الـــوقــوع فــي ابــتـســامــتــك

part 9

الصحابات او مالين الطيماكس 🏍️💖
قصص مغربية 🎭
------------------------------
الطبيبة : اهلا بيك سي ياسر شرفتينا
ياسر هز فيها عينيه بمعنى يا تدوي يا نقبر بوك
الطبيبة بتوتر : على أي استاذ ياسر قوليا عفاك شنو العلاقة اللي كتربطك بالمريضة
ياسر ببرود : تكلمي دابا او باراكا من هاد الأسئلة الزايدة حيت راك عارفة صبري قليل
الطبيبة : الآنسة عندها خلل في الجهاز العصبي الشيء اللي كايخلي مرة مرة تجيها نوبات بحال هادو  او احم احم
ياسر هز راسو او جبد الفردي ديالو كايمسح فيه
الطبية بخوف: او حيت هادا هو الميعاد ديال الدورة ديالها ولات كاتأثر بالزربة
ياسر خرج بلا مايدوي توجه للغرفة ديال هبة ضرب طليلة لقاها ناعسة او عيط الكارد ديالو يحضيو توجه للاستقبال خلص او عطاهم تليفون هبة او بالمعنى الفصيح ( خرشاش 🌚💔) او مشى لسيارتو كأن شيئا لم يكن
------------------------------------
في الصباح 🌄🛌
البنات كانو مجمعات عند أميرة كل وحدة تعاود على بلانات البارح او كلشي كايضحك على وئام هيا اللي خربتها مشقيينها شويا صونا تيليفون أميرة شافت النمرة ما فهمت والو جاوبات
*****: الو السلام عليكم واش الآنسة أميرة هادي
اميرة : اه و لكن شكون كيتكلم معايا
****: انا مظيفة الاستقبال في مصحة ***** اتاصلنا بيك حيت واحد المريضة سميتها هبة في المصحة دابا . او قطعت
اميرة ضربت فخاضها : اويلي حي وا هيااا ناري ميمتي
البنات كايشوفو فيها : أميرة مالكي
اميرة كاترعد : هبة اويلي صاحبتي
البنات: مالهااا
اميرة : في السبيتار الله على صاحبتي الله باقا ما شافت ما تشوفتي الله الله
البنات تصدمو كلشي ولا كايرعد او يبكي غا حتى ناضت فاتي كاتجري الباب هادشي اللي دارت كي بحالا فيقهم او ناضو كايجريو شدو طاكسي او مشاو
----------------------------------
هبة فاقت ريوكها سايلين مشبحة في النموسية تقولي باركة في خربتهم ناضت شافت واحد خمسة الرجال مكلضمين واقفين عليها في الجناب او واحد كايضحك في الوسط بركت على گازها كاتشوف فيهم يلاه غادي تبدا تدوي او هو يجي داك الراجل دوا معاها بشي لغة ما فهمت فيها حتى ق*وة الراجل شافها غير كاتبيض في عينيها او هو يسولها
الرجل: can you speak English??
هبة عاد تبشر وجهها او ابتاسمات ليه او دوات
هبة : yes I can
عاد باش تسرحت الهضرة بيناتهم دواو شويا عارفات بلي سميتو Victor او بلي هو خدام عند ياسر كمنادجر دواو حتى شبعو او هي تخربها هبة
هبة : خويا زعما ما تسيفطش ليا على شي فطور نعالجو بيه المعدة
Victor : اه واخا هانا غانسيفط ليك على الفطور
هبة : الله يحفظك افريدة
الراجل ما فهمش و لكن ضحك عيط على واحد من دوك الشجر اللي حدايا مشى او جا هوا برك يا الله غا يدوي حتى دخلو من هم في نظركم ؟؟؟
اجل انهم الكارثة المتحركة
وئام مع الدخلة هرست واحد الڤاز مسكينة معذورة عينيها عامرين دموع جات عندي عنقتني هي و البنات دقة وحدة
هبة : وا نوضو ها البغلات خنقتوني
اميرة كاتشهق : ياك الق*بة ما حشمتيش تخلعينا هاكدا ادوي هادا ما نسواو عندك
فاتي كاتبكي : مالكي اهبة اش وقع ليك
هبة تنهدات او واحد الابتسامة حزينة على وجهها : رجعت النوبات عاوتاني
اميرة بإستغراب : ياك عالجتي هاد المشكل ؟؟
هبة : اه راه هادشي اللي خلاني مستغربة
فاتي : صافي نساو علينا المرض

وئام : أجي نقول ليك شكون هادو
فاتي : كي بحالا مناوبين عليها الساطة
اميرة تفرشخت بالضحك
هبة : و الله او ماتسكتو يا تنوض لمكم نوريكم
البنات ضربو الطم حتى تم جاي داك الأخ بشي ماكلة ويلي ويلي انا فاش قلت ليه الفطور يسحاب ليا غادي يجيب ليا محراشة عامرة بالفرماج او الزيت او الزعتر او واحد الكاس داتاي بارد غا حتى صدمني السيد انا او واحد صحاباتي
يلاه غادي ندوي حتى تصدمت من الشخص اللي دخل من الباب

يتبع 🥰💖