القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
هبة شافت في صاحب اليد اللي جراتها و من غيره كان ليث لاحظ انها كانت غادي تخرج و جرها حتى تخبطات مع صدرو شافت فيه هبة و اللي عصبها منهادشي كامل كانت الريحة اللي شمات فيه كان سكران ريحة الشراب فيه كاتضرب حتى لفين و فين
هبة هزات عويناتها في عينيه اللي نزلو بفعل الشراب بدأت كاتحاول تفلت منو
هبة : ميستر ليث طلقني عفااك ميستر ليث
ليث : شششش ما تحركيش
هبة استغربات أو بقات كاتحاول تفلت منو ما مرتاحاش لهادشي كامل
ليث قرب لوذنها: علاش رأسك قاصح
هبة حلات عويناتها حتى الأخير صوتو جاب ليها هريرو في ودنها و لكن ما ضحكتش ما قدراتش و ريحة السيجار مخلطة مع ريحة الشراب دوختها ما بقاتش قادرة و لي كمل عليها هضرتو
ليث نطق بنبرة مختالفة لأول مرة خاطبها بهاد الأسلوب: ريل ... واياك تعرضي حياتك للخطر في المهمة حيت كوني متأكدة ما غاديش تدوز بالساهل
فاش سالا هضرتو ختم عليها بقبلة تحت وذنها خلاها مصدومة
ليث : سيري وجدي رأسك غادي نمشيو للمعسكر
هبة هزات عينيها شافت فيه حسات بحالا شي حد طرشها ما قدرات تدير والو ما تحلف خنزرات فيه و هزات تكشيطتها و تمات راجعة ادراجها
و هي كاتنفس بسرعة كرهات رأسها فاش قرب ليها و في نفس الوقت كرهات قوتها اللي ما نفعتهاش باش تدفعو
وصلات لبيتها لقات سافانا و غزل باقين باركين تنفسات الصعداء و مشات عندهم
هبة : سافانا عفاك جيبي ليا ما نلبس هادا هو الوقت باش نمشي
ناضت سافانا لبيتها جابت الحوايجلهبة مشات هبة لغرفة التبديل بدلات عليها التكشيطة و جمعاتها حيدات المجوهرات و بدلاتهم باللي جابت ليها سافانا طلقات شعرها و حتافظات بالماكياج اللي دارت مع التكشيطة و خرجات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
