم كايشوفو في هاد المنظر هبة ضربت الشوفة في الساعة لقات ديك نص ساعة تضوبلت و هي تنزل على الطبلة ضربتها
هبة : تبارك الله على الشرفة
الدريات شافوها كحلو بالعمى و الدراري ضربو فيها الشوفة و الله حتى كاتخلع 😂😂
هبة : هادوك السلوقيات اش قلت ليكم نصف ساعة لقاكم في البيت غير حتى لقيت الساعة تضوبلت و ستات الحسن و الجمال كايترومانساو ليا ما علابالهمش
البنات ما دواوش هبة ضارت عند الدراري و نطقت
هبة : باسم السيدة فخيتة و بالسلطة المخولة لي من حكومة المنزل اخاطبكم بالآتي قالت ليكم خالتي فخيتة هبطوا الحمام ديال الرجال تفركو او دابا تو دو سويت
الدراري تصدمو : هبة منيتك
هبة : انا غير وصلت ليكم الهضرة ما تلومونيش
ضحكت هبة و البنات مزيان و تمو طالعين يهزو بينواراتهم حتى يطلعو يلبسو الحوايج
اسر نطق بصدمة : ايه الخوت على اخر يامنا غادي نعودو نعومو في الحمام العمومي
ريان : حق الرب ايلا تصدمت ما يمكنش هادشي
ياسر و زكرياء نطقو ببرود : اوامر لالة فخيتة ما كايتعاودش فيهم الهضرة
الدراري حازو امرهم الله و مشاو يهزو بينواراتهم
____________________________
هبطوا البنات هوما و لالة فخيتة على الضحك و اللعب و هازين معاهم البنادر ناويين يحيحو في الحمام هبة هازة معاها الخراقي بالزايد و ديك الخلطة العجيبة ديالهم تقدمات هبة عند الدراري شدات يد ريان و نطقات
هبة : شوف اريان هاد الخراقي غادي تعطيهم لكل واحد منكم عنداكم تخلطوهم كل واحد او ديالو
ريان : لاش كاتصلاح هادي
هبة ضحكت : هاي على المعيفين شوف غادي تشدها تغمسها في الماء طايب و تبدا تدوزها على لحمك فهمتي
ريان : اه فهمت
هبة : هاد الهضرة ليكم حتى نتوما الدراري
الدراري : مفهوم
هبة ضحكت معاهم : يلاه بصحتكوم
مشات هبة عند البنات دخلو الحمام بالغناء و التزغريت تجمعو طلاو داكشي للحمهم و لحم فخيتة حكو ليها حتى رجعو ليها ظهرها ركب من كرشها و عامو حتى هوما تفركو خرجو النور يضرب عليهم من بعيد
نمشيو عند الدراري اللي تبعو الطريقة اللي قالت ليهم هبة حتى تصدمو من داكشي اللي خرج منهم ( موالفين بالتقشير 😂😂) حتى هوما تفركو و خرجو يبريو على مزيناتهم
مع الخرجة مع طلاقاو مع البنات تبارك الله كي البلارات وحدة تنسيك في الاخرى
هبة بمزااح: ايوا دابا وليتو بنادم النور يضرب عليكم بصحتكم
الدراري باقين مصدومين : الله يعطيكم الصحة
ضحكو البنات و طلعو هوما و لالة فخيتة لبيوتهم
و حتى الدراري قامو بنفس الشيء
-------------------------------------------
بعد ساعة 🕐
البنات كايشوفو في رأسهم في المراية النور يضرب عليهم
نبداو بفاتي اللي لبست واحد التكشيطة فنة في الغوز و الخضيضر بارد و ضربت ليك الماكياج هادئ بينها بريئة