الصحابات و مالين الطيماكس 🏍️💖
قصص مغربية 🎭✨
---------------------------------------------
خرجات هبة معنقة ديك الباليزة ديالها اللي فيها غير حوايج ماماها و حوايج قلال ديالها
خرجات بهدوء من الباب اللوراني و تمشات شوية حدى الشارع
بانت ليها واحد الميرسيديس جي كلاس واقفة و من وراها شي ربعة اللوطو جيب حربية عامرين بالكارد
هبة فاش شافت داك المنظر بالزربة تبدلو الملامح ديالها
توجهات للوطو ديال المرأة حلو ليها الباب و دخلات شافت في البنت
و البنت حتى هي شافت فيها نفس الشوفة
ظناتها غادي تستفسر على سبب تواجد الكارد و هاد الجلبة كاملة و لكن خاب الظن ديالها منين رجعات هبة راسها على اللور ديال الكوسان و نطقات بنبرة هادئة
هبة : نقدرو نتقدمو دابا
ضارت عندها البنت و نبسات حتى هي بنفس النبرة
البنت : واش موجدة وراقيك
هبة اومآت براسها بتعب
شافت البنت في السواق و حركت ليه راسها لا يتقدم للمطار
هبة استغلال الفرصة باش تريح راسها و افكارها و تفكر فداكشي اللي جابها تقدرو تقولو انها ما فكراتش قبل ما تركب مع البنت اللي غير الشكل ديالها كايوحي انها ماشي عادية اه تسرعات و هي عارفة راسها غالطة و لكن ما حدها محتاجاها فما كايهمش حتى لاينا درجة غادي توصل بيها الكارثة حيت هي بالنسبة ليها كانت صابرة على قبل مرأة وحدة و هاهي دابا تحت التراب على من غاتزيد تصبر دابا ما بقاش كايهمها كاع في المرة
وصلو المطار حلات هبة عينيها على اثر توقف الحركة تقادات في الجلسة ديالها بانت ليها ديك البنت عاطيها كمامة كحلة و نظاظر و كاسكيط كاملين في نفس اللون
هزات فيها هبة عينيها و فلتات ابتسامة مستهزئة من فمها خلات البنت تبتاسم بجانبية خدات من عندها داك العجب دارتو حتى ما بقى كايبان فيها والو
نزلو بجوج حدا بعضياتهم خطواتهم محسوبين
بقاو غادين في طريق وحدة و كلشي كايشوف مستغرب كايسحاب ليهم شي مشاهير و لا شي لعيبة و على إثر هاد الفكرة ضحكت هبة على راسها و على الحالة اللي وصلها ليها داك القتال
وصلو قدام واحد الطيارة واعرة قليلة في حقها طلعو و جلسو في واحد البلاصة فحال الصالون
لاحت هبة عليها داك العجب اللي فوجهها و جلست مغمضة عينيها
بقا الوضع بحال هاكدا واحد المدة غير حتى نطقت هبة بالشي اللي خير البنت
هبة : ما ناوياش تعطيني تفسيري انسة لهاد الفعايل
توسعات ابتسامة البنت و تقادات في الجلسة ناطقة بالروسية
أنت تقرأ
الـــوقــوع فــي ابــتـســامــتــك
Short Storyالقصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
