الـــوقــوع فــي ابــتـســامــتــك

part 30

الصحابات او مالين الطيماكس 🏍️💖
قصص مغربية 🎭✨
______________________
ياسر هز راسو شاف فيا و ناض على وقفتو و عنقني تعنيقة ديال الصح
ياسر : توحشتك
انا وليت كانقفقف ما عرفت ما ندير حدي قلت ليه
هبة : حتى انا توحشتك
اما عند وئام هاديك راه فاش هبطت و لقات زكرياء هاديك هي اللي تقدمات
وئام : زكيكو توحشتك
زكرياء هز فيها عينيه و ضحك ايه زكيكو ضحك
زكرياء : حتى انا توحشتك أنسة وئام
وئام : كانتسالك واحد الكلاص ما نعقلش عليك
زكرياء : وقتما بغيتي
نرجعو عند هبة
بقيت كنشوف في عينيه بتوتر حتى هو هز عينيه فيا   و دوا
ياسر : فين غاديا دابا
هبة : غاديا المدرسة
ياسر : امم واخا دوزي تفطري بعدا عاد باش نوصلك
هبة : و لكن نتا يله جاي غادي تكون عيااان غير رتااح
ياسر : لا انا اصلا جيت مع الليل البارح راه رتاحيت يلاه زيدي باش مانضيعوش الوقت
انا مشيت عند خالتي فخيتة و بست راسها
هبة : صباح الخير انوارة الدار
لالة فخيتة : صباح النور ازوينة ديالي
هبة : كاين شي فطور و لا ندورو مع الضورة
لالة فخيتة : ويلي الفطور اللي كايعجبكم هو اللي كاين
هبة شافت في الطبلة لقات الخبز ديال الدار و المسمن و البغرير و البطبوط و الزيت العود و الزبدة و العسل و الفرماج و الكوفيتير و براد ديال اتاي
هبة : الله يعطيك الصحة و خلاااص و فينك افتيحة جي تشوفي بنتك باش كاتفطر
جا جلس حدايا ياسر و هادشي وقع مع كل بنت شفت فيهم بانو ليا ماهوماش غمزتهم باش يترخاو صاوبت ليا الخبز و زيت العود و الكوفيتير ضربت واحد نص خبزة واحد الكاس ديال اتاي اميرة ضربت واحد البطبوطة عامرة بالعسل و فاتي ضربت واحد نص عامر بالفرماج و زيت وئام خدات بطبوطة دارت وسطها مسمنة و عمرتها عسل مزيان و ضربت كاس ديال اتاي
لالة فخيتة : الله يربي الله حمدتك و شكرتك وليت فاش نحط الميدة تكال الماكلة
البنات : و ماكلتك بنينة اخالتي تبارك الله عليك
اسر و ريان : التسليم امالين الحال
ياسر مع هبة : ساليتي نتحركو دابا
هبة شربت الكاس ديال اتاي دقة وحدة : اه يله
نضت بست خالتي و شفت في البنات
هبة : البنات انا غادا مع خويا ياسر
الدراري : حنا ندويهم
هبة : شكرا ليكم و لكن عافاكم جيبوهم في الوقت راه عندنا فرض في الماط
اميرة وحلات ليها : ويلي ويلي ما خدمت والو راه غادي تقتلني وسيمة و ناري شي خمسة اخرى هاد المرة
هبة : ما صبت ليك جهد بعيدة عليك بثلاثة ديال الصفوفة اما كون صوفيتك
فاتي : وا هيا ناري منين نتي جايبة هاد العقل اينشتاين صافي
هبة : خمسة و خموس يلاه بسلامة الدراري تهلاو ليا في بنياتي يله ياسر مشينا
ياسر : يله
هبة سبقاتو و بقى هو من وراها يله فاتو الباب مع شدها عاود عنقها و تمخشش فيها
هبة بخوف : ياسر اش كاتدير
ياسر : توحشتك اهبة توحشت ريحتك و صوتك توحشت كلشي كايخصك اللي هو في الصراحة كيخصني
هبة بدات كاتخاف : ياسر اش كاتقول
ياسر : غادي تعرفي الروح ديال ياسر و لكن ماشي دابا  يلاه نمشيو
هبة وكلات امرها الله و تمشات معاه الطوموبيل ركبت حداه و داك مسخوط الواليدين ديال حزام وحل وحلة الكلاب عيات معاه و والو ياسر شافها و تحرك من الكرسي ديالو الكرسي لاخر و جبد ليها الحزاام هبة حشمت تزنكت هو مع الدورة اللي غادي يدير ليها الحزام باس ليها حنكها هبة فيناهيا هبة الله يرحمها شدتها السخفة و الصدمة و التلفة
هو ابتاسم حتى بانو سنيناتو بيضين مستفين طلع ليه المورال هبة ولات غير كاتشوف ما تدوي ما تكلم من بعد واحد المدة وصلو المدرسة بنادم كايطال و يدوي حيت ما عمرهم شافو فحال هاد الحديدة كاتضور هنايا هبة شافت في ياسر شكراتو بغات تحل الباب ما بغاش عاودات ما بغاش دارت عند ياسر
هبة : هادا مالو تعكس
ياسر : راه ما كايتحل غير من عندي
هبة شافت فيه بإستغراب : ايوا حلو
ياسر : واخا
داز باسها لحنكها و راسها و حل الباب
ياسر : bye honey
هبة فهمتها و ضارت عند مزنكة : bye Yasser
صافي خرجت تمشات حتى الباب و بنادم كايوشو حتى بان ليها شكيب جاي لعندها كايغوت و يعبرط ياسر شاف البلان و بقى جالس ما بغاش يدوي و لكن فاش بغى يهز يدو عليها هنا سطوووب

يتبع 🥰💖
المهم اليوم غادي نحبس غذا غادي نكتب لكل بنت بوحدها