الـــوقــوع فــي ابــتـســامــتــك

part 33

الصحابات و مالين الطيماكس 🏍️💖
قصص مغربية 🎭✨
_________________________
بعدات شويا و دوات في التيليفون كان ياسر اللي كايعيط استغربت هذا مالو
هبة : الو ياسر
ياسر كايدور في كرسيه و كيدوي : صدقتي مشرملة مع راساتك
هبة ضحكت : وصلوها صحاب الحسنات او زايدون انا ما كانبغيش الحكرة
ياسر : اممم واش معاك الواليدة
هبة : اه هاهيا معايا انا و البنات في القيسارية
ياسر : دوزيها ليا ندوي معاها
هبة : واخا خالتي فخيتة وا خالتي
فخيتة : انعاام
هبة : اجي تكلمي مع ياسر راه بغااك
فخيتة : اه ولدي هانا جايا
هبة عطاتها التيليفون او بعدات خلتها تدوي معاه على خاطرها من بعد شي جوج دقائق جابت ليها تيليفون
ياسر : المهم تهلاي ليا في الميمة
هبة ابتاسمات بترحاب : ما توصينيش على خالتي راه بحال ميمتي
ياسر : او ما تعطلوش بزااف يلاه بسلامة
هبة : يلاه الله يعاونكم
قطعات التيليفون او مشات عند البنات لقاتهم لقاو اللي بغاو بقاات غير هي شافت في لالة فخيتة لقاتها كاتقول ليها بعينيها قلبي على داكشي اللي بغيتي هبة مشات عند خالتها و دوات ليها في ودنها
هبة : و خالتي فخيتة راه خاطيني هادشي ديال التكاشط او القفاطن ما كانعرفش فيهم
فخيتة : هاويلي باغا تمشي عريانة
هبة : هاويلي تي اش راك سايرة تقولي زعما غير ختاري ليا نتي انا تايقة في اختياراتك اخالتي
فخيتة فرحت و ما قداتها فرحة : ها العار ها سعدي ها فرحي ايه ابنتي انا نختار ليك
بقات لالة فخيتة تدور على المحلات و أخيرا خدات واحد بالتخبية على هبة و خلصاتو
فخيتة : ايه او دابا ها حنا خدينا التكاشط اش بقااا اممم باقي الاونسومبل
هبة : اينا اونسومبل
فخيتة : و مالكم باغين تمشيو خاويين بلا حوالق بلا سناسل بلا دبالج دوي
هبة خلعتها فخيتة : خالتي نتي تعرفي
فخيتة : الله يرضي عليك
مشاو عند الذهايبي ختارت ليهم فخيتة ربعة ديال الاونسومبلات تقال و موديرن و خرجت
فخيتة : ايوا دابا مزيان انا مرتاحة نفسيا و جسديا
البنات : شكرا اخالتي بزااف لهلا يخطيك علينا
عنقوها كاملين في دقة و بادلاتهم
وئام : وا هالعار راه ضراتني رجلي
اميرة : و الله يعطينا وجهك و نتي الطالون اللي لابسة تضربي بيه خوك المسلم يشهد
فاتي : ديرو بحالي و نتوما كاتزوقو بزااف
كلشي ضار عندها في دقة و نطقو باستهزاء
البنات : ها العار قولي كاتضحكي
فاتي : احم صافي
هبة : يلاه نمشيو للدار باش نصاوبو ما ناكلو و نقادو وجاهنا مزيان
وئام : اميرة جبتي معاك الماسكات يااك
اميرة : ويلي غير بغيتي تسولي
وئام : ايوا مزيااان نقادو وجهنا
دورو عاودتاني لالة فخيتة و شدو طريقهم الدار 
--------------------------------------
من بعد شي ساعة و نص وصلو البنات مطحطحين للدار تجبدو فوق الفوتوي و ناضت وئام تصاوب القهوة حيت كاتصرعها خدينا الكيسان شربنا دوينا شويا نضت انا صاوبت العشاء و شي شلاضة ديال لي پات المهم ساليت من بعد ما تأكدت ان كلشي طاب نضت من الكوزينة غسلت يديا و مشيت عند البنات الجردة لقيتهم مدايرين الماسك ضحكت
هبة : نتوما ديرو الماسك و هبة طيب ليكم ما تجغدرو
فخيتة : زيدي ابنيتي حدايا الله يرضي عليك
