الـــوقــوع فــي ابــتـســامــتــك

part 25

الصحابات او مالين طيماكس 🏍️💖
قصص مغربية 🎭✨
-----------------------------------------
نطقت او انا كانبكي: انور خويا هنااء ختي
اميرة حتى هي مشات عند واحد اخر : حمزة خويا
وئام مشات عند واحد اخر : رضى خويا
فاتي مسكينة غير كاتبكي حيت بقينا فيها
عنقتهم كاملين او البنات كذلك
هبة شافت فيهم او كاتبكي : زيانيتو الكلاب توحشتكم
انور ضحك او خشاني فيه : هاي هاي على الكلبة سلوݣية كبرتي
هناء ضربات ليه كتفو : بعد ليا من ختي اجي احبي اجي
مشيت عندها بست ليها راسها : ختيتو كيدايرة كيداير سيف
هناء قرصت ليا خدودي : لباس عليه راه بقى في هولندا عندو شي خدمة مهمة
انا او اميرة شفنا في حمزة او دوينا : وااا عبييقة توحشناااااك
حمزة هز شعرو بغرور او هز موس من الطبسيل كايخلعنا بيه : مالنا ما نخافوش
هناء كاتضحك : الله يمسخك
جر اميرة و باس ليها راسها : واش اروح عبييقة ما توحشتينيش
اميرة باستو بوسة ديال الصح : يا ولد القاف توحشتك او توحشت الخرجة معااك
وئام نقزت على رضى تنتف او تقول ما نتفت : ياااك اعدوزتي مشيتي او خليتيني الراس في الرأس مع فاطمة كل نهار تفقصني سيدك ريييضى دار سيدك ريييضى فعل الله يغرق لجد باباك الشقف دوي غادي لديك اوكرانيا كل نهار مع شهبة في شكل او ما قلتي زعما نضبر لختي على شي واحد بوكو حبة والو ايوا الله يعطيك العز اما الذل راك فيه
ما جاو فكوها غير شي سيكيريتي جارينها وئام تغوت او تسب : طلقو مني خليوني نربيه تشوما طلقوا
جا عنقها رضى كايضحك : الكلبة هادشي كامل وحش ليا حتى انا توحشتك
وئام كاتبكي او تضرب ليه في صدرو : خليتي بلاصتك و الله
رضى : عارف عارف
شويا كلشي ضار عند فاتي اللي غير كاتشوف او مبتاسمة او غوتنا كاملين دقة وحدة : وااااا فاتيييي
فاتي شافت فيهم مخلوعة : مالكم اش كاين
الدراري غمزوها : وااا ارري شي بيسة زعما ما كاين والو زعما
فاتي تزنكنت او البنات خنزروا في الدراري : الله يقلل عفتكم
ضحكو الدراري او البنات او مشاو عنقوا فاتي كايبوسوا فيها او يهروها او هي كاتضحك او هي تنقز هبة : يلاه اولاد القاف كلشي يبرك راه جاني جوع بغيت ناكل
ضار عندي انور مخنزر : عاودي لمك اش قلتي
هبة ضارت شافت فيه او كاتضحك بتوتر : هاااا العااار اخوياا ها العار
خرجت من الريسطو كاتجري او انور تابعها او كايضحك او الدراري خلصوا او تبعهوهم يجريو هوما او البنات
هبة كاتغووت : وااا باليييك اختي باليييك وا هااا العار اخويا و الله ما نعاود
انور كايضحك : وا والله حتى نخرجها منك
هبة : وااا عبيقة عتق عتق
رضى كايغوت : ان لله اودي احمااااادي
اميرة : وااا قودتيها ابنت فيتيحة
ضار عندها عبيقة بشوية اميرة فديك اللحظة طلقت رجليها للريح حتى وصلت حدا هبة
نقزت وئام او فاتي : وا الزاملات جبتوها في كركم دراري كلهم وقفوا او شافو في فاتي او وئام البنات شافو في بعضياتهم و غوتوا
فاتي و وئام : وااا فرتح فرتح
بداااو يجريو او يقولو ما جريت حتى عياو البنات او جلسو كايرجعو النفس شافو في الدراري او بداو يتباكاو او يزاوكو الدراري سمحو ليهم او كل واحد عنق وحدة او عبيقة عنق اميرة او فاتي او تمينا غادين راجعين لخربتنا ناكلو بوتشي من عند مول بوكاديوس كلينا زندناها او كل واحد في الدراري بقاو حتى سلمو على كاع واليدات صاحبهم وصلنا عند لالة فتيحة شافت ولادها فرحت او زغرتت او بكات او عنقتهم او باستهم تجمعنا على الميدة ديال العشاء تصدمنا من داكشي اللي حطات لينا الواليدة