الصحابات و مالين الطيماكس 🏍️💖
قصص مغربية 🎭✨
-----------------------------------------
ناضت هبة و رفعات عينيها لديك البنت اللي كان الشكل ديالها ماشي مغربي لذلك الكلمات مع باللغة الانجليزية
هبة : شكرا حيت نقدتيني
البنت تبسمات بهدوء و ربثات على رأس هبة : ماشي موشكيل هذا واجب
اومآت هبة برأسها و يلاه غادي تم غادا حتى وقفاتها الهضرة اللي قالت البنت بنبرة هادئة و باردة
البنت : انا فهمت كاع داكشي اللي قولتي و بخصوص الوعد اللي واعدتي بيه نفسك انا مستاعدة نساعدك عليه و توصلي الهدف ديالك
قربات بخطواتها لهبة من الخلف و عطاتها واحد الورقة كحلة و مزينة بالذهبي في شكل كانت كاتبعث ليك واحد الشعور ديال الرهبة و الخوف
هزات هبة عينيها لثاني مرة البنت و ركزات ليها فعينيها مزيان الشيء اللي خلا البنت تهرب ليها ابتسامة خفيفة من ثغرها
حركات ليها هبة راسها بالموافقة و هزات تيلي ديالها عيطات البوليس و لومبيلونس اولا قادات الاجراءات كاملة
بقا ليها غير تعيط لخوها و هاد اللحظة بالضبط ما باغاش تزعم عليها ما باغاش ابدا
هزات تيلي لتاني مرة دوزات الخط و فاش سمعات النبرة القلقة ديالو شدات على يدها بالجهد حتى تغرسو ظفارها في راحة اليد ديالها
انور : الو هبة فينكم اش هاد التعطيلة ؟؟!
هبة تحكمات في راسها و جاوبات بنبرة باردة ما عمر شي حد ما سمعها من فمها
هبة : جي نتا و هناء و البنات و خالاتي ل**** باش توقعو على إجراءات الدفن
انور تعقد ليه لسانو ما بقاش قادر ينطق بالحرف الجملة باقا كاتدور ليه في راسو
قطعات هبة التيلي و جلسات على الحافة ديال واحد العتبة مرجعة راسها اللور كاتحاول تقوي راسها و هي عقلها كامل مع الام ديالها اللي ما قدراش تشوف وجهها في اللحظة الأخيرة قبل من الدفين ما قادراش
---------------------------------------
بعد ساعة بالضبط
جا كلشي و تستفوا قدام هبة كايشوفو فيها غير شاردة و الدمعة ما كايناش في عينيها و هادشي اللي خلعهم هادشي خوفهم
أنت تقرأ
الـــوقــوع فــي ابــتـســامــتــك
Historia Cortaالقصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
