الـــوقــوع فــي ابــتـســامــتــك

part 12

الصحابات او مالين طيماكس 🏍️💖
قصص مغربية 🎭✨
-----------------------------------
تذكير :

ضرت عند البنات قلت ليهم يلاه
تمشينا نحو السيارة او جلسنا حطينا ريوسنا على كتاف بعضياتنا او نعسنا واحد النعيسة حلوة
---------------------------------------
ما فيقني غير صوت الكارد اللي قال ليا آنسة راه وصلنا حكيت عينيها او كسلت عظيماتي مزيان او ابتاسمت ضرت عند الدريات او بديت نهر فيهم او نقرص او نهمس ليهم فودنيهم حتى فاقوا دقة وحدة مغوبشين شفت فيهم او انا نتفرشخ بالضحك حتى هما بداو كايضحكو شكرنا الكارد او هبطنا من السيارة خرجنا كانتكسلو ما شبعناش نعاس انا بديت كانقز او نجري شويا نضت قفزت على البنات غافلين على الانظار اللي حضيينا عنقت البنات او بقينا حتى وصلوني لدارنا او دخلو معايا
---------------------------------------------
عند الدراري
بقاو متبعينا بعينيهم او كل واحد متكي على الحديدة ديالو
دوا آسر بواحد النبرة غالب عليها الحزن : هاد الايام اللي دازو حسيت براسي فرحاان
ريان : الصراحة بصااح نيت و لكن راه كنا معولين على هادشي
زكرياء بملامح باردة : نساو عليا هاد الهضرة او يلاه نمشيو والناس راه درناه او سالينا
ياسر ببرود : زكرياء نتا غادي تمشي معايا عندنا شي خدمة نقضيوها او نتا اريان او اسر غادي تمشيو للشركة تخدمو على شي مناقصات بينما جيت
سالا هضرتو او تحرك لسيارتو او ضيمارا او تبعو زكرياء ضار ريان عند آسر او قال ليه غير بالعين تحرك
------------------------------------------
عند البنات
دخلو للدار سلموا على لالة فتيحة شبعتهم غير سبان صبناتهم مزيان عاد طلعو لبيت هبة هاد الأخيرة تلاحت في نموسيتها او تشبحت مزيان ما قاداها فرحة في حين البنات كي بحالا طايح عليهم الضيم ضارت شافت فيهم بانو ليها في ديك الحالة ناضت على وعدها او سعدها تربعت او تكلمت بكل هدوء
انا : البنات عاودوا ليا اش واقع مالكم
شافو فيا كاملين بواحد الحيرة
البنات دقة وحدة : ما عرفناش
انا : واش بقى فيكم الحال على الدراري
فاتي : صراحة ما ننكرش أنني كنت كانحس معاهم بواحد الراحة و الامان
أميرة : نفس الشعور ديال فاتي
وئام : حيد البزار اصلا حتى لبغيت فاطمة تديرني فوق الشواية
انا بسرعة تغيرات ملامحي لواحد الملامح حنونة شفت فيهم وحدة وحدة او نطقت بواحد الصوت ظاهر عليه الحزن الشديد : البنات عفاكم راكم عارفين ما داز علينا و ختامه مسك شوفو صاحبتكم فاش وتقت في داك الكلب ديال شكيب بسرعة لعب عليا او رجع ليا المرض اللي سنوات او انا كانعاني منو من غير هادشي كامل البنات انا حاسباكم خواتاتي او بناتي كثر من صحاباتي ما بغيتكمش طلاقاو مع شي كلاب بحال هادوك اللي شفناهم في عز براءتنا شدو في راسكم البنات او ما تخضعو لحتى ولد المرأة كيفما كان
ما حسيت براسي حتى هبطات ليا واحد الدمعة من عينيا تابعينها ولادها يجريو من عينيا جروني البنات عنقوني بدينا نبكيو حتى شبعنا شوية او هي تنقز فاتي : ناري البنات كانبانو تيتيزات أو حنا كانبكيو ديرو ديرو شي سيلفي
أميرة : ما طلبتي غير الموجود
انا عنقتهم كاملين او تلاحينا على النموسية : يلاااه تشيييز