القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
الصحابات او مالين الطيماكس 🏍️💖 قصص مغربية 🎭✨ --------------------------------------------------- تذكير الطبيب: موسيو بن شقرون المريضة كاتعاني من خلل في الجهاز العصبي او لا قدر الله تقدر في اي لحظة لذلك حاول تبعدها على المشاكل ياسر حرك ليه راسو او مشى ياسر الدوش يعوم ---------------------------------------------------- فاقت هبة او راسها ضارها حاولات تنوض و لكن غلبات عليها الدوخة رجعات جلسات او ضورات عينيها مزيان على الدار او نطقت بصوت رهيف هبة : فين انا ما جا ليها في بالها غير بيدرو ناضت معكزة على الكوافوز مع النوضة مع طيحات الڤاز تخلعات حدرات راسها الارض و لكن سرعان ما تفاجأت بالباب تحل -------------------------------------------- خرج ياسر من الدوش او اتاجه نحو الدريسينغ او شعرو سارد لبس لباس خفيف ديال الدار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يلاه غادي ياخد الكارو يكمي حتى سمع صوت شي حاجة طاحت تمشا بخطوات تقال نحو الغرفة تاع هبة حيت عارفها هي اللي كاتطير --------------------------------------------- هزات هبة فيه عينيها ابتاسمات براحة حيت ماشي الشخص اللي كان فبالها هبة بابتسامة تعبة : السلام خويا ياسر حرك ياسر راسو او جلس فوق الناموسية ياسر : كيبقيتي شوية هبة حركات ليه راسها ياسر عقد حجبانو : واش عارفة راسك فين رميتي براسك في ديك الحفلة هبة : حتى هاديك يسميو عليها الناس حفلة او هي كاملة مضلمة تقول ميت ليهم شي كادح ياسر ابتاسم بسخرية : حيت بكل سهولة ماشي حفل عادي هبة هزات حجبانها بتساؤل : كيفاش زعما ؟؟؟ ياسر : دابا تعرفي مع الوقت هبة قررات تعاود ليه القصة من الأول حتى الآخر او بالفعل ترجلات او تكلمت هبة بحزم : سمعني الخوادري راه حنا مشينا غير سالتين لهاد الحفلة راه حتى حد ما عرض علينا ياسر ابتاسم بجانبية : تبارك الله عليك ايوا شفتي السلتة فين كانت غادي توصلك هبة بدات كاتحك في يديها مع بعضياتهم بحال الدراري الصغار ياسر بجدية : واش عارفة معامن تورطتي و لا لا هبة بعصبية : واش هداك الولية يمشي يفوتني عليه و لكن الصراحة هو زوين كون ما كانش متحرش ز****ل كنت نقدر نعطيه فرصة ياسر حكم على ليزار مزيان او مع كل كلمة كاتقولها زغب راسو كايوقف عليه حتى نطق ياسر : سمعيني مزيان هبة : نعام ازي زعماا خويا ياسر ابتاسم بجانبية : من اليوم غادي يوليو الكارد ديالي معاك فين ما مشيتي هبة بقات كتشوف فيه واحد المدة بلا حتى شي ردة فعل شويا نفاجرات ضاحكة من قلبها هبة : ناري هادوك نخاف على راسي يصدقوا مناوبين عليا باقا محتاجا ميكتي اساط ياسر حاكم اعصابو بزز مع هاد المخلوقة : قلت هضرتي او سالينا او بالنسبة لدوك الافكار غير حيديهم من راسك هبة حسات بحالا حشرها : تشا بلاتي تا راك زربتي عليا
يلاه غادي نكمل هضرتها هز فيها عينيه خلعها : ويلي نعم اسيدي ياسر مول الراي او الشوار ما يكون غير خاطرك ياسر ببرود : مزيان نطق من بعدها ياسر : واش كاتحسي براسك مزيانة و لا تباتي معايا اليوم هبة عقلها مشا بعيد ما فيقتها غير هضرتو ياسر ببرود : حيدي منك هاد التفكير هبة تصدمت : اه غير يلاه ديني عفاك ياسر حرك راسو : وجدي راسك خرج مشا المكتب ديالو بينما سالات ---------------------------------------------- هبة مشات تغير حوايجها بالقدام اللي كانت لابسة قبل الحفلة او هي كاتظي او تجيب في الطرقان سالات خرجات من البيت كاتقلب ما تلاقا غير مع واحد المش هزاتو كاتجري بيه فرحانة مع الصورة اللي ضارت لقات ياسر من وراها جامع حجبانو كيف العادة هبة ابتاسمات بتوتر : نمشيو يلاه ياسر : غادي تمشي بالمش هبة : باينا غادي يكون جاي من الشرجم غير خليني نديه عليكم ياسر باستسلام :اه واخا و لكن تهلاي فيه هبة بسعادة : هاي هاي كابتين مشات كاتجري الباب بانو ليها تستيفة ديال الطوموبيلات وقفت كاتشوف في خير ربي ياسر : يلاه تحركي هبة من وراه : هانا اصاحبي ياسر ابتاسم بجانبية او ركب سيارتو او هبة ركبت اللور ياسر بعصب : واش قالو ليك انا شيفور ديالك هبة منيتها: علاش مالك ياسر : زيدي تبركي حدايا هبة عندها عادي : واخا هانا جاية صبر خرجات ركبت حداه او ضيمارا نحو المنزل تاع هبة او هاد الأخيرة ما مسوقاش كاتلعب مع المش ما فيها من سهوتها غير الصوت ديال القيسارية اللي قربو ليها قربات حظا ودن ياسر بعفوية او نطقات : ياسر خويا عفاك وقف هنا راه ايلا ولو طموبيلتك غادي يبداو يدويو عليا بالخايب ياسر ضار عندها شاف فيها او هي ملصقة فمها على لحيتو او كاتدوي حس براسو ماشي هو هاداك دغيا وعى براسو او رجع تركيزو معاها ياسر نطق : واخا انا غادي تخلي الطوموبيل مع الكارد او غادي نوصلك عادي هبة حركات راسها بموافقة او خرجات من السيارة او قام ياسر بالفعل هز المش من عندها او تمو غاديين او كايتكلمو على مواضيع مختلفة وصلات هبة لدارهم دارت عندو او ابتاسمات هبة : شكرا بزااف على كاع هادشي اللي درتي معايا اليوم ما عمرني ننسا ليك هاد الخير اخويا ياسر ياسر : ما تديريش في بالك اي واحد في بلاصتي كان غادي يعمل نفس الشيء يلاه دابا نخليك تهلاي في المش هبة ضحكات : كون هاني على الفنيكيش تمشا ياسر راجع ادراجو او هاد الأحداث كايدورو ليه في المادة الرمادية ديال مخو