هبة : امين اخالتي
بركو عطاو لهبة الماسك دارتو و نطقت وئام
وئام: هبة عاافااك ايلا ما نوضي نلعبو عروسة و عريس
هبة : وئام نسولك
وئام : اه سولي
هبة : دابا واش نتي بصااح عندك 18 عام
وئام : اه ولكن واقيلا غالطين ليا فالتاريخ و نوضي نلعبو ها العار
هبة : واخا الآلة واخا
وئام : يلاه اميرة و فاتي بجوج و انا هبة بجوج
البنات : الله يستر او وصافي
فخيتة : نوضو نوضو نضحكو شوية
هبة شدات في وئام و اميرة شدات في فاتي و بديت انا و اميرة كانصليو على النبي
هبة و اميرة : صلى و سلام عللى رسول الله ايهااا الجااه لاااا جاااا سيدنا محمد الله معاااك الجااه العالي لوووووولوووووولي
بقاو فحال هاكداك ما كاين غير الصلاة على النبي و كايمثلو بلي الكاميرا كاتصور فيهم و يضحكو معاها و يشيرو من فوق العمارية ما خاصهم حتى خير ( و الله حتى مشير عليهم شي جن هادو 😂😂😂)
---------------------------------------------
عند الدراري
يلاه خارجين من طوموبيلاتهم ريان كايدوي مع اسر ( تصحيح كايتغاوتو ماشي كايدويو 😂😂)
و زكرياء كايدوي هو ياسر مبردين زكرياء طفا الكارو حيت غادي يدخل الدار دابا و هو من طبعو كايحتارم خالتي فخيتة توجهو داخلين الدارهم و هوما يتصدمو من داك المنظر اللي شافو
اسر : قرصني اريان قرص أخاي
ريان حتى هو قرص السيد ما هواش هنا : هي اللي ما تعاودش
اما واحد ياسر و زكرياء فكيشوفو مربعين يديهم كايحاولو يفهمو هادشي و لكن الله غالب
---------------------------------------
وئام حبسات و نطقات
وئام: و الله حتى جابكم الله اجي ازكرياء عندي و كل واحد يمشي عند وحدة نلعبو عروسة و عريس
فاتي و اميرة هبطو عينيهم حشمانين اما واحد وئام فمشات جرات زكرياء هاد الاخير اللي كايحرك راسو بلا حول و لا قوة الا بالله و أخيرا بقات هبة اللي كاتشوف بصدمة و حشمة و احراج اما واحد ياسر نظراتو ما مفهومينش ما تفهمي والو منو
كل واحد لتاحق بزوجتو الخيالية بقاو غير دوك زوج تحركات هبة عند ياسر و همسات ليه بهدوء
هبة : شوف عافاك غير هاد المرة و ما بقاتش تعاود
ياسر بتاسم بجانبية و جرها من يدها و خبطها مع صدرو و نطق : انا ما متانعتش اهبة يلاه دابا نلعبو
هبة حشمت مرݣت ولات تدور عينيها فيهوم اما اللي جاب ليها التمام هي لالة فخيتة جات هازة صينية ديال التمر و الحليب و جاية كاتزغرت و تصلي على النبي
نطقات وئام كاتضحك : و الله يا خالتي حتى كاتجي فوقتك
فخيتة : و هانتي ما تسالينيش
كل واحد شد في الشريكة ديالو و جلسو حدا بعضياتهم اما واحد فاتي راه طاح عليها السر حيت اسر كايحشمها و اميرة زينة البنات راها باركة هي وريان اللي يدور يدور و يبوس ليها يديها  هي تخنزر زعما اتا شفتك تحمستي شويا اما وئام راه هي شادة في يد زكرياء و تضحك ( تحية لوئام من هاد المنبر ) و زكرياء كايضحك على هاد المخلوقة اللي بلاه الله بيها او نمشيو عند ياسر و هبة هاد الأخيرة اللي حمارت حمارت و الحشمة وأصلا فيها العظم و ياسر اللي كايشوف فيها و مرة مرة
جات خالتي فخيتة بركات عطاتنا التمر و الحليب وكلني او وكلتو و كلشي وقع ليه بحال هاكدا ناضت وئام
