الـــوقــوع فــي ابــتـســامــتــك

part 44

الصحابات و مالين الطيماكس 🏍️💖
قصص مغربية 🎭✨

_______________________

مشاو عندها البنات يعنقو و يقولو ما عنقت حيدات هبة و شافت

هبة : خلود ايمتا جيتي من لندن أحبي

شافت فيها خلود بواحد النظرة في شكال

خلود : ما غتحيديش منك هاد الطنز العكري اللي فيك

هبة ضحكات منيتها : على مال الجبل هادا راه ماشي غير لندن ديال المغرب هاداك راه ميريكان ديال المروك

خلود هزات يديها للسماء : يا ربي تهديها يا ربي يصبرني يا ربي تعوضني بالجنة

شداتها هبة من شعرها : دابا كيفاش تدخلي الجنة على ظهري و الله يا بنتي حتى رجلي برجلك

خلود : و هالعااار هالعااار

شداتها فاتي : و غبرة غبرتيها ابنت الهم

خلود : اختي غير مع كثرة الشغالات و راك عارفة المحلات ضروري خاص اللي يحضيهم

فاتي : لا ما نخافش عليك عارفاك فران و قاد بحومة

خلود ضورات عينيها للمرأة اللي معانا و طلعاتها و هبطاتها او شوية شافت في فتيحة و هي تمشي عندها كاتجري و تقول ما جريت شداتها من راسها و باستو ليها

خلود : كيدايرة الحاجة

ضحكات ليها فتيحة و عنقاتها ما حسوش براسهم حتى بكاو حيت خلود يتيمة من الأم و الأب و لكن تربات مع الدريات بحال الخواتات طلقات منها و مسحات دموعها

خلود : ناري الحاجة مسحتي دوك الذنوب ديال ديك النميمة كاملة و خليتها لاصقة فينا ما بقيناش

فتيحة طلعاتها معاها بقرصة : الله يمسخك اللي شاف هاد الزين اللي عندك ما يقولش هادي نتي اللي كادوي

خلود : اطااانسيو الحاجة راه الزين بقا في الرجولة ديالي

فتيحة : ايوا الله يمسخك

خلود شافت في ديك المرأة و ضحكات : حاسة بحال ايلا كانعرفك و لكن ما عقلتش فين شفتك