القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
الصحابات و مالين الطيماكس 🏍💗 قصص مغربية 🎭✨ ____________________________________
شافت ريل فيهم مستعجبة
ريل : فين قاع الكأس ديالي
كانت في البيت واحد البنت زوينة و مدايرة نظيظرات و لابسة رداء الأطباء
ضحكات على كلام ريل و ناضت من بلاصتها معكزاها حتى وصلاتها النموسية
الطبيبة: سلام ميس ريل... انا الطبيبة الجديدة ديال المعسكر
ريل ضحكات في وجهها و ترخات على النموسية حاسة بعضامها كلهم ضارينها عالجاتها الطبيبة مزيان و السيدة تطلقات معاها ولات تعاود ليها على شي حوايج خلات ريل غير حالة فمها
سالات الطبيبة و خرجات بقات غير هي رأسها في البيت بقات كاتفكر حتى داها النعاس بلا ما تشعر
_________________________________ تسريع الأحداث ⏏
مرات ثلاث اشهر على ريل دازت من اخيب التداريب اللي تقدرو تفكروها و لكن ما عمرها ما تعصبات و لا عياات بالنسبة ليها هاد التداريب فمصلحتها خصوصا انه النتيجة بانت غير مع صف النخبة ديالها حتى حد ما بقى يقدر يتواجه معها لا من الناحية البدنية لا من الناحية التحاورية كيفاش يتواجهو معها و هي تدريب ليث روكليفر حتى يكون عندو ند فشي مجال هو بعدا عاد باش يكون عند المتدربة الخاصة عندو
____________________________
خرجات ريل من بيتها على إثر نداء فيليب
ريل : صبحنا على ناكر و منكر ما صبحنا على وجهك ... ياك لباس اخويا
فيليب : كيف شفتيني موحش في خليقتك ... ميستر ليث قاليا نخبرك باش توجدي رأسك
ريل : للتدريب و لا لاش؟؟
فيليب : لا .
_____________________________
مشى ضار مع الضورة و خلاها في حيرة من أمرها كاتفكر فين غادين و كيفاش توجد رأسها بقات فكرة تديها و فكرة تجيبها و كل وحدة أسوء من الأخرى محات دوك الأفكار و ناضت قامت بروتينها و خرجات كاتقلب على شي كلاس تلبسها حيت كيف سبقت و ذكرت هبة بطبعها ما كاتلبسش الكاجوال و لا سبورتيف بزااف اغلبية لباسها يا الكلاس يا الجلالب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