وئام: و انا الآن باسم المحكمة و البرلمان اعلن نفسي و اعلنكم زوجا و زوجة شرعا و قانونا
ما قدرناش نحبسو الضحكة ضحكت و اللي ليها ليها و نضت صليت على النبي و زغرتت و جلست
هبة : غير سمحولينا و خلاص راه وئام دائما بحال هاكدا و لا ما درناش بهدرتها تبقى شهر و هي مقلقة يلاه نوضو غسلو يديكم و جيو نتعشاو
مشت حدى ياسر هزيت تيليفوني و سيفطت ليه ميساج كانشكرو فيه جاوبني بماشي مشكيل عادي هادشي
ابتاسمت ليه و جريت معايا البنات او واحد وئام نضور تضور و نشبعها قريص اويلي على الشوهة فاطمة ما رباتش صافي حيدنا الماسكات و غسلنا وجهنا و يدينا خليتهم حتى تجمعو في الكوزينة كاملين عاد باش حطيت ليهم واحد الطبسيل ديال شلاضة ديال لي پات كبير و حطيت شي طبيسلات صغار ديال المحار و معاه الكروفيت و دي صوص و من بعد حطيت ليهم البسطيلة ديال الحوت كبير. قداش شناهيا جلسنا كلينا سالينا ناضت فاتي تجمع الميدة و بقينا شادينها بالهضرة مجموعين عمرنا واحد البراد ديال أتاي كانتنخواو عليه
لالة فخيتة : اميرة تبارك الله عليك ابنتي اتاي مشبشب ما نسالكش ابنيتي
اميرة شافت في هبة و هبة شافت في المرة و طلقوها بضحكة بزوج : راه اتاي العبدي هادا اخالتي دوقي و تلذذي
فخيتة : تبارك الله على بنياتي و خلاص 
فخيتة : سمعوني اوليداتي انا و البنات غادين العرس ولد عمتكم غذا و سبحان الله كنت غادي نمشي راسي حتى كتبهم ليا الله في طريقي
هبة على اثر هاد الكلمات بتاسمات و نطقت بعدها بدهشة
هبة : و خالتي و نسيت ما شريتش باش نحضر
فخيتة : لا كوني هانيا راه ختاريتها ليك و لكن ما غاتشوفيهاش حتى الغدا
البنات غمزو لالة فخيتة : الله يعز الحكام اخالتي
هبة : شوفو ااه راه غادي نوض ليكم غادي نضيكم
البنات ضربو الطم و الدراري نطق فيهم ياسر ببرود
ياسر : الميمة راه نقدر نجي انا و الدراري نباركو لعمتي و لولدها و نرجعو بحالنا
فخيتة تبشرو حروفها : ايه اوليدي على الراس او العين
ياسر ناض باس ليها راسها و شاف في هبة هاد الأخيرة اللي نزلت راسها بسرعة
ياسر : يلاه تصبحو على خير خليت ليكم الراحة
فخيتة : و نتا من اهل الخير اكبيدتي
طلع ياسر لبيتو و اسر نطق

اسر : وا مي كاتديري الفرزيات ما حرامش
فخيتة : علاش اش درت تاني
اسر : ياسر كاتقولي ليه كبيدتي و انا لا
البنات و الدراري : من صغيوراتك
فخيتة جرات ولدها عنقاتو و باستو مزيان : نتا راك هو الطرف الآخر من كرشي نتا راك هو كلشي نتا راك ولدي الصغير و عكازي اللي نعكز فاش نطيح نتا هو كلشي اوليدي ما تقولش بحال هاكدا
اسر عنق ماماه و باس ليها راسها : لهلا يخطيك علينا أتاج راسنا
مع الضورة اللي غادي يضورو مع غادي يشوفو وئام و اميرة كايبكيو جوج دموع من العين
هبة ناضت هي و فاتي كايحركو رأسهم بلا حول و لا قوة الا بالله
دراري شافو فيهم خلعوهم : مالكم ياك لباس
هبة و فاتي : عندهم نقص في الحنان و فائض في المشاعر
ناضت وئام و اميرة معنقين بعضياتهم توجهو الروبيني كايغسلو و جههم و مع هوما بيضات بلقات نيفهوم و عينيهوم حمارو هبة شدات في اميرة معنقاها و فاتي عنقت وئام
البنات: تصبحو على خير
تستفوو فوق راس فخيتة باسو ليها راسها و طلعو معانقين او نعسو مجموعين

يتبع 🥰💖.